Danieli 8:3 - Baibuli Ekibono kya Katonda 2014

³ Okuja okulinga nti, nga mbona entaama enume eyemereire ku mbali okw'omwiga. Yaliku amayiga abiri nga gombi maleeyi, aye nga erindi ireeyi ku okusingaku liinaalyo. Era eryo eireeyi okusingaku liinaalyo n'eryasembayo okumera.

Danieli 8:3 Iomraidhean Croise

1 Ebyomubyanda 21:16

Daudi yaja okulinga ati, ng'abona malaika wa Musengwa Katonda ayemereire ghagati gh'ensi n'eigulu, ng'asowoire empiima mu kiruutu kyayo yaagigema mu ngalo, era yaagigololera ku Yerusalemu. Agho Daudi n'abakulembeze b'abantu, baakuba amakiryaivu era baakutama n'ebyeni byatuuka ku itaka, nga bavaire ekutiya olw'okunakughala.

Ezera 1:2

“Kyabazinga Kuro ow'e Perusia akoba ati: Musengwa Katonda ow'eigulu, yampa obwakyabazinga bwonabwona obw'oku nsi, era ampaire obuvunaanizibwa okumuzimbira eisinzizo e Yerusalemu ekiri mu Buyudaaya.

Ezera 4:5

Baaguliriranga abafuzi babatabuletabule mu kigendererwa kyaibwe ekyo. Ekyo baakikola ekiseera kyonakyona Kuro kye yamala nga ni kyabazinga w'e Perusia, n'okutuusa mu biseera Daria mwe yabeera kyabazinga w'e Perusia.

Isaia 13:17

Musengwa Katonda akoba ati: “Bona, nja kubaghendulira Abamedi abatafa ku feeza waire okusendebwasendebwa ni zaabu, baidhe babalumbe babalwanise.

Isaia 21:2

Mbonekeirwa akabi akaja okugwagho; mboine anhagulula ng'ali kunhagulula, naabona azikiriza ng'ali kuzikiriza. Iwe eigye ly'omu Elamu, ja olumbe, n'iwe eigye ly'e Media, ja ozingize omuzigu. Katonda aidha kumalagho okudaazibwadaazibwa kwonakwona Babiloni kw'aleeta.

Isaia 44:28

Ninze nkoba Kuro nti, ‘Niiwe omufuzi ye ntairegho otuukirize byonabyona bye nhenda.’ Naalagira Yerusalemu nti, ‘Oidha kuzimbibwa buyaaka,’ era naakoba n'eisinzizo nti, ‘Omusingi gwo gwidha kuteebwagho.’ ”

Yeremia 51:11

Musengwa Katonda asiikwire enzigu mu bakyabazinga ab'e Media, baidhe balumbe Babilonia, kuba ayenda kugizikiriza. Olwo agyesasulizeeku olw'okuzikiriza eisinzizo lye. Agho abaduumizi b'eigye einunuzi, baalagira bati: “Mughagale obusaale bwaimwe! Mugeme engabo dhaimwe!

Danieli 10:5

Naja okulinga nti, nga mbona omusaadha ng'avaire engoye empegheevu, era nga yeesibye mu nkende olusibiro lwa zaabu ow'e Ufazi.

Danieli 2:39

Iwe bw'olivaagho ghalisitukagho obwakyabazinga obundi, aye nga tibwa maani ng'obubwo buno. Era kabiri ghalisitukagho obwakyabazinga obwokusatu obw'ekyuma eky'ekikomo bwafuga ensi yoonayoona.

Danieli 5:31

Dario Omumedi, yaafuuka kyabazinga wa Babilonia ng'agheza emyaka oti nkaaga n'ebiri egy'obukulu.

Danieli 6:28

Kale Danieli oyo ebintu byaba nga bimujiira bukalamu mu biseera Dario Omumedi, ni Kuro Omuperusi, bye baafugiramu.

Danieli 7:5

Kabiri naja okulinga nti nga mbona ekisolo ekyokubiri ekikambwe. Kyali kisitwikeku oluuyi olundi aye ng'olundi luli ku itaka. Era nga kiri n'embavu isatu mukanwa dhe kigemereire n'amaino gaakyo. Baakikoba bati: “Situka olye emamba nhingi.”

Danieli 8:2

Mu kubonekerwa kuno naja okulinga nti, nga mbona ndi mu Susa ekibuga ekyezungulwirwa ebimante ebigumu, ekyali mu kiketezo ky'e Elamu. Nali nga nhemereire ku mbali okw'omwiga Ulai.

Danieli 8:20

“Entaama enume ebaire n'amayiga abiri y'oboine, etegeeza obwakyabazinga bwa Media n'obw'e Perusia.

Zekaria 1:18

Kabiri naafuna okubonekerwa okundi, era okuja okulinga nti nga mbona amayiga ag'ensolo ana.

Zekaria 2:1

Kabiri nafuna okubonekerwa okundi, era okuja okulinga nti nga mbona omuntu ali n'olukoba olupima mu ngalo.

Zekaria 5:1

Kabiri naafuna okubonekerwa okundi, era okuja okulinga nti nga mbona enzingo y'ekitabo, ng'eri kugulukira mu ibbanga.

Zekaria 5:5

Agho malaika eyali ali kwogeranga ninze yaaseeta, yankoba ati: “Linga ere obone ekiri kwidha.”

Zekaria 5:9

Kabiri naja okulinga nti, nga mbona ghaligho abakazi babiri abali kwidha, nga bali kuguluka n'amaghagha ng'oti ga sekanhulya. Baidha baatoolagho ekiibo ekyo baguluka, baaja nakyo.

Zekaria 6:1

Kabiri naafuna okubonekerwa okundi, era okuja okulinga nti nga mbona ebigaali eby'omu lutalo bina biri kuviira ghagati gh'ensozi ibiri. Ensozi edho dhaali nga dha kyuma kya kikomo.

Okubala 24:2

yaabona Abaisiraeli nga basimbye weema dhaibwe, ng'ebika byaibwe bwe biiraganwaku. Agho omwoyo gwa Katonda gwamwidhaku,

Yoshua 5:13

Yoshua bweyali ng'akaali agho okumpi n'e Yeriko, yaja okulinga ati, ng'abona omusaadha ng'amwemereire mu maiso, era ng'agemye empiima. Yoshua yaaja y'ali, yaamubuuza ati: “Oli ku luuyi lwaife oba lwa bazigu baife?”

Okwolekebwa 13:11

Agho naabona ekisolo ekindi nga kikukunuka mu itaka. Kyali n'amayiga abiri ng'oti ga ntaama nto era nga kyogera ng'oti gusota.

Okwolekebwa 5:6

Agho naabona Entaama Ento ng'eyemereire ghagati aghali ekityamo eky'obwakyabazinga, ng'eboneka ng'eyaitibwaku. Ebitonde ebiramu ebina (4) byali bigyezungulwire aghalala n'abakulembeze. Yali n'amayiga musanvu n'amaiso musanvu, nga n'egyo emyoyo omusanvu egya Katonda egitumibwa mu nsi yoonayoona.