Ensambo 13:4 - Baibuli Ekibono kya Katonda 2014

⁴ Omuntu omugayaavu taghanga kufuna kye yeegomba, aye omukozi einho afuna obukombe kamaala.

Ensambo 13:4 Iomraidhean Croise

Amainhama 26:32

Ku lunaku lwene olwo, abagheereza ba Isaaka baidha, baamukoberaku ku nsulo ye baali nga basimye, baakoba bati: “Tuzwire amaadhi.”

Zabbuli 92:14

Waire bakaire aye bakaabala ebibala, era bakaali bagimu ababoneka obukalamu.

Ensambo 10:4

Emikono eminafu giisa mwene gyo obwavu, aye emikono emikozi einho gireetera mwene gyo obukombe.

Ensambo 11:25

Omuntu omugabi aidha kugheebwanga obukombe, era ole agha abandi amaadhi ag'okunhwa, yeena aidha kugheebwanga amaadhi anhwe.

Ensambo 12:11

Omuntu alima eitaka lye aba n'emere kamaala, aye ole amala ebiseera ku mirimo egitaleeta magoba aba aziramu kategeera.

Ensambo 12:24

Emikono emikozi einho gireetera mwene gyo okuba omufuzi, ate emikono eminafu gyaleetera mwene gyo okuba omwiru.

Ensambo 12:27

Omuntu omugayaavu tasobola kugemya ky'ali kuyiiga, aye omukozi einho afuna obukombe kamaala.

Ensambo 13:3

Omuntu afuga omunwa gwe akuuma obulamu bwe, aye ole ayogerayogera eyo atyo yeezikiriza mwene.

Ensambo 13:5

Omuntu akola ebituufu akyagha obuguya, aye omukozi w'ebibi yeebisa mu nsambo eswaza era anhoomebwa.

Ensambo 20:4

Omugayaavu bw'aloba okwiruula enimiro ye mu kiseera, alinoonia ky'akungula nga takibona.

Ensambo 21:25

Okwegomba okw'omugayaavu n'okumwita, kuba tayenda kukola.

Ensambo 21:5

Entegeka edh'omuntu omukozi einho dhimufunisa ebintu kamaala, aye ole agwidhubanira ebintu yeereetaku obwavu.

Ensambo 24:30

Lwali lulala, naabita ku musiri ogw'omugayaavu; ku isamba ery'emizabbibu ery'omuntu aziramu kategeera.

Ensambo 24:31

Naja okubona, nga mwonamwona muzise n'amawa; era nga ku itaka kwidhwire isubi, n'olukomera lwaku olw'amabaale nga lwagwa.

Ensambo 26:13

Omugayaavu yeegemenkereza ng'akoba ati: “Bwe nja mu ngira eriyo empologoma, ni mu nguudo edh'ekibuga yoona eriyo empologoma.”

Ensambo 28:25

Omuntu eyeeyendeza buli kintu asiikuula okusoola mu bantu, aye ole eyeesiga Musengwa Katonda aligheebwa obukombe.

Ensambo 6:6

Imwe abagayaavu, muje mubone ebisimizi, mwetegereze bye bikola era mwege.

Ensambo 8:34

Wa nkabi oyo awulira bye nkoba, buli lunaku n'atatoola maiso ku lwigi lwange, era n'aba agho gha mulyango gwange ng'aguniriire.

Olwembo 5:3

Mbaire mmaze okutoolamu ebivaalo byange, kabiri ndhiremu okuvaala? Mbaire mmaze okunaaba ku bigere, kabiri ndhiremu okubifuutuusa?

Isaia 58:11

Nze Musengwa Katonda mwene ndibakulemberangamu buli kaakyeire, naabagha ebirungi ebibamala obukalamu era naabaleetera okuba abagumu era ab'amaani. Mulibanga ng'oti n'enimiro ye bafukirira amaadhi, era ng'oti n'ensulo y'amaadhi etakala.

Okubala 23:10

Naani asobola okubala baidhukulu ba Yakobo abangi ng'oti bwa nkungu? Oba naani asobola okumanha omughendo oguli mu kitundu obutundu ekirala ku buli bitundu ebina eby'Abaisiraeli abo? Leka nfe ng'abatuufu bwe bafa, leka enkomerero yange ebe ng'ey'abatya Katonda abo bw'eba!”

Yoanne 6:27

Mutakolereranga mere ewaagho, aye mukolererenga emere etawaagho, etuusa ku bulamu obutawaagho. Eyo n'emere Omwana w'Omuntu yaalibagha. Kuba oyo Katonda Lata yamutaaku akamanhiso.”

Abaheburayi 6:11

Era twenda kiisi mulala ku imwe okwolekanga okufaabiikana okwo, okutuusa ku nkomerero lwe mulifuna kye musuubira.

Yoshua 7:3

Bwe baira baakobera Yoshua bati: “Otadaaza bantu boonaboona kuja ere, kuba abantu abaliyo batono bati. Leka abantu ng'enkumi ibiri oba isatu n'ababe baje bakirumbe.”