Ensambo 1:25 - Baibuli Ekibono kya Katonda 2014

²⁵ Amagezi ge mbagha timugatwala ng'ekikulu, era timwenda ni mbanenia.

Ensambo 1:25 Iomraidhean Croise

2 Ebyomubyanda 33:10

Agho Musengwa Katonda yaayogera ni Manasse n'abantu be, aye baaloba kufaayo naire.

2 Ebyomubyanda 36:16

Aye baayeeyereza abakwenda ba Katonda baanhooma bye yabakoba, era baasekerera abalanzi be, okutuusa lwe baaleetera Musengwa Katonda oyo okubasungughalira ekibitiriire, nga tibakaasobola kuwona.

Zabbuli 107:11

kuba baali badheemeire ebiragiro bya Katonda, baanhooma ebyo Ali Ghaigulu Yeene bye yabakoba.

Zabbuli 81:11

Aye abantu bange baaloba okumpulira! Isiraeli yaaloba okukolagana ninze!

Ensambo 1:30

Timwenda kujiira ku magezi gange, era munhooma okubanenia kwange.

Ensambo 12:1

Oyo asangaalira okugalagirwa aba ayenda okumanha, aye akyagha okunenezebwa aba ng'oti nsolo busolo.

Ensambo 15:10

Ole ava ku ngira entuufu alikangaivulwa inho; ole akyagha okunenezebwa wa kufa.

Ensambo 5:12

Olirira ng'okoba oti: “Kale lwaki nalobanga okugalagirwa? Era lwaki nanhoomereranga okunenezebwa?

Ensambo 8:14

Ninze agha abantu amagezi ni bakola ebikalamu. Ntegeera era ndi n'amaani.

Yeremia 35:17

Kale ni, nze Musengwa Katonda Afuga Amagye, Katonda wa Isiraeli, nja kutuusa abantu b'omu Buyudaaya n'ab'omu Yerusalemu ku kuzikirira, nga bwe nabeesoomera eira. Kino nja kukikola lwa kuba nayogera n'imwe aye mwaloba kumpulirisa, era naabeeta aye mwaloba kunvugira.”

Luka 7:30

Aye Abafarisaayo n'Abanamateeka baaloba amagezi ga Katonda, era tiyababatiza.

Amateeka Agokubiri 1:45

Olwo mwaira, mwalirira Musengwa Katonda ababeere. Aye Musengwa Katonda yaaloba okubawulirisa, waire okubataaku omwoyo.

1 Samueli 8:18

Mu kiseera ekyo mulirira olwa kyabazinga waimwe, beene ye mwerondera, aye Musengwa Katonda talibairamu.”