Ensambo 12:4 - Baibuli Ekibono kya Katonda 2014

⁴ Omukazi akola ebirungi ateesa mu iba ekinhagansi, aye ole aswaza aba ng'oti bulwaire bwa kokolo mu magumba ga iba.

Ensambo 12:4 Iomraidhean Croise

Ensambo 11:22

Omukazi aboneka obulungi aye ng'azira mpisa, ali ng'oti mpeta ya zaabu eri mu nhindo ey'embiidhi.

Ensambo 12:5

Ebidhuubo eby'omutuufu biba ku kukola mazima, aye eby'omubi byaba ku kuguya.

Ensambo 14:1

Amagezi ag'omukazi n'agazimba amaka ge, aye obusiru bwe bugasaaniagho.

Ensambo 14:30

Omuntu bw'aba n'emiraala ku mwoyo, n'omubiri guba mulamu, aye ensaalwa egulya ng'oti bulwaire bwa kokolo.

Ensambo 18:22

Omuntu afuna omukazi ow'okufumbirwa aba wa nkabi, era Musengwa Katonda amusanhukira.

Ensambo 21:19

Omuntu amala gaba eyo yenka mu irungu, atabaire na mukazi asoolasoola era asungughalasungughala.

Ensambo 21:9

Omuntu amala gasula ghaigulu ku ndhu, atasuze mu ndhu ndala na mukazi asoolasoola.

Ensambo 30:23

Omukazi aziraku amwenda okufuna omusaadha, n'omwiru omukazi okwira mu kifo kya muka mwene wo.

Ensambo 31:29

“Abakazi kamaala bakoze ebintu ebikalamu bingi, aye niiwe obasinga boonaboona.”

Habakkuku 3:16

Bwe mpulira ebyo byonabyona ndhugumira, n'ensaya dhantengera olw'okutya. Amagumba gange gaanafugha, n'ebigere byange byatengeeta ku itaka. Ndidha kusirika nteegerere olunaku Katonda lw'alituusa obuzibu ku abo abatulumba.

1 Ab'e Korintho 11:11

Aye mu Musengwa omukazi tabaagho yenka nga ghazira musaadha, n'omusaadha tabaagho yenka nga ghazira mukazi.

1 Ab'e Korintho 11:7

Omusaadha tikimwetaagisa kweghemba ku mutwe, kuba omusaadha n'ekifaananie era n'ekitiisa kya Katonda, aye omukazi n'ekitiisa ky'omusaadha.

Ruthi 3:11

Kale ni muna, otafaayo. Ndidha kukukolera kyonakyona ky'oba onsabye, kuba ekibuga kyonakyona kiidhi nga bw'oli omukazi omulungi.