Ensambo 13:3 - Baibuli Ekibono kya Katonda 2014

³ Omuntu afuga omunwa gwe akuuma obulamu bwe, aye ole ayogerayogera eyo atyo yeezikiriza mwene.

Ensambo 13:3 Iomraidhean Croise

Zabbuli 141:3

Wo Musengwa Katonda, omunwa gwange guteeku kuufulu, n'ensaya dhange odhiwumbeku.

Zabbuli 34:13

Akuume olulimi lwe lulobe kwogera bibi, n'omunwa gwe gulobe kwogera bya buguya.

Zabbuli 39:1

Nakoba nti: “Ndidha kwegenderezanga mu bye nkola, ndobe kuganha lulimi lwange kunsuula mu kibi. Omunwa gwange ndidha kugutangaku kuufulu, kasita ghanaabangagho abakozi b'ebibi.”

Ensambo 10:14

Abantu abagezi bakozesa amagezi ge bafuna n'obwegendereza, aye abaziramu kategeera boogerayogera eyo batyo, beereetera okuzikirira.

Ensambo 10:19

Mu kwogera ebibono ebingi timubulamu kwonoona, kale omuntu afuga omunwa gwe aba mugezi.

Ensambo 10:8

Abantu abali n'okutegeera bawulira bye babalagira, aye abaziramu kategeera bazikirira.

Ensambo 12:13

Ebibono eby'omubi byene bifuuka mutego ogumugemya, aye omutuufu abita mu bizibu byaloba kumugemaku.

Ensambo 13:4

Omuntu omugayaavu taghanga kufuna kye yeegomba, aye omukozi einho afuna obukombe kamaala.

Ensambo 14:3

Omusiru by'ayogera n'ebimukubya olw'okwekuluntaza, aye omugezi by'ayogera n'ebimukuuma.

Ensambo 18:21

Omuntu by'ayogera bisobola okwita oba okulamya. Kale abo abenda einho okwogera bali n'okugumira byonabyona ebiva mu bye boogera.

Ensambo 18:7

Ebibono by'omusiru bimuleetera okuzikirira, era bw'ayogera yeetegamu mwene.

Ensambo 20:19

Omuntu ayengeesa olubono ayogera ebyama. Kale weesambanga abantu aboogerayogera eyo batyo.

Ensambo 21:23

Omuntu eyeekuuma n'atayogerayogera eyo atyo, aba yeekuuma bizibu butamutuukaku.

Yakobo 1:26

Ole bw'alowooza ati aikiriza, aye n'atafuga lulimi lwe, yeesubagha era n'okwikiriza kwe muzira.

Abalamuzi 16:11

Samusoni yaamukoba ati: “Bwe bansibisa emigugha emiyaaka egitakozesebwangaku, mba munafu ng'oti n'omuntu owundi yeenayeena.”

Abalamuzi 16:17

Kale yaamukobera byonabyona, ati: “Tibansalangaku nviiri ku mutwe, kuba ndi Munaziri okuviira irala mu nda ya maama. Enviiri dhange bwe badhisalaku, amaani gange ganvaaku, naaba munafu ng'oti n'omuntu owundi yeenayeena.”