Danieli 8:25 - Baibuli Ekibono kya Katonda 2014

²⁵ Alikozesa olugezigezi lwe yaatuukiriza enkwe dh'ayenda okukola. Alyekudumbazanga era yaazinduukirizanga abantu kamaala nga tibeetegeike yaabazikiriza. Alituuka n'okulwanisa Kyabazinga asinga mu bakyabazinga boonaboona. Aye mwene talizikirizibwa na maani ga bantu buntu.

Danieli 8:25 Iomraidhean Croise

Yobu 34:20

Abantu bafa mu kaseera buseera, mu bwire ghagati. Katonda abakuba baabulagho. Ab'amaani batoolebwagho nga ghazira na muntu abagemyeku.

Yeremia 48:26

Musengwa Katonda yaakoba ati: “Mutamiize Moabu, etuuke n'okwegalangula mu biseseme byayo, kuba yandheemera. Olwo efuuke enseko dh'abalamu.

Okulira 4:6

Ekibonerezo abantu bange kye baafuna kinene okusinga ekibonerezo ekyagheebwa Sodoma, Katonda kye yazikiriza mu kaseera akazira ghe kaaga.

Danieli 11:12

Bw'alimala okughangula eigye einene lityo, alyewulira mule nga wa maani, era aliita enkumi n'enkumi edh'abantu. Aye obughanguzi bwe tibulirwagho naire.

Danieli 11:45

Alisimba weema dhe enkologho edh'obwakyabazinga, ghagati gh'enhandha n'olusozi olutukuvu oluliku eisinzizo. Aye ate alituuka okufa nga ghazira n'amuyamba.”

Danieli 7:26

Aye ghalibaagho okutyama mu igulu okumusalira omusango, obufuzi bwe baabumutoolaku era baamuzikiriza okumumaliragho irala.

Danieli 7:8

Nali nkeerolera amayiga ago, okuja okulinga nti nga mbona akayiga akatono nga kali kukukunuka okuva mu ago eikumi. Era kaamala kaighagho amayiga asatu ku ago eikumi agaasookagho. Akayiga ako kaaliku amaiso ng'oti ga muntu, era kaabaaku n'omunwa nga guli kwogera eby'okwesuutasuuta.

Danieli 8:11

Keekudumbaza inho, kaatuuka n'okwesonsa ku Mulangira akulira amagye ag'omu igulu. Kaalekera agho okumugha ebigheebwayo ebyokebwa ebya buli lunaku, kaayonoona n'eisinzizo lye.

Danieli 9:25

Agho ni kimanhe era okitegeere ng'okuva ku kiseera ekiragiro eky'okuzimba Yerusalemu obuyaaka lwe kirigheebwa, okutuuka ku kwidha kw'omukulembeze omulonde wa Katonda, ghaja kubitagho emyaka nsanvu emikuzi musanvu. Olwo ghabeegho emyaka nkaaga n'ebiri emikuzi musanvu, egy'okuzimbiramu Yerusalemu obuyaaka, n'enguudo dhaakyo, n'ekimante ekigumu okukyezunguluza. Aye ekiseera ekyo kiriba kya bizibu.

Ebikolwa by'Abatume 12:23

Mangu ago malaika wa Musengwa yaakuba Herode, kuba Herode tiyagha Katonda kitiisa. Enhengere dhaamulya yaafa.

2 Ab'e Thessalonika 2:3

Ghatabangagho muntu yeenayeena abaguya mu nsambo yoonayoona, kuba olunaku olwo tiruja kutuuka okutuusa ng'okudheema okusembayo kumaze okutuuka, n'omuntu Omubi Isaababi ow'okuzikirira ng'amaze okweyoleka.

2 Ab'e Thessalonika 2:8

Olwo ni ng'Omubi Isaababi oyo yeeyoleka. Aye Musengwa Yesu lw'aliidha aja kumwita n'omuuka gwe ogw'omu kanwa, era aja kumuzikiriza n'okumesunkana okw'okwidha kwe.

Okwolekebwa 17:14

Balirwanisa Entaama Ento aye eribaghangula ng'eri ghalala n'abo abaginonereza be yayeta, be yalondamu era abeesigwa; kuba Entaama Ento eyo ni Musengwa w'abasengwa era ni Kyabazinga wa bakyabazinga.”

Okwolekebwa 19:16

Ku kivaalo kye ni ku kiteege kye nga kughandiikiibwaku eriina liti: “Kyabazinga wa bakyabazinga era Musengwa w'abasengwa.”