Danieli 8:8 - Baibuli Ekibono kya Katonda 2014

⁸ Embuzi enume eyo yeeyongera okwekudumbaza ekibitiriire. Aye bwe yali ekeeragalaga nga bw'eri n'amaani amangi, eiyiga lyayo eikologho lyamenheka. Mu kifo kyalyo ghaakukunukagho amayiga agandi agaboneekerera ana, nga gasonse mu ibbanga ku ndhuyi eina edh'ensi.

Danieli 8:8 Iomraidhean Croise

2 Ebyomubyanda 26:16

Aye kyabazinga Uzzia bwe yafuuka ow'amaani atyo, yaidhamu okwekuluntaza era ekyo kyamuviiraku okugwa kuba yeetulinkiriza yaingira mu isinzizo lya Musengwa Katonda, yaaniokeza obubbaani ku alutaari eniokezebwaku obubbaani.

Yeremia 49:36

Ndireeta kiwunga yaakunta mu nsi Elamu ng'ava ku ndhuyi dhoonadhoona. Olwo naasansaaniza abantu baayo ku ndhuyi dhoonadhoona, okutuusa nga mu buli nsi mulimu abalumukiireyo.

Yeremia 5:27

Ng'ole omutezi w'enhonhi bw'aidhuza ekiibo enhonhi, boona batyo bwe baidhuza endhu dhaibwe n'ebintu bye bafuna mu kukupankupania. Kyebava baba n'obuyinza era nga bakombe,

Ezekieli 16:7

Kale naakulabirira waakula n'amaani ng'oti n'ekimera eky'omu nimiro. Era waakulira irala waafuuka mughala muguna mwene atoonha obutoonhe. Waasunia amabeere era waakuza n'enviiri, aye ng'oli madu geene, tovaire.

Ezekieli 28:9

Obwo era oliba ng'okaakoba oti oli katonda, ng'oli mu maiso g'abo abaja okukwita? Busa naire, bw'oliba ng'oli mu ngalo dhaibwe oliba muntu buntu se ti katonda.

Danieli 11:4

Aye oyo bw'alimala okwenhweza mu buyinza, obwakyabazinga bwe balibumenhagho era baabwawulamu mu ndhuyi eina edhiri ghansi gh'eigulu. Tibalibugha ba izaire lye, waire okubufuga n'obuyinza nga bwe yali nabwo; kuba obwakyabazinga bwe balibusalasalamu bwatwalibwa abantu abandi abatali ba izaire lye.

Danieli 4:31

Aye yali akaayogera, amamiro gaawulikika nga gava mu igulu gaakoba gati: “Kyabazinga Nebukadinezzari ndi kukukobera nti obwakyabazinga bukutooleibwaku.

Danieli 5:20

Aye bwe yatoolera okwekuluntaza, n'akalangusa omwoyo gwe nga takaagondera biragiro, Katonda oyo yaamutoola ku kityamo kye eky'obwakyabazinga, era yaamutoolaku n'ekitiisa kye yali nakyo.

Danieli 7:2

Yakoba ati: Mu kubonekerwa kwange kwe nafuna obwire, naja okulinga nti nga mbona empewo ng'eri kuva ghaigulu ku ndhuyi dhoonadhoona, yaasiikuula enhandha enkologho.

Danieli 7:6

Nali nkaalingirira ekyo, okuja okubona ng'eri kuvaayo ekisolo ekindi ekifaanana ng'oti mpala. Kyali n'amaghagha ana agali ng'oti ga nhonhi ku mugongo gwakyo, era nga kiri n'emitwe ena. Ekisolo ekyo baakigha obuyinza okufuga.

Danieli 8:22

Amayiga ana agaameze mu kifo kya lire eirala eryamenheike, gategeeza obwakyabazinga obuna obuliidhagho nga bule obwa Bugureki bugabaniziibwamu. Aye obwakyabazinga obwo obuna tibuliba bwa maani ng'oti ni bule obwasooka.

Danieli 8:5

Nali nkeefumintiriza ku makulu g'ebyo, okuja okulinga nti nga mbona embuzi enume ng'eri kuva e bugwandhuba. Yali eri kuziinhuuka embiro, nga n'ebigere byayo tibiri kutuuka ku itaka. Era ng'eri n'eiyiga eriboneekerera irala liti, nga liri ghagati gh'amaiso gaayo.

Danieli 8:7

Naagibona ng'eri kulumba entaama enume eyo n'obusungu obungi, yaagifula n'amayiga gaayo gombi gaamenheka. Entaama eyo tiyali na maani ga kulwanisa mbuzi eyo. Kale embuzi yaagisuula ghansi ku itaka, yaagityankirira. Ghaabulagho eyasobola okuwonia entaama eyo.

Matayo 24:31

Eigwala ery'amaani bwe lirifuuwa, alituma bamalaika be baasoloza abalonde be okuva mu mpewo eina, okuva eigulu ye liva okutuusa ye likoma.

Mariko 13:27

Agho ng'atuma bamalaika nga basoloza abalonde be okuva mu mpewo eina, okuva ensi y'ekoma okutuuka eigulu ye likoma.

Amateeka Agokubiri 31:20

kuba mpegaano ndi kuja kubaingiza mu nsi engimu era erimu ebirungi kamaala ye nasuubiza badhaadha baibwe. Aye bwe balimala okulya ni baiguta era ni bageedha, balinvaaku baira ku misambwa baagisinza, nze bankyagha era baamenha endagaano yange.

Okwolekebwa 7:1

Ebyo bwe byawa, naabona bamalaika bana, nga beemereire ku nsonda eina edh'ensi, nga bagemereire empewo eina edh'ensi dhirobe kufuuwa ku nsi, ni ku nhandha, waire ku muti gwonagwona.