Danieli 9:24 - Baibuli Ekibono kya Katonda 2014

²⁴ “Katonda yalagira ekiseera kya myaka nsanvu emikuzi musanvu ku bantu bo ni ku kibuga kyo ekitukuvu, memale okwonoona kukomezebwe, n'okukola ebibi kuweegho. Olwo ebyonoono bisoniyibwe, ghairegho okukola amazima ebyanda n'ebyanda, n'okubonekerwa n'obulanzi bituukirizibwe, era n'eisinzizo eitukuvu liiremu okutukuzibwa.

Danieli 9:24 Iomraidhean Croise

2 Ebyomubyanda 29:24

Bakabona baadhiita, baayugha omusaayi gwadho ku alutaari, ng'ekigheebwayo olw'ebibi by'Abaisiraeli boonaboona, bisobole okubatoolebwaku kuba kyabazinga yalagira okughaayo ekigheebwayo ekyokebwa n'ekigheebwayo olw'ebibi, ku lw'Abaisiraeli boonaboona.

Zabbuli 2:6

ati: “Kyabazinga wange ye nalonda, namuta ku lusozi lwange olutukuvu Sioni.”

Zabbuli 45:7

Ogonza ebikolwa ebituufu, waakyagha ebikolwa ebibi. Kyova Katonda, Katonda Oyo owuwo, yakusiiga omuzigo mu isanhu okusinga abantu abandi boonaboona.

Isaia 42:4

Taliwaamu maani waire okuwaamu eisuubi. Alireetagho okukolanga eby'amazima mu nsi ebigwaniire. N'ebiketezo eby'oku nhandha biri eyo biteegereire amateeka ge.”

Isaia 51:6

Mulinge ku igulu, mulinge ni ku nsi. Eigulu eryo liriwaagho ng'oti n'omwosi bwegubulagho, ensi yaakairigha ng'oti kivaalo, n'abagibaamu baafa ng'oti nsowera. Aye obulokozi bwange bwe ndeeta bwidha kubangagho byanda na byanda, mbawonienga aghazira kukoma.

Isaia 51:8

kuba baliwaagho ng'oti n'ekivaalo ekiriiriibwa ensiriri oba enseete. Aye obulokozi bwange bwe ndeeta bwidha kubangagho byanda na byanda, mbawonienga aghazira kulekera.”

Isaia 56:1

Musengwa Katonda akoba abantu be ati: “Mukolenga amazima n'obutuufu, kuba ndi kumpi kwidha okubalokola, era ndholeke nga ninze mbawonia ebizibu byaimwe.

Isaia 61:1

Omwoyo gwa Musengwa Katonda gundiku, kuba yansiiga omuzigo, yantuma okukobera abadaazibwadaazibwa amawulire amalungi. Yantuma okugumya abaawaamu emyoyo, n'okulangirira eri abali mu bunhage nti baidha kulekulwa babe ba idembe, n'abasibe nti baidha kusibulwa mu ikomera.

Okulira 4:22

Imwe ab'omu Sioni ekibonerezo kyaimwe olw'okwonoona kiwoire, Musengwa Katonda takaayongera kubakuumira mu bunhage. Aye imwe Abaedomu, Musengwa aja kwoleka okwonoona kwaimwe era ababonereze.

Ezekieli 28:12

“Iwe omuntu, lira amaziga ku lwa kyabazinga wa Tiro, omukobe oti nze Musengwa Katonda ndi kumukoba nti: Wali kya kuboneraku eky'omuntu atuukiriire, ng'oidhwire amagezi era ng'oli mulungi inho mu mboneka.

Ezekieli 4:5

Nkusaliire enaku ebikumi bisatu na kyenda (390), odhimale agho ng'oli kukola ekibonerezo ekyo olw'ebibi eby'eighanga Isiraeli. Enaku edho dhitegeeza emyaka gye balimala nga bali kubonerezebwa.

Ezekieli 4:6

Edho bw'olidhimalaku, kabiri olirambaala omukuzi ogwokubiri eky'embavu, aye ku luuyi lule olundi olw'omukono gwo omusaadha. Naakusalira enaku amakumi ana (40), odhimale ng'oli kukola ekibonerezo olw'ebibi eby'eighanga Buyudaaya. Enaku edho dhitegeeza emyaka gye balimala nga bali kubonerezebwa.

Abalevi 25:8

“Munaabalanga emyaka musanvu emikuzi musanvu, ng'egyo gyonagyona aghalala n'emyaka amakumi ana n'omwenda.

Abalevi 8:15

Musa oyo yaagiita, era yaatoolaku omusaayi ogundi yaagusiigisa olwala lwe ku bintu ebiri ng'oti mayiga ga nsolo ebiri ku alutaari ku ndhuyi dhaayo dhoonadhoona okugyawulira Musengwa Katonda. Omusaayi ogwasigalagho gwonagwona, yaagufuka ku ntobo y'alutaari. Mu nsambo eyo yaagyawula ebe eya Musengwa Katonda era yaaghaayo omusengo olw'okugitukuza.

Zekaria 4:14

Agho yankobera ati: “Abo n'abantu ababiri Musengwa Katonda ow'ensi yoonayoona be yalonda, era yaabasiiga omuzigo bamugheerezenga.”

Okubala 14:34

Mwidha kudaagadaaga olw'ebibi byaimwe okumala emyaka amakumi ana. Buli lunaku, ku nnaku amakumi ana dhe mwamala nga mukeeta ensi eyo, mwidha kulusasulangamu mwaka mulamba. Memale olwo mumanhe nga tiri musangaavu.

Matayo 1:21

Aidha kuzaala omwana wa bulenzi, era oidha kumutuuma eriina lya Yesu, kuba n'oyo alirokola abantu mu bibi byaibwe.”

