Ensambo 11:12 - Baibuli Ekibono kya Katonda 2014

¹² Ole anhooma baine aba aziramu kategeera, aye ali n'okutegeera asirika busirike.

Ensambo 11:12 Iomraidhean Croise

2 Bakyabazinga 18:36

Aye abantu baasirika busirike, baaloba kumwiramu kibono naire, kuba kyabazinga Hezekia yali abalagiire ati: “Mutamwiramu.”

Ensambo 10:19

Mu kwogera ebibono ebingi timubulamu kwonoona, kale omuntu afuga omunwa gwe aba mugezi.

Ensambo 11:11

Abantu abeesimbu baleetera ekibuga enkabi kyakula, aye ababi ebibono bye boogera bikireetera okuzikirira.

Ensambo 11:13

Omuntu ayengeesa olubono, ayogera ebyama, aye omwesigwa aghanga okugisa ebyama.

Ensambo 14:21

Ole anhooma muntu mwine aba akoze kibi, aye wa nkabi oyo agemerwa omwavu ekivunika.

Ensambo 6:32

Omuntu ayenda ku muka beene tabaamu kategeera. Aba ali bwa kwezikiriza mwene.

Luka 16:14

Mperaano Abafarisaayo, kuba baali benda inho eby'obukombe, bino byonabyona baabiwulira aye baamusekerera.

Luka 18:9

Agho, abo abaali beidhi nga batukuvu era nga banhooma abandi boonaboona, yaabakobera olufumo luno:

1 Petero 2:23

Bwe yavumibwa, mwene tiyavuma. Bwe yadaazibwadaazibwa, tiyeesoomera abo abaamudaazadaaza. Aye yata obwesige mu Katonda oyo asala omusango nga tasaliriza.

Abalamuzi 9:38

Agho Zebuli yaamukoba ati: “Mpegaano okwesuutiriza kwo kujiire gha? Wakoba oti, ‘Abimeleki katyo naani, ife okumugheereza?’ Abo ni, n'abantu be wanhoomerera. Mpegaano weeveemu obalwanise.”

1 Samueli 10:27

Aye ghaabaagho abantu abazira kye bagasa, abaakoba bati: “Omusaadha oyo alituwonia atya?” Kale baamunhooma, baaloba kumutwalira birabo. Aye mwene yaabaleka buleke.