Ensambo 14:3 - Baibuli Ekibono kya Katonda 2014

³ Omusiru by'ayogera n'ebimukubya olw'okwekuluntaza, aye omugezi by'ayogera n'ebimukuuma.

Ensambo 14:3 Iomraidhean Croise

Yobu 5:21

Aidha kukuwonianga abakwogeraku eby'obuguya; toidha kutyanga kuzikirira, bwe kunaidhanga.

Zabbuli 12:3

Wo Musengwa Katonda, sirisa abo abasuutiriza banaibwe, n'abo abeesaaka ebiziramu

Zabbuli 31:18

Sirisa abaguya abo kuba baidhwire okwebona. Boogera bubi ku bantu abatuufu nga babanhoomerera.

Zabbuli 57:4

Buti ndi ghagati mu mpologoma edhikankamira abantu, edhiri n'amaino ng'oti mafumo na bulaso, edhiri n'enimi endhogi ng'oti mpiima.

Ensambo 12:6

Ebibono eby'omubi biri ng'oti mutemo eyeeteeze okwita omuntu, aye omwesimbu by'ayogera biwonia abantu.

Ensambo 13:3

Omuntu afuga omunwa gwe akuuma obulamu bwe, aye ole ayogerayogera eyo atyo yeezikiriza mwene.

Ensambo 14:4

Aghazira nte dhirima, mu byagi timuba mere, aye bw'oba n'ente edhirima edh'amaani ebyagi biidhula emere.

Ensambo 18:6

Omusiru by'ayogera bireeta kusoola, era byamuleetera okukubwa.

Ensambo 18:7

Ebibono by'omusiru bimuleetera okuzikirira, era bw'ayogera yeetegamu mwene.

Ensambo 21:24

Omuntu eyeekuluntaza era eyeebona yenka, ayetebwa munhoomi, omuntu oyo aba mwekudumbaze era nga yeerowoozaaku yenka.

Ensambo 22:8

Omuntu asiga mu bantu obutakola mazima alikungula obuzibu obutaloodheka era alirekera agho okutuntuza baine.

Ensambo 28:25

Omuntu eyeeyendeza buli kintu asiikuula okusoola mu bantu, aye ole eyeesiga Musengwa Katonda aligheebwa obukombe.

Danieli 7:20

Era naayenda okumanha ebigema ku mayiga eikumi agaali ku mutwe gwakyo. Mmanhe n'ebigema ku iyiga lire erindi eryamera, ni ligwisa ghansi amayiga asatu ku ago eikumi. Eiyiga eryo lyaliku amaiso, era lyabaaku n'omunwa nga guli kwogera eby'okwesuutasuuta. Era eiyiga eryo nga libonekera okuba eigumu okusinga gale agandi.

2 Petero 2:18

Mu busiru bwaibwe baasiikana nga beesuuta, era baakozesa obudankaanu bwaibwe obw'omubiri okusendasenda abo abaakava obuve mu bantu abakaali mu nsobi.

Okwolekebwa 12:11

Abo baamughangula n'omusaayi ogw'Entaama Ento n'olwamazima ge badhulira, obulamu bwaibwe baaloba kubufaaku waire okutya okufa.

Okwolekebwa 3:10

Olw'okuba waguminkiriza mu kudaazibwadaazibwa nga bwe nakulagira, ndidha kukuwonia ekiseera eky'okulebwa ekija okwidhira ensi yoonayoona okuleba abo abali ku nsi.

1 Samueli 2:3

Mulekere agho okwogera nga mwesuuta, mukomye ebibono eby'okwesaaka; kuba Musengwa Katonda ni Katonda aidhwire okumanha, era alamula ebikolwa eby'abantu.