Danieli 8:5 - Baibuli Ekibono kya Katonda 2014

⁵ Nali nkeefumintiriza ku makulu g'ebyo, okuja okulinga nti nga mbona embuzi enume ng'eri kuva e bugwandhuba. Yali eri kuziinhuuka embiro, nga n'ebigere byayo tibiri kutuuka ku itaka. Era ng'eri n'eiyiga eriboneekerera irala liti, nga liri ghagati gh'amaiso gaayo.

Danieli 8:5 Iomraidhean Croise

Danieli 11:3

“Olwo ghalisitukagho kyabazinga ow'amaani alifuga ekiketezo ekinene einho, era nga ky'ayenda ky'akola.

Danieli 2:32

Omutwe gwakyo nga gwakolebwa mu zaabu omukenenule. Ekifuba n'amakono nga bya feeza. Enda n'ebisambi nga bya kyuma kya kikomo.

Danieli 2:39

Iwe bw'olivaagho ghalisitukagho obwakyabazinga obundi, aye nga tibwa maani ng'obubwo buno. Era kabiri ghalisitukagho obwakyabazinga obwokusatu obw'ekyuma eky'ekikomo bwafuga ensi yoonayoona.

Danieli 7:6

Nali nkaalingirira ekyo, okuja okubona ng'eri kuvaayo ekisolo ekindi ekifaanana ng'oti mpala. Kyali n'amaghagha ana agali ng'oti ga nhonhi ku mugongo gwakyo, era nga kiri n'emitwe ena. Ekisolo ekyo baakigha obuyinza okufuga.

Danieli 8:21

Embuzi enume etegeeza obwakyabazinga bwa Bugureki, ate eiyiga eikologho mu bweni bwayo lyategeeza kyabazinga eyasooka ow'ensi eyo Bugureki.

Danieli 8:6

Yaalumuka n'amaani mu busungu okuja okulumba entaama enume ere eyali n'amayiga abiri, ye nabona ng'eyemereire ku mbali okw'omwiga.

Danieli 8:8

Embuzi enume eyo yeeyongera okwekudumbaza ekibitiriire. Aye bwe yali ekeeragalaga nga bw'eri n'amaani amangi, eiyiga lyayo eikologho lyamenheka. Mu kifo kyalyo ghaakukunukagho amayiga agandi agaboneekerera ana, nga gasonse mu ibbanga ku ndhuyi eina edh'ensi.