Ensambo 13:16 - Baibuli Ekibono kya Katonda 2014

¹⁶ Omuntu omugezi asooka kulowooza memale yakola ekintu, aye omusiru ayanika obusiru bwe.

Ensambo 13:16 Iomraidhean Croise

Zabbuli 112:5

Wa nkabi omuntu oyo omugabi era awola baine empiiya, n'akola buli kintu mu mazima.

Ensambo 14:33

Omuntu omutegeevu aba n'amagezi, aye omusiru tagawulirangaku naire.

Ensambo 15:2

Omugezi ayogera ebigwaniire, aye omusiru alokompoka busiru bwereere.

Ensambo 18:2

Omusiru taisa mwoyo ku kutegeera, aye ayenda bwa kwogera ekimuli ku mwoyo.

Ensambo 21:24

Omuntu eyeekuluntaza era eyeebona yenka, ayetebwa munhoomi, omuntu oyo aba mwekudumbaze era nga yeerowoozaaku yenka.

Omulangirizi 10:13

Omusiru bw'atoolera okwogera, by'akoba biba bya kisiru, era ku nkomerero biba bya kiralu kyene.

Omulangirizi 10:3

Omusiru ni bw'atambula obutambule mu luguudo tabaamu magezi, era alaga abantu nga bw'ali omusiru.

Isaia 52:13

Musengwa Katonda akoba ati: “Bona, omugheereza wange ebintu birimujiiranga bukalamu. Aligheebwanga ekitiisa ekitaloodheka era yaagulumizibwa inho.

Matayo 10:16

“Bona, ndi kubatuma, nga muli oti ntaama ghagati mu misege. Kale ni mube bakabwidhibwidhi ng'emisota, ng'ate muli bawolu ng'oti njiibwa.

Ab'e Roma 16:19

Kuba obuwulize bwaimwe mu kugondera Amawulire Amalungi bumanhiibwa woonawoona, era kyenva nsangaala ku lwaimwe. Nhenda mubenga bagezi mu kukola ekikalamu aye nga timwidhi kukola kibi.

1 Ab'e Korintho 14:20

Aboluganda, mutabanga na bidhuubo ng'oti bya baana bato. Bwe kuba mu bya kukola bubi, mube ng'oti baana bato abaziraku musango. Aye mu kudhuuba mube bakulu.

Ab'Efeso 5:17

Kale mutabanga basiru aye mumanhenga Musengwa ky'ayenda mukole.

1 Samueli 25:17

Kale ni ekyo kirowoozeeku era osalegho ky'onaakola, kuba kiidha kuleetera musengwa waife akabi okumwidhira aghalala n'ab'endhu ye. Ate musengwa waife oyo muntu wa ikabyo inho, ghazira aghanga kwogeraku naye.”

1 Samueli 25:25

Nkusaba, musengwa wange, olobe kufa ku Nabali, kuba omuntu oyo mubi. Era eriina lye kye likoba, yeena ky'ali ayetebwa Nabali, era nga bwenebwene musiru. Aye nze omugheereza wo omukazi tyabona baisuka iwe musengwa wange be watuma.