Ensambo 13:6 - Baibuli Ekibono kya Katonda 2014

⁶ Obutuufu bukuuma omuntu omwesimbu, aye okukola ebibi kuleetera aboonooni okugwa.

Ensambo 13:6 Iomraidhean Croise

1 Bakyabazinga 1:52

Solomoni yairamu ati: “Bw'aneebisa obukalamu, ghazira luviiri waire olulala lwe baidha kwigha mu mutwe gwe. Aye bwe balimuzuula nga yeebisa bubi, balimwita.”

1 Bakyabazinga 13:34

Ekibi kya Yeroboamu ekyo, kyaleetera ab'endhu ye okuzikirira n'okuweekereragho irala ku nsi.

2 Ebyomubyanda 28:23

Yaaghaayo emisengo eri bakatonda b'e Damasiko abaamughangula, ng'akoba ati: “Bakatonda b'e Siria baayamba bakyabazinga baayo, zeena ka mbaghe emisengo baanhambe.” Aye byamuviiramu bwa kuzikirira, mwene n'ensi ye yoonayoona.

Zabbuli 119:1

Ba nkabi abo abaziraku kye banenezebwa, abatambulira ku mateeka ga Musengwa Katonda.

Zabbuli 140:11

Abo abaghaama banaibwe ka babule ekibajiira obukalamu ku nsi kuno; obuzibu obw'okulalakulala bwidhire abakola eby'obukambwe bubazikirize.

Zabbuli 15:2

N'oyo omutuufu aziraku musango, ng'akola ekituufu, era nga by'ayogera muzira buguya.

Zabbuli 25:21

Wo Musengwa Katonda, nkusaba obwesigwa n'obutuukirivu binkuumenga, kuba eisuubi lyange liri mu iwe.

Zabbuli 26:1

Wo Musengwa Katonda, sala omusango oyoleke nga bwe nziraku kinvunaanibwa, kuba mbairenga mwesigwa y'oli, aghazira kudaaliima naire.

Ensambo 10:29

Musengwa Katonda n'ekifo eky'okwewogomamu eri oyo omwesimbu, aye omubi amuzikiriza buzikirize.

Ensambo 11:20

Musengwa Katonda yeenhinhata abantu ab'ebirowoozo ebibi, aye yaagonza abo abaziraku musango.

Ensambo 11:3

Abantu abeesimbu bamanha ekituufu eky'okukola, aye abaguya bazikirizibwa obukupankupania bwaibwe bwene.

Ensambo 21:12

Katonda mu butuufu bwe amanha ebikolebwa ab'omu ndhu edh'ababi, era alibasuula ghansi yaabazikiriza.

Ensambo 5:22

Ebibi eby'omubi bimufuukira ng'oti lutuula, era bimugema ng'oti n'omutego bwe gugema enhonhi.