Danieli 8:9 - Baibuli Ekibono kya Katonda 2014

⁹ Ghaabaagho akayiga akatono akaakukunuka okuva mu lindi ku mayiga ago ana, kaakula kaaba ka maani inho era obuyinza bwako bwamaamira mu buvandhuba, ni ku luuyi olw'omukono omusaadha olw'e buvandhuba, ni ku luuyi olw'ensi ey'ekitiisa.

Danieli 8:9 Iomraidhean Croise

Zabbuli 105:24

Musengwa Katonda yaabagha okuzaalagana baayala, baaba ba maani okusinga abazigu baibwe.

Zabbuli 48:2

Sioni olusozi lwa Katonda luleeyiriri era luboneka bulungi; ekibuga kya kyabazinga omukologho kisanhusa ensi yoonayoona.

Yeremia 3:19

“Musengwa Katonda era akoba ati: ‘Imwe Abaisiraeli, nze nayenda inho okubatwala ng'abaana abange, mbaghe ensi esanhusa era esingira irala okuboneka obulungi mu maghanga goonagoona, ebe yaimwe ku bwaimwe. Era naalowooza nti munandhetanga, Lata, mulobe kukyuka kunvaaku.

Ezekieli 20:15

Kale, nze neerayirira mwene nga bali eyo mu irungu, nti tiribatuusa mu nsi ye nabagha, ensi engimu era erimu ebirungi kamaala, esinga edhindi dhoonadhoona ekitiibwa.

Ezekieli 20:6

Era ku olwo nabasuubiza okubatoola mu nsi Misiri, mbatwale mu nsi ye nabategekera engimu era erimu ebirungi kamaala, esinga edhindi dhoonadhoona ekitiibwa.

Danieli 11:16

Olwo kyabazinga wa Siria aliba ng'alumbye, alikola nga bw'ayenda nga ghazira amulobera naire. Alyemerera mu Nsi ey'Ekitiisa, era ensi eyo yoonayoona eriba mu buyinza bwe.

Danieli 11:21

Agho malaika yaayongera okwinhonhola ati: “Kyabazinga wa Siria aliiragho mu kifo ky'oyo, aliba muntu anhoomebwa era atagwanira kuba kyabazinga naire. Alirebereza abantu, yaabalimbalimba, yaabaikirizisa nga tibaidhi, baaja okweidhuukiriza ng'afuuse kyabazinga.

Danieli 7:8

Nali nkeerolera amayiga ago, okuja okulinga nti nga mbona akayiga akatono nga kali kukukunuka okuva mu ago eikumi. Era kaamala kaighagho amayiga asatu ku ago eikumi agaasookagho. Akayiga ako kaaliku amaiso ng'oti ga muntu, era kaabaaku n'omunwa nga guli kwogera eby'okwesuutasuuta.

Zekaria 7:14

Nabasansaania mu maghanga goonagoona ge baali tibaidhi naku naire, nga ndi ng'oti n'empewo eyeezungulula n'amaani. Olwo ensi yaibwe enungi einho yaasigala bwagho nga ghazira muntu agirimu, yaafuuka bifulukwa byereere.”