Ensambo 1:11 - Baibuli Ekibono kya Katonda 2014

¹¹ Kuba basobola okukoba bati: “Idha tweteege omuntu tumwite, tulumbe omuntu aziraku musango tumugwikirize.”

Ensambo 1:11 Iomraidhean Croise

Zabbuli 17:12

Bali ng'oti mpologoma nto eyeeteeze, eyenda okundhuzayuza.

Zabbuli 35:7

Bantega olutuula mu nkweko aghazira nsonga, era baasima ebiina okuntega nga nzira kye mbakoze.

Zabbuli 56:6

Beekolamu obukuukuulu mu ngiso, baanondoola mu buli kye nkola, nga banoonia akaghagaanhia okundhita.

Ensambo 1:16

kuba banguyiriza inho okukola ebibi, era okwita kubanguyira inho.

Ensambo 1:18

Aye abantu abo beetegamu beene omutego beite, baabwama okuzikiriza obulamu obwaibwe bwene.

Ensambo 12:6

Ebibono eby'omubi biri ng'oti mutemo eyeeteeze okwita omuntu, aye omwesimbu by'ayogera biwonia abantu.

Ensambo 24:15

Otabanga ng'ababi abeeteega amaka ag'abatuufu, era ni bagalumba okugakolaku eby'obukambwe.

Ensambo 29:24

Omuntu akolagana n'omwibi akyagha obulamu obubwe mwene, era ni bwe bamulayiza takwekula mazima.

Ensambo 30:14

Abandi bakambwe inho, nga bali n'amaino ng'oti mpiima dheene, era ng'oti biso byene. Banhunhunta abaavu n'abaghafu kwenda bwa kubamaliriragho ku nsi.

Yeremia 11:19

Aye nali ng'oti n'entaama ento empolu ye bali kutwala okwita. Nali tiidhi nga ninze ye baali bali kutegekera okukola akabi, nga bakoba bati: “Ka tutemegho omuti nga gukaali mulamu bulungi. Ka tumwite aveegho ghalobe kubaagho amwidhukira naire.”

Yeremia 5:26

Mu bantu bange mulimu abakozi b'ebibi, ababwama ni beeteega abantu ng'oti batezi ba nhonhi. Batega emitego baagemya abantu.

Mika 7:2

Mu Isiraeli muzira muntu mwesimbu akaasigairemu. Timukaali atya Katonda! Buli muntu aguniriire kakisa ka kutemula, era olw'ekyo buli muntu atega mwine olutuula.

Yoanne 15:25

Kino kyali kiri n'okubaagho okutuukiriza ekyaghandiikibwa mu Mateeka gaibwe ekikoba kiti: ‘Bankyayiire busa.’

Ebikolwa by'Abatume 23:15

Mperaano imwe n'olwekobaano, mutume y'omukulu ow'abaisirukale amubaleetere nga mwefuula ng'abenda okwongera okwetegereza ebimugemaku. Ife tumaliriire okumwita ng'akaali kubatuukaku.”

Ebikolwa by'Abatume 25:3

abayambe agheereze Paulo e Yerusalemu, bamweteege bamwitire mu ngira.