Danieli 9:20 - Baibuli Ekibono kya Katonda 2014

²⁰ Agho neeyongera okusaba, n'okwatula ebibi byange n'eby'abantu bange Abaisiraeli, n'okweghemba Musengwa Katonda wange, nga mmusaba aizeegho ekitiisa ky'olusozi lwe olutukuvu.

Danieli 9:20 Iomraidhean Croise

Ezera 10:1

Ezera bweyali ng'ali kusaba bw'ayatula ebibi, eno nga bw'alira amaziga ng'akubye amakiryaivu gha mberi gh'eisinzizo lya Katonda, eikuukuubira ery'Abaisiraeli abasaadha n'abakazi n'abaana abato, lyesololeza gh'ali. Boonaboona nga bali kulira inho amaziga.

Nehemia 1:6

Lingirira nze omugheereza wo, otege kutu wo owulire bye nkusaba omusana n'obwire ku lw'abagheereza bo Abaisiraeli. Ndhatula nti bwenebwene ife Abaisiraeli twayonoona.

Zabbuli 145:18

Abo abasaba Musengwa Katonda, Musengwa Katonda oyo tabasuulirira, abo ababa nga bamusabye n'omwoyo omulala.

Zabbuli 32:5

Agho naayatula y'oli ebibi bye nakolanga, era naaloba kukugisa mikuzi gye nayonoonanga. Naakoba nti: “Nteekwa okwatula okwonoona kwange ye Musengwa Katonda.” Agho weena wansonigha omusango ogw'ebibi bye nakola.

Omulangirizi 7:20

Bwenebwene ezira muntu mutuufu ku nsi, akola ebirungi ebyereere n'atayonoonaku naire.

Isaia 56:7

“Ndibatwala ku Sioni olusozi lwange olutukuvu, naabagha eisanhu mu ndhu yange ey'okusinzizaamu. Ebigheebwayo byaibwe ebyokebwa n'emisengo gyaibwe ndibiikiriza ku alutaari yange, kuba endhu yange enaayetebwanga ndhu ya kusinzizaamu ab'amaghanga goonagoona.”

Isaia 58:9

Bwe munandhetanga ndidha kuvugiranga, era bwe munandiriranga ndidhanga kubairamu nti, ‘Ndi ghano!’ “Bwe mulyetoolamu omuze ogw'okutuntuza banaimwe, okubanhoomerera, n'okuboogeraku ebibi,

Isaia 6:5

Naakoba nti: “Nkagwireku era nfiire nze, kuba kiisi kye ndhogera tiikirongoofu, era n'abantu be ndimu bye boogera tiibirongoofu. Aye ate nze mwene mboine Kyabazinga Musengwa Katonda Afuga Amagye.”

Isaia 65:24

Banaabanga bakaali na kundheta nga nabawuliire ira, era banaajanga okumala okunsaba nga nabaizeemu ira.

Danieli 10:12

Agho yankoba ati: “Danieli otatya, kuba Katonda awuliire okusaba kwo, okuviira irala ku lunaku lwe watoolera okwewombeeka mu maiso ge ng'oyenda okutegeera obukwenda obw'okubonekerwa. Era nze ndidhie olw'okusaba kwo okwo.

Danieli 10:2

Mu kiseera ekyo, nze Danieli namala wiiki isatu nga ndi mu nnaku.

Danieli 11:45

Alisimba weema dhe enkologho edh'obwakyabazinga, ghagati gh'enhandha n'olusozi olutukuvu oluliku eisinzizo. Aye ate alituuka okufa nga ghazira n'amuyamba.”

Danieli 9:16

Wo Musengwa, ku lwaife wakola ebintu kamaala ebyoleka ng'oli mutukuvu, kyenva ni nkusaba olekere okusungughalira einho otyo ekibuga kyo Yerusalemu, olusozi lwo olwo olutukuvu. Abantu boonaboona abali mu nsi edhitwezungulwire banhooma inho ekibuga kyo Yerusalemu, n'ife abantu bo twena baatunhooma, kuba ife ni badhaadha baife twayonoona.

Zekaria 8:3

Luliba lulala naira ku lusozi lwange Sioni, naaba mu kibuga kyange Yerusalemu. Olwo ekibuga ekyo balikyetanga ekibuga eky'abantu abeesigwa, era baakyetanga olusozi lwange nze Musengwa Katonda Afuga Amagye olutukuvu.

Ebikolwa by'Abatume 4:31

Bwe baamala okusaba, ekifo ghe baali beesololeiza kyatengeesebwa, boonaboona baidhula Mwoyo Mutukuvu, baayogera ekibono kya Katonda nga bagumu.

Ab'e Roma 3:23

boonaboona baayonoona, baalemwa okutuuka ku kitiisa Katonda kye yabategekera.

Yakobo 3:2

Twenatwena tusobya. Aye oba nga ghaligho atasobya mu ndhogera, oyo mutuukirivu era asobola okufuga n'omubiri gwe gwonagwona.

Okwolekebwa 21:10

Agho mu Mwoyo malaika yantwala ku lusozi olukologho era oluleeyi, yandholeka Yerusalemu ekibuga ekitukuvu, nga kiika nga kiva mu igulu ewa Katonda.

Okwolekebwa 21:2

Naabona ekibuga ekitukuvu, Yerusalemu ekiyaaka, nga kiika kiva mu igulu ewa Katonda, nga kiri ng'oti n'omugole ye bavaaziiza, eyetegeike okutwalibwa ewa iba.