Danieli 9:17 - Baibuli Ekibono kya Katonda 2014

¹⁷ Wo Katonda waife, mperaano ni wulira okusaba kwange n'okwegayirira kwange, nze omugheereza wo. Nkweghemba ogemerwe ekisa eisinzizo lyo eryalekebwa agho lityo, olwo oyoleke ekitiisa kyo.

Danieli 9:17 Iomraidhean Croise

1 Bakyabazinga 8:28

Wo Musengwa Katonda wange, nkweghemba owulire okusaba kwange n'okugegenga kwange nze omugheereza wo, ompe kye nkusaba olwaleero.

Nehemia 1:6

Lingirira nze omugheereza wo, otege kutu wo owulire bye nkusaba omusana n'obwire ku lw'abagheereza bo Abaisiraeli. Ndhatula nti bwenebwene ife Abaisiraeli twayonoona.

Zabbuli 119:135

Nningaaku n'amaiso ag'ekivunika nze omugheereza wo, ondhegerese okukola by'olagira.

Zabbuli 4:6

Abantu kamaala bakoba bati: “Wo! Tugwana twafuna bikalamu byereere! Wo Musengwa Katonda, tulingeku n'amaiso ag'ekisa!”

Zabbuli 67:1

Wo Katonda waife, tugemerwe ekivunika, otughe enkabi; tulingeku n'amaiso ag'ekisa.

Zabbuli 67:2

Olwo ensi yoonayoona emanhe ebyo by'oyenda; amaghanga goonagoona gamanhe amaani go agawonia.

Zabbuli 74:3

Tambula mu kyanhe aghaali eisinzizo, abazigu baife lye baazikiriza ni lisaanagho n'ebyalimu.

Zabbuli 80:1

Wo Katonda tukusaba otuwulirise, iwe alabirira abantu ba Isiraeli ng'oti n'omwayi ow'entaama, era n'okuuma aba Yosefu ng'oti byayo byo. Iwe ali ku kityamo kyo eky'obwakyabazinga ekiri ku bitonde eby'amaghagha ebyetebwa bikerubi,

Zabbuli 80:19

Wo Musengwa Katonda Afuga Amagye, twirizeegho ensi yaife nga bwe yali. Tulingeku n'amaiso ag'ekisa era otulokole.

Zabbuli 80:3

Wo Katonda waife, twirizeegho ensi yaife nga bwe yali. Tulingeku n'amaiso ag'ekisa era otulokole.

Zabbuli 80:4

Wo Musengwa Katonda Afuga Amagye, mbo onaasungughalira okusaba okw'abantu bo kutuuka li?

Zabbuli 80:7

Wo Katonda Afuga Amagye, twirizeegho ensi yaife nga bwe yali. Tulingeku n'ekisa era otulokole.

Isaia 48:11

Kale bye nkola byonabyona, mbikola lwa bulungi bwange nze, ndobe kuleka liina lyange kuswazibwa, oba okuleka ekitiisa kyange owundi okukigabanaku.”

Okulira 3:56

Wampulirisa bwe nakweghemba nti, ‘Otaloba kumpulira nga ndi kukusaba okumbeera.’

Okulira 5:18

Olw'okuba olusozi Sioni lwasigalira agho nga tighakaali alubaaku, ebibe ni byonka ebirutambuliratambuliraku nga byagala eky'okulya.

Danieli 9:19

Wo Musengwa Katonda, ganha owulire. Wo Musengwa, ganha osonighe. Wo Musengwa Katonda, taayo inho omwoyo okoleregho. Otalwa naire. Tubeere olw'ekitiisa kyo, kuba ekibuga kino kikyo, n'abantu bano babo.”

Yoanne 16:24

Ni ye buli eno timusabangaku kintu kyonakyona mu liina lyange. Musabe muligheebwa, okusagamba kwaimwe kwatuukirira.

2 Ab'e Korintho 1:20

Kuba oyo ni “yii” wa kiisi Katonda kye yasuubiza. Eyo n'ensonga lwaki kubwa Kurisito Yesu tukoba tuti “Amiina” nga tugha Katonda ekitiisa.

Okwolekebwa 21:23

Era ekibuga ekyo tikyetaaga ndhuba, waire mwezi kukyakira, kuba ekitiisa kya Katonda n'obutangaavu bwakyo, era Entaama Ento n'entaala yaakyo.