Danieli 9:12 - Baibuli Ekibono kya Katonda 2014

¹² Otuukiriiza ekyo kye watwesoomera okutukola ife n'abafuzi abatufuga waatutuusaaku akabi akataloodheka, kuba wabonereza Yerusalemu ekibitiriire okusinga ebibuga ebindi byonabyona ebiri ghansi gh'eigulu.

Danieli 9:12 Iomraidhean Croise

1 Bakyabazinga 3:9

Kale ni mpa nze omugheereza wo amagezi, nsobole okufuganga abantu bo, n'okwawulangagho ekirungi n'ekibi kuba naani aghanga okufuga eighanga lyo lino eikologho liti, aghazira ekyo?”

2 Bakyabazinga 22:16

Musengwa Katonda akoba ati, akabi akoogerwaku mu kitabo kino kyabazinga wa Buyudaaya ky'asomye, nja kukatuusa ku kifo kino ni ku bantu baamu.

Yobu 12:17

Abafuzi b'ensi abamalamu amagezi, abalamuzi yaabafuula abasirusiru.

Zabbuli 148:11

Musaake Musengwa Katonda imwe bakyabazinga ab'oku nsi mwenamwena n'abantu baimwe, imwe abakungu n'abafuzi abandi boonaboona ab'oku nsi;

Zabbuli 2:10

Agho ni imwe bakyabazinga muwulire okulabulwa kuno, era imwe abafuzi ab'oku nsi mwege.

Ensambo 8:16

Ninze agha buli mufuzi okufuga, k'abe mukungu oba mulamuzi.

Isaia 43:28

Kyenava ni ndeetera abo abalabirira Ekifo Ekitukuvu okunhoomebwa, naaghaayo baidhukulu ba Yakobo okuzikirizibwa, era naaleka Abaisiraeli abo baafuuka nseko dha balamu.”

Isaia 44:26

Aye nkakasa ebyo omugheereza wange by'ayogera, naatuukiriza omukwenda wange oyo by'alangirira. Ekibuga Yerusalemu nkikakasa nga bwe kiidha okubangamu abantu, n'ebibuga bya Buyudaaya ebyayonoonebwa naabikakasa nga bwe birizimbibwa obuyaaka.

Yeremia 30:7

Tukagwireku! Olunaku olutiisa einho luli kwidha, era ezira lundi lw'olugerangeraniaku. Luliba lwa bulumi ku bantu bange, aye balirubitamu baabaagho.”

Yeremia 32:23

Aye bwe baatuuka mu nsi eno ni bagitwala n'eba eyaibwe ku bwaibwe, tibaagondera biragiro byo, waire okwebisa nga bwe wabagalagira. Ghazira kye baakolaku ku ebyo bye wabalagira okukola. Kale ni, iwe n'okubaleetaku okuzikirira kuno kwonakwona.

Yeremia 39:16

okukobera Ebedimeleki Omwethiopia nti: “Musengwa Katonda Afuga Amagye, Katonda wa Isiraeli, akoba ati, ‘Bona eno, ndituukiriza bye neesoomera ekibuga kino, naakireetera okuzikirira mu kifo ky'okukireetera ebintu okukijiiranga obukalamu. Ekyo ghe kiribeeragho, weena olibaagho waakibona.

Yeremia 44:23

Kano akabi akabatuuseeku mpegaano, kaligho lwa kuba mwaniokeza obubbaani bakatonda abandi, mwasungughaza Musengwa Katonda nga muloba okujiira ku mateeka ge ni ku biragiro bye byonabyona.”

Okulira 1:12

“Imwe mwenamwena abali kubitagho muuningirire, mubone. Ghazira kye mwegamu? Mubonangaku obughafu ng'oti n'obwange bwe ndimu? Musengwa Katonda n'eyansuula mu bughafu buno ng'asungughaire ekibitiriire.

Okulira 2:13

Abantu ab'e Yerusalemu, imwe be ngonza oti ki, nkobe ki? Mbageze ku ki? Mbafaananie ki imwe, ekinaabaleetera okusaasirwa? Okuzikirizibwa kwaimwe tikwakukoma oti n'amaadhi ag'enhandha agaidha ni gaabeeyaagho obweye; ghazira aghanga kwizaagho bintu byazikirizibwa.

