Ensambo 15:5 - Baibuli Ekibono kya Katonda 2014

⁵ Omusiru anhooma abazaire be bye bamugalagira, aye ole aganha okunenezebwa aba mutegeevu.

Ensambo 15:5 Iomraidhean Croise

1 Ebyomubyanda 28:20

Agho Daudi yaakoba mutabane we Solomoni ati: “Guma omwoyo obe mumalirivu, okole omulimo ogwo. Otatyanga era otawangamu maani, kuba Musengwa Katonda wange ali ghalala n'iwe. Talikuvaaku, waire okukulekulira agho, aidha kubanga ghalala n'iwe akusobozese okumaliriza omulimo gwonagwona ogw'okukola ku isinzizo lye.

1 Ebyomubyanda 28:9

Agho yaakoba Solomoni ati: “Era iwe mwana wange Solomoni, manhanga Katonda wange nze lata wo, omugheerezenga n'omwoyo mulala aghazira kusagansagana, kuba Musengwa Katonda oyo ayagaaza yaazuula ebiri mu myoyo gy'abantu era yaategeera bye bategeike okukola byonabyona. Bw'onaamunoonianga, oidha kumuzuulanga. Aye bw'onaamuvangaku, aidhanga kukulekulira agho ebyanda n'ebyanda.

Zabbuli 141:5

Omuntu omukalamu amala gambonereza oba yandhuuka olw'okungemerwa ekisa, okusinga okuganha ekitiibwa ekimpeebwa abantu ababi, kuba tirekerangaku kusaba nga nvumirira ebikolwa byaibwe ebibi.

Ensambo 1:23

Mufeeyo inho ku bye ndi kubanenia; nja kubakobera byonabyona ebindi ku mwoyo, era mbaghe ku magezi ge ndi nago.

Ensambo 1:7

Omuntu okuba n'obumanhi, asooka na kutya Musengwa Katonda. Abasiru banhooma amagezi era tibenda kugalagirwa.

Ensambo 10:1

Dhino n'ensambo dha Solomoni. Omwana omugezi yeesiimisa ise, aye omusiru aleetera inhina enaku.

Ensambo 13:1

Omwana omugezi awulira ise by'amugalagira, aye omunhoomi tayenda kunenezebwa.

Ensambo 13:18

Omuntu atafaayo ku bye bamugalagira, ayavughala era yaanhoomebwa, aye ole awulirisa bye bamunenia agheebwa ekitiisa.

Ensambo 15:4

Ebibono eby'ekisa bireeta obulamu, aye eby'obuguya bikutula omwoyo.

Ensambo 15:6

Mu ndhu edh'abatuufu mubaamu eby'obukombe kamaala, aye ababi bye bafuna tibabifunamu kalungi naire.

Ensambo 19:20

Bw'owulirisa amagezi agakugheebwa era n'oganha okugalagirwa, olwo olifuna amagezi mu biseera eby'omu maiso.

Ensambo 25:12

Ow'amagezi by'agalagira omuntu eyeetegeike okuwulirisa, biba bya mughendo okuwula empeta ya zaabu n'ebintu ebyakolebwa mu mabaale ga zaabu.

Ensambo 6:23

Kuba ebyo bye bakulagira biri ng'oti itaala eryaka mu nzikiiza, n'ebyo bye bakwegeresa byaba ng'oti butangaavu, ate ebyo bye bakuneniamu byakutuusa ku bulamu.

Tito 1:13

Olw'ensonga eyo oteekwa okubadhuukira irala memale babe n'okwikiriza okutuufu,

Tito 2:15

Yegeresanga ebintu bino ng'olamba era ng'onenianga abantu bo n'obuyinza bwonabwona. Ghatabangagho muntu yeenayeena akunhoomanga.