Danieli 9:16 - Baibuli Ekibono kya Katonda 2014

¹⁶ Wo Musengwa, ku lwaife wakola ebintu kamaala ebyoleka ng'oli mutukuvu, kyenva ni nkusaba olekere okusungughalira einho otyo ekibuga kyo Yerusalemu, olusozi lwo olwo olutukuvu. Abantu boonaboona abali mu nsi edhitwezungulwire banhooma inho ekibuga kyo Yerusalemu, n'ife abantu bo twena baatunhooma, kuba ife ni badhaadha baife twayonoona.

Danieli 9:16 Iomraidhean Croise

Nehemia 9:8

Wamubona ng'omwoyo gwe mwesigwa y'oli, waakola naye endagaano. Waasuubiza okugha baidhukulu be, ensi ey'Abakanaani, n'Abahitti, n'Abamori, n'Abaperizzi, n'Abayebusi, n'Abagirigashi. Era waatuukiriza kye wasuubiza, kuba oli mutukuvu.

Zabbuli 143:1

Wo Musengwa Katonda, wulirisa okusaba kwange. Nga bw'oli omutuufu era omwesigwa, wulira okukweghemba kwange, onkolere kye ndi kukusaba.

Zabbuli 31:1

Wo Musengwa Katonda, niiwe ye neesiga otandeka kuswala. Niiwe Katonda ow'obutuufu, nkusaba ondokole.

Zabbuli 41:13

Musengwa Katonda asaakibwe, Katonda wa Isiraeli! Asaakibwe buti era n'ebyanda n'ebyanda! Amiina era Amiina!

Zabbuli 71:2

Olw'obutuufu bwo ntoola aghabi omponie, tega kutu ompulirise era ondokole.

Zabbuli 79:4

Tufuuse ekivume eri amaghanga agatuliiraine, era batuyeeyereza bwe batusekerera.

Zabbuli 85:4

Wo Katonda iwe omulokozi waife, iramu okutugonza olekere agho okutusungughalira.

Zabbuli 89:51

Wo Musengwa Katonda, abazigu bo batyo bwe bavuma oyo ye wasiiga omuzigo, batyo bwe bamuvuma buli gh'aniina ekigere.

Okuvaayo 20:5

Ebintu ebyo mutabisinzanga, kuba nze Musengwa Katonda waimwe ndi wa nkikidi ku bantu bange. Abo abankyagha mbabonereza, era naabonereza n'abaana baibwe, n'abaidhukulu, okutuukira irala ku luse olwokusatu n'olwokuna.

Isaia 5:25

Obusungu bwa Musengwa Katonda butumbukiire ku bantu be ng'oti muliro, era agalwire omukono gwe okubabonereza. Ensozi dhiidha kutengeeta, n'emirambo gy'abo abaitiibwa gisigale agho mu nguudo dh'ebibuga ng'oti bikaba. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaasitwire omukono gwe okubabonereza.

Yeremia 24:9

Ndidha kubafuula ekintu ekitiisa einho abantu boonaboona ku nsi, bafuuke eky'okwogerwaku era eky'okuyeeyereza. Baidha kubanga kivumo era kikolimo, eyo yoonayoona ye ndibasansaaniza.

Yeremia 29:18

Ndibakiriga n'entalo, n'endhala, n'endwaire ya kawumpuli, era naabafuula ekintu ekitiisa einho abantu boonaboona ku nsi. Yoonayoona ye ndibasansaaniza baidha kubanga kintu kya kukolima, kya kwesimooza, era kya kuvuma.

Yeremia 32:31

Abantu b'omu kibuga kino bansungughaza ebitaloodheka okuviira irala ekibuga kino lwe baakizimba. Kale nsazeegho okukizikiriza,

Yeremia 32:32

olw'ebibi byonabyona abantu b'omu Isiraeli n'ab'omu Yerusalemu bye baakola. Baakola ebibi ghalala ni bakyabazinga baibwe, n'abakulembeze baibwe, ni bakabona baibwe, era n'abalanzi baibwe.

Ezekieli 22:4

Waiza omusango ogw'obutemo olw'okwita abantu kamaala batyo, era weeyonoona n'ebifaananie ebisinzibwa ebitali Katonda bye wakola. Olwo waaleetera olunaku lwo okutuuka amangu n'ekiseera kyo okuwaaku. Kyenava ni nkuleka okuvumibwa amaghanga, n'okunhoomebwa ensi dhoonadhoona.

Ezekieli 5:14

Ekibuga kyaimwe Yerusalemu ndikifuula kifulukwa, era kyaba ekivumo eri amaghanga goonagoona agabeezungulwire, n'eri ababise boonaboona ababitagho.

Danieli 11:45

Alisimba weema dhe enkologho edh'obwakyabazinga, ghagati gh'enhandha n'olusozi olutukuvu oluliku eisinzizo. Aye ate alituuka okufa nga ghazira n'amuyamba.”

Danieli 9:20

Agho neeyongera okusaba, n'okwatula ebibi byange n'eby'abantu bange Abaisiraeli, n'okweghemba Musengwa Katonda wange, nga mmusaba aizeegho ekitiisa ky'olusozi lwe olutukuvu.

Yoeli 3:17

“Olwo mulimanha nga ninze Musengwa Katonda waimwe, era nga mba ku lusozi lwange olutukuvu Sioni. Yerusalemu kiriba kibuga kitukuvu, era abagwira tibaliiramu kukighangula kabiri.

Zekaria 8:3

Luliba lulala naira ku lusozi lwange Sioni, naaba mu kibuga kyange Yerusalemu. Olwo ekibuga ekyo balikyetanga ekibuga eky'abantu abeesigwa, era baakyetanga olusozi lwange nze Musengwa Katonda Afuga Amagye olutukuvu.

2 Ab'e Thessalonika 1:6

Era Katonda aja kukola ekituufu: aja kuleetera abo ababadaazadaaza badaagedaage,

1 Yoanne 1:9

Aye bwe twatula ebibi byaife, oyo omwesigwa era ow'amazima atusonigha ebibi byaife era yaatunaazaaku byonabyona ebitali bituufu.

1 Samueli 2:7

Musengwa Katonda ayavughaza omuntu era yaamukombaghaza; aisa omuntu ghansi era yaamugulumiza.