Okulira 2:17

Musengwa alwire eira yaatuukiriza ekigendererwa kye, nga bwe yatwesoomera. Era nga bwe yasalagho eira einho, azikiriiza ng'aziramu na kusaasira. Aghaire abazigu baife okusagamba olw'obughanguzi, yaabongera okuba ab'amaani einho.

Okulira 4:6

Ekibonerezo abantu bange kye baafuna kinene okusinga ekibonerezo ekyagheebwa Sodoma, Katonda kye yazikiriza mu kaseera akazira ghe kaaga.

Ezekieli 13:6

Balimba abantu bati babonekeirwa era baalanga eby'obuguya. Baabakobera mbu bali kwogera bukwenda bwange nze Musengwa Katonda, ate nga ti ninze mbatumye. Era basuubira mbu nze ndidha kutuukiriza bye bakobye.

Ezekieli 5:9

Era olw'ebyenhinhalwa byonabyona bye mukola, ndibakola kye ntakolangaku era kye ntaliirayo kukola kabiri.

Danieli 12:1

Malaika yaayongera okukoba ati: “Mu kiseera ekyo, Mikaeli, malaika oyo omukologho omukuumi w'abantu bo, aliboneka. Olwo ghalibaagho ekiseera ekizibu ekitabangaghooku kasookanga nsi dhibaagho. Era ekiseera ekyo bwe kirituuka, abantu bo abo beene maina agaliba nga gaaghandiikibwa mu kitabo kya Katonda, n'abalirokolebwa.

Yoeli 2:2

Luliba lunaku nga lwa kifu era nga lwa kazigizigi, olwidhwire ebire ebyereere ku igulu n'enzikiiza agemye bedimudimu! Eigye eikologho ery'enzige liiryo liri kwidha, nga libuutikiire ensozi ng'oti nzikiiza. Tighabangaghooku nzige dhaaga n'edho bungi, era tidhiribaagho kabiri ebyanda n'ebyanda.

Amosi 3:2

Akoba ati: “Mu maghanga goonagoona agali ku nsi, eryaimwe lyonka lye nalondamu. Ekyo n'ekireetera okwonoona kwaimwe okuba okubi einho, era zeena kyenva ni nteekwa okubabonereza olw'okwonoona kwaimwe okwo.”

Zekaria 1:6

Aye okulabula kwange n'ebiragiro byange, bye nabisa mu bagheereza bange abalanzi, byatuukirira ku badhaadha baimwe abo, baatuuka n'okwenenia. Baakoba bati, ‘Musengwa Katonda Afuga Amagye akoze nga bwe yasalagho, yaatubonereza olw'empisa dhaife embi n'olw'ebikolwa byaife ebibi nga bwe tugwaniire.’ ”

Zekaria 1:8

Naabona malaika wa Musengwa Katonda ng'ali kuvuga embalaasi emyufu, ng'agyemereiza mu miti egy'ebisaka egyali mu kiiko. Einhuma we yaliyo embalaasi edhindi emyufu, n'edha kikuusikuusi, n'endheru.

Zekaria 7:12

Baakalangusa emyoyo gyaibwe ng'oti ibaale, baaloba kujiira ku mateeka na biragiro, nze Musengwa Katonda Afuga Amagye bye nabagha nga mbita mu balanzi abaaligho mu biseera eby'eira. Kyenava ni mbasungughalira ekibitiriire,

Matayo 24:21

kuba ghalibaagho okudaagadaaga okw'amaani, nga tikubangaghooku kutyo okuva ku mainhama ag'ensi, okutuuka buti, era okutaja kubaagho kabiri.

Matayo 5:18

Bwenebwene mbakobera nti, okutuusa ng'eigulu n'ensi biwoiregho, enukuta endala waire akatoonheze akalala, tibiridibizibwa mu Mateeka, okutuusa nga byonabyona bibairegho.

Mariko 13:19

“Kuba mu nnaku edho mulibaamu ebibonoobono ebitabangaghooku okuva Katonda lwe yatonda ebitonde n'okutuusa mperaano, era ebitalibaagho.

Luka 21:22

kuba edho n'edhiriba enaku edh'okubonereza n'okutuukiriza ebyaghandiikibwa byonabyona.

Ab'e Roma 15:8

Ka mbakobere, Kurisito yafuuka omugheereza w'abayudaaya, ayoleke nga Katonda bw'ali omwesigwa, era atuukirize ebisuubizo Katonda bye yasuubiza badhaadha baife,