Ensambo 13:7 - Baibuli Ekibono kya Katonda 2014

⁷ Ghaligho omuntu eyeebisa ng'oti mukombe, ate nga ghazira kantu k'ali nako; ate owundi yeebisa ng'oti mwavu, ate ng'ali n'ebintu kamaala.

Ensambo 13:7 Iomraidhean Croise

Ensambo 11:24

Ghaligho omuntu aba omugabi einho aye yeeyongera bweyongere kugaigaghala, ate owundi yaaba mukodo ekibitiriire aye yeeyongera bweyongere kwavughala.

Ensambo 12:9

Omuntu owabuliidho eyeekolera, awula ole eyeekuluntaza ate ng'azira kya kulya.

Ensambo 13:11

Obukombe obufunibwa amangu buwaagho mangu, aye obusolozebwa empolampola buja nga bweyongeraku.

Ensambo 13:8

Omugaiga aghaayo eby'obugaiga bwe okununula obulamu bwe, aye omwavu ghazira ky'asabibwa kughaayo naire.

Luka 12:20

Aye Katonda yaamukoba ati, ‘Musiru iwe! Obwire bwaleero omwoyo gwo guja kukutoolebwaku, olwo ebyo by'otegeike bija kuba by'ani?’

Luka 12:21

“Atyo bw'aba ole eyeesololeza eby'obukombe eby'oku nsi ate nga mu bya Katonda ti mukombe.”

Luka 12:33

Mutunde ebyaimwe, mugabire abaavu, mwetungire ensawo edhitakairigha mufune n'obukombe obutawaagho mu igulu omwibi y'atatuuka waire ensiiriri okubwonoona.

1 Ab'e Korintho 4:8

Mwamala okufuna buli kye mwetaaga! Mwamala ira okufuuka abakombe! Mufuuse bakyabazinga, aye nga ife tukaali! Kyandibaire kikalamu nguli bwene mubaire bakyabazinga ni tufugira aghalala n'imwe.

2 Ab'e Korintho 4:7

Aye ife abali oti nsugha dha itosi, niife abali n'obukombe buno, kino kisobole okwoleka ng'amaani amabitirivu ag'Amawulire Amalungi bwe gali aga Katonda se ti agaife.

2 Ab'e Korintho 6:10

Tunakughazibwa aye tuba basangaavu buliidho, tuboneka ng'abaavu ate nga tukombaghaza abantu kamaala, tutwalibwa ng'abazira kantu ate nga bwenebwene byonabyona tuli nabyo.

Yakobo 2:5

Aboluganda abagonzi, muwulire kino: Katonda yalonda abaavu ab'oku nsi kuno okuba abakombe mu kwikiriza, era n'okuba mu Bwakyabazinga bwe yasuubiza abo abamugonza.

2 Petero 2:19

Babasuubiza eidembe ate nga beene bairu ba kibi kuba kiisi muntu aba mwiru w'ekyo ekimughangula.

Okwolekebwa 2:9

Ndidhi okudaagadaaga kwo n'obwavu bwo, ate ng'oli mukombe. Ndidhi ebikughaamibwa abo abeeyeta Abayudaaya, ate nga ti Bayudaaya, aye abantu ba Sitaani.

Okwolekebwa 3:17

Okoba oti, ‘Ndi mukombe, ndi bukalamu, nzira kye ndhulirira’, waaloba kumanha ng'oli mughafu asaasirwa, omwavu, omutulu era ali ekidu.