Ensambo 11:4 - Baibuli Ekibono kya Katonda 2014

⁴ Ku lunaku Katonda lw'alamuliraku abantu, okuba omukombe kizira kye kiyamba, aye obutuufu buwonia omuntu okufa.

Ensambo 11:4 Iomraidhean Croise

Amainhama 7:1

Agho Musengwa Katonda yaakoba Noa ati: “Ingira mu lyato n'ab'omu ndhu yo boonaboona, kuba mboine nga niiwe omuntu omutuufu wenka mu bantu ab'oluse luno boonaboona.

Yobu 20:28

Eby'omu ndhu ye birinhagibwa, era byatwalibwa ku olwo Katonda lw'alisungughala.

Ensambo 10:2

Eby'obukombe ebifunibwa mu kukola ebibi biziramu muganhulo, aye obutuufu buwonia omuntu okufa.

Ensambo 12:28

Mu kukola ebituufu n'omuli obulamu, aye mu kukola ebibi mulimu kufa.

Ensambo 6:34

Eiruba lifuula omusaadha okuba omukambwe einho, era bw'aba yeesasuuza tabaamu kusaasira naire.

Isaia 10:3

Mulikola mutya ku lunaku Musengwa Katonda lw'alibabonerezaaku, n'abatuusaaku akabi akaliva mu nsi ey'eghala? Mulirumukira y'ani okubayamba? Era mulikweka gha obukombe bwaimwe?

Ezekieli 14:14

Abantu bano abasatu: Noa, Danieli ni Yobu, ni bwe bandigibairemu, bandiwoniizaagho bwa bulamu bwaibwe bwonka olw'obutuufu bwaibwe.” Musengwa Katonda atyo bw'akoba.

Ezekieli 7:19

Balisuula ere feeza waibwe mu nguudo, baasuula n'ere zaabu waibwe ng'oti n'ekintu ekitagasa naire kuba feeza ni zaabu tibirisobola kubanunula ku lunaku Musengwa Katonda lw'aliragiraku obusungu bwe. Era tibirisobola kubaigusa mu kwegomba kwaibwe waire okubaigusa ni bibamalaku endhala okubaluma, kuba byene ebyo n'ebyabaleeteranga okwekontola ni bagwa mu kwonoona.

Zefania 1:18

Ku lunaku olwo Musengwa Katonda lw'aliragiraku obusungu bwe ezira kirisobola kubawonia, waire feeza ni zaabu waibwe yeenayeena. Obusungu bwe obuli ng'oti muliro, obuva ku nkikidi y'ali nayo ku lw'abantu be, buja kuzikiriza ensi yoonayoona. Aja kutuusa abantu boonaboona ababa ku nsi, ku nkomerero yaibwe eriba ya mangu inho ng'oti kutemya na kuzibula.

Matayo 16:26

Omuntu aganhulwamu ki okufuna ensi yoonayoona aye n'afiirwa obulamu bwe? Oba omuntu aghanga kughaayo ki okununula obulamu bwe?

Luka 12:20

Aye Katonda yaamukoba ati, ‘Musiru iwe! Obwire bwaleero omwoyo gwo guja kukutoolebwaku, olwo ebyo by'otegeike bija kuba by'ani?’

Ab'e Roma 5:17

Oba nga olw'ekibi eky'omuntu omulala, okufa kwaligho nga kufuga olw'omuntu oyo omulala, memale abo abafuna okusaasirwa kwa Katonda okungi einho n'ekirabo eky'obutuukirivu, tibalisingagho inho okufugira mu bulamu, olw'omuntu omulala Yesu Kurisito?

1 Timotheo 4:8

Kuba okumanhiriza omubiri eby'okukola kuganhula katono, aye okutya Katonda kuganhula mu buli nsambo. Kuba kuleeta eisuubi ery'omu bulamu buno, n'ery'obwo obuliidha.