Ensambo 15:8 - Baibuli Ekibono kya Katonda 2014

⁸ Musengwa Katonda yeenhinhata emisengo egy'ababi, aye yaasanhukira okusaba okw'abeesimbu.

Ensambo 15:8 Iomraidhean Croise

2 Samueli 15:12

Era Abusalomu bweyali ali kughaayo emisengo, yaayetesa Ahithofeli Omugiloni eyabanga mu kibuga Gilo, nga yali muwi wa magezi owa Daudi. Agho abantu abaali ku luuyi lwa Abusalomu baaja nga beeyongera obungi, n'olukwe lweyongeramu amaani.

1 Bakyabazinga 3:10

Musengwa Katonda yaasangaala okubona nga Solomoni ekyo ky'asabye.

1 Ebyomubyanda 29:17

Era ndidhi nga iwe Katonda wange oleba omwoyo gw'omuntu, waasangaalira omwesimbu. Zeena ni mpaireyo ebintu bino byonabyona kyeyendere n'omwoyo omwesimbu. Era mperaano mboine abantu bo abali ghano nga baleeta y'oli ebigheebwayo ekyeyendere era nga basangaavu.

Zabbuli 141:2

Ganha okusaba kwange kukutuukeku ng'oti n'akawoowo ak'obubbaani, n'emikono gyange gye nsituliire y'oli gibe ng'oti n'omusengo ogw'eigulo.

Zabbuli 17:1

Wo Musengwa Katonda, wulira okulira kwange nga nkusaba oyoleke obutuufu bwo. Ntegera kutu owulirise okusaba kwange okuziramu kuguya.

Ensambo 10:24

Omubi ekintu ky'atya kija kumutuukaku, aye omutuufu ky'ayenda baja kukimugha.

Ensambo 15:29

Musengwa Katonda aba ng'oti ali ghala inho okuwulira ababi nga bamusaba, aye awulirisa mangu okusaba okw'abatuufu.

Ensambo 15:7

Abagezi bye boogera bibunisa okumanha mu bantu, aye abasiru tibakola batyo.

Ensambo 21:27

Musengwa Katonda yeenhinhata emisengo egy'ababi, n'okusingira irala bwe baba nga bagireese n'ekigendererwa ekibi.

Ensambo 21:3

Okukola ebituufu n'okukolera ku mazima, bisiimya Musengwa Katonda okuwula okumugha emisengo.

Ensambo 28:9

Omuntu atenda kuwulira mateeka, n'okusaba kwe Katonda akwenhinhata.

Omulangirizi 5:1

Weegenderezenga inho ng'oli kuja mu isinzizo. Okujaayo n'owulirisa oyege, kisingaku okumala gaghaayo misengo ng'abasiru bwe bakola; kuba tibaidhi nga bali kukola kibi.

Olwembo 2:14

Oli ng'oti njiibwa eyeegisiisa mu ntanda edheeyatisa mu lubaale, mu nkompe edhiri mu nsozi. Leka nkulingirireku mu maiso, kuba muboneka bulungi. Era leka mpulire ku mamiro go ng'oyogera, kuba gawooma okuwulirisa.

Isaia 61:8

Musengwa Katonda akoba ati: “Nze nhenda abo abakola amazima, aye nkyagha abo abanhazi n'abakozi b'ebibi. Ndigha abantu bange empeera yaibwe nga njiira ku mazima, era naakola nabo endagaano ey'ebyanda n'ebyanda.

Isaia 66:3

“Ghaligho abantu abasalagho okukola ebintu nga bwebenda, nga tibataagho ndhawulo naire ghagati gha kino ni kire: Ole okughaayo ente ng'omusengo, akibona nga n'ekirala n'ole aghaireyo omuntu. Ole okughaayo entaama ento ng'omusengo, akibona nga n'ekirala n'ole amenha enkoto y'embwa. Ole okuleeta ekigheebwayo eky'emere ey'empeke, akibona nga n'ekirala n'ole aghaireyo omusaayi gw'embiidhi. Ole okuniokeza obubbaani, akibona nga n'ekirala n'ole asaba enkabi eri ekisinzibwa ekitali Katonda. Abantu abo kye benda kye bakola, era basanhukira inho ebyenhinhalwa bye bakola.

Yeremia 6:20

Obubbaani bwe bandeetera okuva e Sheba bungasa ki, waire obuwoowo obuva mu nsi edh'eghala? Tiidha kusiima bigheebwayo byaimwe ebyokebwa, waire okusanhukira emisengo gye mumpa.

Danieli 9:23

Bw'otooleire okusaba kwo, ghaligho Katonda ky'akwizeemu. Era ekyo kye ndidhie okukukobera, kuba oli mugonzi inho y'ali. Kale ni weetegereze nga nkwinhonhola, otegeere amakulu ag'okubonekerwa okwo.

Abalevi 7:18

Emamba eyo bw'enaaliibwangaku ku lunaku olwokusatu, Musengwa Katonda taasiimenga kigheebwayo ekyo, era n'oyo akighaireyo taasiimibwenga. Emamba eyo enaatwalibwanga okuba ekyenhinhalwa, era kiisi anaagiryangaku, anaabonerezebwanga.

Mika 6:6

Kiki kye nnaaleetera Musengwa Katonda, oyo Katonda ow'eigulu, nga ndidha okumusinza? Mmuleetere ente ento edh'omwaka omulala edhisinga bulungi ndhigheeyo ng'ebigheebwayo ebyokebwa?

Mika 6:7

Musengwa Katonda anansiima bwemmuleetera enkumi n'enkumi edh'entaama enume oba omuzigo ogukuuluula ng'oti miiga? Oba mpeeyo omwana wange omuberi olw'ebibi byange?

Haggai 2:14

Agho Haggai yaabakoba ati: “Musengwa Katonda akoba ati kityo bwekiri ni ku bantu ab'eighanga lino, ni ku byonabyona bye bakola. Era ni byonabyona bye baghaayo ku alutaari, tiibirongoofu.”

Malaki 1:10

Musengwa Katonda Afuga Amagye akoba ati: “Kyandibaire kikalamu ngoli owundi ku imwe aigalagho endhigi dh'eisinzizo, mwalekera agho okukumira obwereere emiriro ku alutaari yange! Bye mukola tibiinhoonha naire, n'ebigheebwayo ebiva mu ngalo dhaimwe tiidhanga kubisiima.

Yoanne 4:24

Katonda Mwoyo, era abamusinza bagwaine okumusinza mu Mwoyo ni mu mazima.”