Danieli 8:4 - Baibuli Ekibono kya Katonda 2014

⁴ Naabona entaama eyo ng'eri kulumba yaafula mu biketezo eby'oku luuyi olw'e bugwandhuba, ni mu by'oku luuyi olw'omukono omugooda olw'e buvandhuba, ni mu by'oku luuyi olw'omukono omusaadha olw'e buvandhuba. Ghaabulagho ensolo yoonayoona eyasobola okugirwanisa, waire okubaagho asobola okugirekuza ekintu ekiri mu buyinza bwayo. Nga buli ky'eyenda ky'ekola, era nga yeekudumbazakudumbaza.

Danieli 8:4 Iomraidhean Croise

1 Bakyabazinga 22:11

Agho owundi ku balanzi abo, eriina lye nga ni Zedekia mutabane Kenaana, yeekolera amayiga mu kyuma ekigumu einho, yaakoba ati: “Musengwa Katonda akoba ati, ‘Amayiga gano g'oidha okukozesa okufula Abasiria okutuusa lw'olibaghangula.’ ”

Yobu 10:7

Ate nga oidhi nga nze nziraku musango, era nga ghazira asobola kumponia n'antoola mu ngalo dho.”

Zabbuli 44:5

Bwetubita mu iwe tusindika ere abazigu baife, era mu liina lyo tutyankirira abatulumbagana.

Zabbuli 50:22

Mumanhe kino imwe abatanfaaku nze Katonda: nsobola okubayuzayuza ate nga ghazira na muntu wa kubawonia.

Zabbuli 7:2

Tiikulwa nga bandhuzayuza ng'oti mpologoma, bankwekwebya nga ghazira n'ambeera.

Ezekieli 34:21

kuba muguumula entaama enafu n'amabega gaimwe, mwadhifula n'amayiga gaimwe, okutuusa lwe mudhisansaaniza eyo kuliya.

Danieli 11:16

Olwo kyabazinga wa Siria aliba ng'alumbye, alikola nga bw'ayenda nga ghazira amulobera naire. Alyemerera mu Nsi ey'Ekitiisa, era ensi eyo yoonayoona eriba mu buyinza bwe.

Danieli 11:36

“Kyabazinga wa Siria oyo alikola nga bw'ayenda, yeegulumiza era yeekudumbaza ng'alowooza ati n'asinga bakatonda boonaboona. Alyogera ebintu ebitiisa einho ku Katonda asinga bakatonda boonaboona. Era ebintu birimujiira bukalamu okutuusa Katonda lw'alimumaliraku obusungu bwe kuba Katonda oyo kye yategeka kiri n'okutuukirira.

Danieli 5:19

Era olw'okuba yamugha okuba omukologho, ekyo kyaleetera abantu boonaboona, abava mu maghanga goonagoona, era aboogera enimi dhoonadhoona, okumutyanga n'okudhugumiranga mu maiso ge. Oyo ye yayendanga okwita ng'amwita, ate ye yayendanga okulekagho ng'akaali mulamu ng'amulekagho ng'akaali mulamu. Oyo ye yayendanga akugha ekitiisa ng'akimugha, ate ye yayendanga okukimutoolaku ng'akimutoolaku yaamuleetera okunhoomebwa.

Danieli 5:30

Obwire bwene obwo Beleshazzari oyo, kyabazinga Omubabilonia, yaitibwa.

Danieli 7:5

Kabiri naja okulinga nti nga mbona ekisolo ekyokubiri ekikambwe. Kyali kisitwikeku oluuyi olundi aye ng'olundi luli ku itaka. Era nga kiri n'embavu isatu mukanwa dhe kigemereire n'amaino gaakyo. Baakikoba bati: “Situka olye emamba nhingi.”

Danieli 8:7

Naagibona ng'eri kulumba entaama enume eyo n'obusungu obungi, yaagifula n'amayiga gaayo gombi gaamenheka. Entaama eyo tiyali na maani ga kulwanisa mbuzi eyo. Kale embuzi yaagisuula ghansi ku itaka, yaagityankirira. Ghaabulagho eyasobola okuwonia entaama eyo.

Mika 5:8

Abaisiraeli abo abaliwonagho eyo mu maghanga, baliba ng'oti n'empologoma eri kuyiiga ensolo edh'omu nsiko mu kibira, oba eri kuyiiga entaama mu kyayiro. Kiisi y'etuukaku egituumiraku yaagikankanula nga ghazira isuubi lyonalyona lya kuwona.

Amateeka Agokubiri 33:17

Yosefu ali n'amaani ng'oti ga nte nume, n'amayiga ng'oti ga mbogo. Amayiga ago, n'enkumi n'enkumi edh'abalwani Abamanasse, era n'emitwalo n'emitwalo egy'abalwani Abaefuraimu. Amayiga ago aligakozesa okufula amaghanga, yaagasindiikiriza okugatuusa ensi y'ekoma.”