Ensambo 1:7 - Baibuli Ekibono kya Katonda 2014

⁷ Omuntu okuba n'obumanhi, asooka na kutya Musengwa Katonda. Abasiru banhooma amagezi era tibenda kugalagirwa.

Ensambo 1:7 Iomraidhean Croise

Yobu 28:28

Yaakoba abantu ati, ‘Bona, mu kutya Musengwa Katonda n'omuli amagezi; mu kwesamba ekibi, n'omuva okutegeera.’ ”

Zabbuli 111:10

Mu kutya Musengwa Katonda n'omusookera amagezi; abo abagondera ebiragiro bye abagha okutegeera. Musengwa Katonda asaakibwenga ebyanda n'ebyanda.

Ensambo 1:22

“Imwe abazira kye mwidhi, mulirekera li okugonza okubanga obwagho nga muzira kye mwidhi? Imwe abanhoomi, mulirekera li okusangaalira obunhoomi bwaimwe obwo? Era imwe abasiru mulirekera li okukyagha okumanha?

Ensambo 15:32

Ole aloba okugalagirwa yeefiiriza mwene, aye ole aganha okunenezebwa afuuka mutegeevu.

Ensambo 15:33

Okutya Musengwa Katonda kwegeresa omuntu amagezi, era okwewombeeka n'okusooka, memale omuntu baamutaamu ekinhagansi.

Ensambo 15:5

Omusiru anhooma abazaire be bye bamugalagira, aye ole aganha okunenezebwa aba mutegeevu.

Ensambo 18:2

Omusiru taisa mwoyo ku kutegeera, aye ayenda bwa kwogera ekimuli ku mwoyo.

Ensambo 2:5

Olwo olyega okutya Musengwa Katonda, era waamanhira irala Katonda ky'ali.

Ensambo 23:9

Otayogeranga na musiru, kuba amagezi g'omugha aja kuganhooma bunhoome.

Ensambo 9:10

Omuntu okuba n'amagezi asooka na kutya Musengwa Katonda, era omuntu aidhi oyo Omutukuvu, aba n'okutegeera.

Omulangirizi 12:13

Byonabyona bye nkobye obiwuliire. Kale ni tyanga Katonda era ogemenga amateeka ge, kuba eyo n'ensonga eyatondesa omuntu.

Ab'e Roma 1:28

Olw'okuba baaloba okumanha Katonda, kyova Katonda yabaleka ni badankaana mu myoyo, ni bakola ebitasaana.

Amateeka Agokubiri 4:6

Mubikuumenga era mubituukirizenga, kuba ekyo n'ekinaayolekanga abantu abamaghanga agandi nga bwe muli n'amagezi n'okutegeera. Bwe banaawuliranga amateeka ago goonagoona, baidha kukobanga bati, ‘Bwenebwene eighanga lino eikologho, lya bantu bagezi era abategeevu!’