Matayo 11:13

kuba Amateeka n'Abalanzi boonaboona okutuukira irala ku Yoanne baayogera ku Bwakyabazinga buno.

Matayo 4:5

Agho Sitaani yaatwala Yesu mu kibuga ekitukuvu, yaamuniinia ku kasulya ak'eisinzizo,

Mariko 1:24

“Otwendeza ki iwe Yesu ow'e Nazarethi? Oidhie kutuzikiriza? Nkwidhi niiwe omutukuvu wa Katonda.”

Luka 1:35

Malaika yaamwiramu ati: “Mwoyo Mutukuvu aidha kukwikaku, n'amaani g'oyo Ali Ghaigulu Yeene gaidha kukuboghera, kyova ky'olizaala, ekitukuvu, kiryetebwa Mwana wa Katonda.

Luka 21:22

kuba edho n'edhiriba enaku edh'okubonereza n'okutuukiriza ebyaghandiikibwa byonabyona.

Yoanne 1:41

Ono yasooka kubona muganda we Simoni era yaamukoba ati: “Tuboine Messia,” amakulu gaakyo nti Kurisito.

Yoanne 3:34

Oyo Katonda ye yatuma ayogera ebibono bya Katonda, kuba Katonda tagaba Mwoyo we mu bipimo.

Ebikolwa by'Abatume 3:14

Imwe mwegaana omutuukirivu era ow'amazima, mwasaba babalekulire omutemo.

Ebikolwa by'Abatume 3:22

Kuba Musa bwenebwene yakoba ati, ‘Katonda Musengwa alibafunira omulanzi mu baganda baimwe, nga nze. Mumuwuliranga mu byonabyona by'abakoba.

Ebikolwa by'Abatume 4:26

Bakyabazinga ab'ensi baasituka, n'abafuzi beesoloza ghalala okulwanisa Musengwa ni Kurisito we.’

Ab'e Roma 5:10

kuba bwe twali nga tukaali bazigu ba Katonda, okufa kw'Omwana we kwatuleetera okwisania naye. Mperaano nga bwe twisania naye, obulamu obw'Omwana we bwidha kutulokolera irala.

1 Ab'e Korintho 1:30

Katonda oyo n'ensimuko ey'obulamu bwe muli nabwo mu Kurisito Yesu. Kurisito oyo Katonda ye yafuula amagezi gaife, era oyo n'atufuula abatuufu eri Katonda, era n'atutukuza, era oyo n'okununulibwa kwaife.

Ab'e Filippi 3:9

olwo nsobole okumweyimbiraku irala. Tikaali na butuufu bwange ku bwange obuva mu kugema amateeka. Mperaano ndi n'obutuufu obuva mu kwikiriza Kurisito, obutuufu obuva ye Katonda era obuva mu kwikiriza.

Ab'e Kolosai 1:20

era abite mu oyo okwiza ebintu byonabyona y'ali ka bibe ebiri mu igulu oba ebiri ku nsi. Katonda atyo bwe yaleeta emiraala ng'abita mu kufa kw'Omwana we ku musalaba.

Ab'e Kolosai 2:14

Ng'amaze okusazaamu endagaano ey'ebitubandhibwa, ni byonabyona ebyali bitusiba mu ndagaano eyo eyali etuli obubi, yaagitoolagho yaagikomerera ku musalaba.

Abaheburayi 10:14

Olw'okughaayo omusengo guno omulala, abo be yatukuza yabafuula abatuukiriire ebyanda n'ebyanda.

Abaheburayi 2:17

Mbeeni kye kyava kimugwanira okuba nga baganda be mu byonabyona, memale asobole okugheereza Katonda ng'Omukulu wa Bakabona, ow'ekisa era omwesigwa, asoniyise abantu ebibi byaibwe.

Abaheburayi 7:26

Kyali kituufu tube n'Omukulu wa Bakabona ali atyo omutukuvu, aziraku musango, aziraku kimyamya, eyayawulwa okuva ku babi, era Katonda ye yagulumiza mu igulu.

Abaheburayi 9:26

Kuba nguli kyali kityo, Kurisito yandibaire ng'ali n'okudaagadaaga emikuzi kamaala kasookanga ensi etondebwe. Aye mu byanda bino ebisembayo yaboneka omukuzi mulala guti nga gumala, atoolegho ekibi olw'okweghaayo mwene.

2 Petero 1:1

Ninze Simoni Petero omugheereza era omutume wa Yesu Kurisito. Mpandiikira abo abaafuna okwikiriza okuli ng'oti n'okwaife, olw'obutuufu bwa Katonda waife era Omulokozi waife Yesu Kurisito.

1 Yoanne 3:8

Oyo akola ekibi, aba wa Sitaani kuba Sitaani mukozi wa bibi okuviira irala ku kwinhama. Kyova Omwana wa Katonda yaidha okuzikiriza ebikolwa bya Sitaani.

Okwolekebwa 14:6

Agho naabona malaika owundi ng'ali kuguluka, nga yeeruupye eyo mu igulu. Yali agheereibwa amawulire amalungi ag'ebyanda n'ebyanda agakobere abo abali ku nsi aba kiisi kika, aba kiisi lulimi, aba kiisi luse n'aba kiisi ighanga.

Okwolekebwa 3:7

“Ghandiikira malaika ow'Ekikunsu eky'Abaikiriza mu Kurisito eky'e Filadelufia, oti: Oyo omutukuvu era ow'amazima, ali n'ekisumuluzo kya Daudi, aigulagho ni ghataba asobola kwigalagho, aigalagho ni ghataba asobola kwigulagho akoba ati: