Danieli 9:6 - Baibuli Ekibono kya Katonda 2014

⁶ Titwawulirisa bagheereza bo abalanzi, abaayogeranga mu liina lyo eri bakyabazinga baife, n'eri abakulembeze baife, n'eri badhaadha baife, n'eri eighanga lyonalyona.

Danieli 9:6 Iomraidhean Croise

2 Bakyabazinga 18:12

Ekibuga Samaria baakighangula kuba Abaisiraeli baaloba okugondera Musengwa Katonda waibwe, baamenha endagaano ye yakola nabo, era baadheemera byonabyona Musa omugheereza we bye yalagira, baaloba kubiwulirisa oba okubigondera.

2 Ebyomubyanda 33:10

Agho Musengwa Katonda yaayogera ni Manasse n'abantu be, aye baaloba kufaayo naire.

Ezera 9:7

Okuviira irala ku biseera bya badhaadha baife okutuusa ni ye buli eno, tukola inho ebibi. Era olw'ebibi byaife, ife, n'ebya bakyabazinga baife, n'ebya bakabona baife, tubairenga tugheebwayo mu ngalo dha bakyabazinga abamaghanga agandi, baatwitira mu ntalo, baatutwala mu bunhage, baatunhagaku ebyaife, era twaswala nga bwe tuli buti.

Nehemia 9:30

Waabaguminkiriza emyaka kamaala, era waata omwoyo gwo mu balanzi bo baje babalabule, aye nga basembye amatu gaibwe. Kyewava n'obaghaayo mu ngalo edh'abamaghanga agandi.

Nehemia 9:32

Wo Katonda waife omukologho, oli w'amaani era wa ntiisa. Iwe okuuma endagaano era waagonza abantu obutakoma. Agho ni, ebizibu byonabyona ebyatwidhira, ife ni bakyabazinga baife, n'abakungu baife, ni bakabona baife, n'abalanzi baife, ni badhaadha baife, n'abantu bo boonaboona, okuviira irala ku byanda bya bakyabazinga ba Assiria, okutuusa ni ye buli eno, otabitwala ng'ekintu ekitono.

Nehemia 9:34

Bakyabazinga baife, n'abakungu baife, ni bakabona baife, ni badhaadha baife, tibaagemanga Mateeka go, oba okujiiranga ku biragiro byo, waire okufangayo ku kulabula kwo.

Yeremia 26:5

Era mutenga omwoyo ku ebyo abagheereza bange abalanzi be mbatumira buliidho, bye babakobera. Aye ate imwe timuwulirisa bye babakoba.

Yeremia 29:19

Ebyo biribatuukaku lwa butagondera bukwenda bwe nabagheerezanga aghazira kukoogha naire, nga mbubisa mu bagheereza bange abalanzi. Aye beene baaloba kuwulira.

Yeremia 44:16

“Ife tulobye, titwenda kuwulira by'oli kutukoba mu liina lya Musengwa Katonda.

Yeremia 7:13

Mukoze ebibi ebyo byonabyona emikuzi kamaala nga mbalabulanga aghazira kukoogha naire, aye mwaloba kuwulira, era naabeeta aye mwaloba kuvugira.

Yeremia 7:24

Aye baaloba kumpulirisa waire okugondera bye ndagira. Baajiira ku ebyo emyoyo gyaibwe emikalangufu era emibi bye gyenda. Mu kifo ky'okuba abalungi, beeyongera bwa kuba babi inho.

Danieli 9:10

Titwagondera ebyo iwe Musengwa Katonda waife bye watulagira, waire okujiira ku mateeka go ge watugha ng'obita mu bagheereza bo abalanzi.

Danieli 9:9

Aye iwe Musengwa Katonda waife osaasira era waasonigha, waire nga twakudheemera.

Matayo 23:37

“Yerusalemu, Yerusalemu iwe aita abalanzi, n'okuba abatumiibwa y'oli amabaale! Emikuzi emeka gye nayenda okusoloza abaana bo aghalala ng'enkoko bw'esoloza obwana bwayo mu maghagha, aye nga tonganha?

Ebikolwa by'Abatume 13:27

Kuba abantu ab'omu Yerusalemu aghalala n'abafuzi baibwe, tibaamanha Yesu nga n'Omulokozi, waire okutegeera ebibono eby'abalanzi ebisomebwa kiisi lwa Sabbato. Aye baatuukiriza ebibono eby'abalanzi bwe baasalira Yesu omusango ogw'okufa.