Danieli 9:21 - Baibuli Ekibono kya Katonda 2014

²¹ Bwe nali nga nkaasaba naabona omuntu ole, Gaburieli, eyali mu kubonekerwa okwasooka. Yaaguluka yaidha ghe nali mu kiseera eky'okugheerayo emisengo egy'eigulo.

Danieli 9:21 Iomraidhean Croise

1 Bakyabazinga 18:29

Ekiseera eky'omu kasana ghagati bwe kyabita, beeyongera okweyasa okutuuka ku kiseera ekyeigulo eky'okughaayo emisengo. Aye ghaaloba kubaagho mamiro gawulikika, waire okubaagho abairamu, oba abafaaku.

1 Bakyabazinga 18:36

Ekiseera eky'okughaayo ekigheebwayo ekyeigulo bwe kyatuuka, Eliya omulanzi yaaseeta kumpi ni alutaari, yaakoba ati: “Wo Musengwa Katonda, Katonda wa Aburahamu, owa Isaaka, era owa Yakobo, olwaleero ka bakimanhe nga niiwe Katonda mu Isiraeli, era nga nze ndi mugheereza wo, era nga bino byonabyona mbikoze nga iwe omaze kundagira.

Zabbuli 103:20

Musaake Musengwa Katonda imwe bamalaika be mwenamwena ab'amaani, abawulira ebiragiro bye era abagondera by'akoba.

Zabbuli 104:4

Ofuula empewo okuba abakwenda bo, n'enimi edh'omuliro waadhifuula okuba abagheereza bo.

Zabbuli 141:2

Ganha okusaba kwange kukutuukeku ng'oti n'akawoowo ak'obubbaani, n'emikono gyange gye nsituliire y'oli gibe ng'oti n'omusengo ogw'eigulo.

Okuvaayo 29:39

Entaama eyindi oidha kugighangayo enkyo, ate eyindi ogighengayo eigulo.

Isaia 6:2

Ghaigulu gha kyabazinga oyo, ghaali nga gheemereiregho ebitonde ebyetebwa serafimu, nga buli kirala kiri n'amaghagha mukaaga: abiri nga kigeeghembye mu maiso, abiri agandi kyageeghemba ku bigere, ate abiri agasigairegho kyagakozesa okuguluka.

Ezekieli 1:11

Bityo bwe byali nga biboneka mu maiso. Era buli kirala kyali kyandhulwiza amaghagha gaakyo, abiri nga gagemye ku nkomerero edh'amaghagha ga biinaakyo ebikiri eruuyi n'eruuyi, ate abiri agandi nga kigaghembye ku mubiri gwakyo.

Ezekieli 1:14

N'ebitonde ebiramu ebyo byona byali biri kumansuka embiro ng'oti kughemya kwa lukuba, nga biira eno n'ere.

Ezekieli 14:14

Abantu bano abasatu: Noa, Danieli ni Yobu, ni bwe bandigibairemu, bandiwoniizaagho bwa bulamu bwaibwe bwonka olw'obutuufu bwaibwe.” Musengwa Katonda atyo bw'akoba.

Danieli 10:10

Naja okuba agho ng'omukono gungemaku okunsitusa, naaba ku bivu byange nga nsimbye amakono gange ghansi, era nga ndi kudhugumira.

Danieli 10:16

Agho malaika eyafaanana ng'oti muntu yangema ku munwa. Olwo naatoolera okwogera, naamukoba nti: “Isebo, okubonekerwa kuno kundeeteire okunakughala kungi, era kwamaliramu irala amaani.

Danieli 10:18

Agho kabiri yangemaku era naayongera okufuna amaani.

Danieli 8:16

Naawulira amamiro ag'omuntu nga gava ghagati mu mwiga Ulai, gaayeta gati: “Gaburieli, kobera omusaadha oyo amakulu g'ebyo by'aboine.”

Danieli 8:18

Bwe yali ali kwogera ninze, nze neeyala agho ku itaka nga neefundiike, endoolo enhingi einho dhangema. Aye yangemaku yaanhemereza ku magulu gange.

Matayo 27:46

Era nga ku saawa eyomwenda, Yesu yaaleekaana ati: “Eloi, Eloi, lama sabakitani?” Ekitegeeza kiti: “Katonda wange, Katonda wange, lwaki ondekuliire agho?”

Luka 1:19

Malaika yaamwiramu ati: “Ninze Gaburieli ayemerera mu maiso ga Katonda, era ntumiibwa okwogera n'iwe nkukobere amawulire amalungi ago.

Luka 1:26

Mu mwezi ogwomukaaga, Katonda yaatuma malaika Gaburieli mu kibuga eky'e Galilaaya, eriina lyakyo Nazarethi

Ebikolwa by'Abatume 10:3

Lwali lulala, esaawa ng'oti mwenda edh'omusana malaika wa Katonda yaamubonekera bukalamu era yaamweta ati: “Korunelio.”

Ebikolwa by'Abatume 10:9

Ku lunaku olwairirira, bwe baali nga bakaali mu ngira era nga banaatera okutuuka mu kibuga, ku saawa nga mukaaga edh'omusana, Petero yaaniina ghaigulu ku nhumba okusaba Katonda.

Ebikolwa by'Abatume 12:7

Malaika wa Musengwa yaidha, obutangaavu bwayakira mu ikomera. Malaika yaasiinha ku Petero, yaamuzuusa yaamukoba ati: “Situka mangu.” Agho endhegere dhaalekuka ku mikono gya Petero, dhaagwa.

Ebikolwa by'Abatume 3:1

Agho olwatuuka Petero ni Yoanne baaniinaniina okuja mu isinzizo ku saawa omwenda, esaawa ey'okusaba.

Abaheburayi 1:14

Kale bamalaika ti n'emyoyo egigheereza Katonda, gy'atuma olw'abo ab'okulokolebwa?

Abaheburayi 1:7

Era bw'ayogera ku bamalaika akoba ati: “Katonda afuula bamalaika be empewo, abagheereza be yaabafuula enimi edh'omuliro.”

Okwolekebwa 9:17

Era nti bwe nabona embalaasi mu kubonekerwa kwange: abavuzi baadho baali bavaire ebivaalo eby'omu bifuba eby'ekyuma ebyali ebimyufu ng'oti muliro, ebya bbululu ng'oti ibaale lya saffiro, n'ebya kyenvu ng'oti bunhota bwa salufa. Emitwe gy'embalaasi edho gyali ng'oti gya mpologoma, mu kanwa mwadho nga muvaamu omuliro, n'omwosi, n'obunhota bwa salufa