Danieli 8:23 - Baibuli Ekibono kya Katonda 2014

²³ “Enkomerero y'obwakyabazinga obwo bw'eriba ng'eri kumpi okutuuka, era nga n'abantu babitiriiza inho okukola ebibi, ghaliidhagho kyabazinga amoga obukambwe era omukuyikuyi einho.

Danieli 8:23 Iomraidhean Croise

Amainhama 15:16

Mu nsi eyo balibaayo ghaabitagho ense ina memale baira ghano, kuba tija kubingagho Bamori okutuusa nga beeyongeire okuba ababi einho okugwanira okubonerezebwa.”

Ensambo 1:6

Olwo omuntu yaategeera amakulu ag'omunda einho agali mu nsambo, n'amagezi agali mu bikoiko.

Ezekieli 38:16

Olirumba abantu bange Abaisiraeli waababuutikira ng'oti kire kighembye ku nsi. Mu biseera ebyo eby'oluvainhuma ndikuleetera okulumba ensi yange, amaghanga gasobole okuumanha nze. Bye ndikolera mu iwe, biryoleka amaghanga ago nga bwendi omutukuvu.

Ezekieli 38:8

Nga ghabiseeghooku ekiseera kinene, mu biseera eby'oluvainhuma ndikulagira okulumba ensi Isiraeli, olutalo ye lwagoya einho ni lugireka agho etyo ng'eri bifulukwa byereere omutaba bantu okumala entangama. Abantu baamu baali basansaine aye mpegaano baira nga bava mu maghanga kamaala, baaba ku nsozi dh'ensi yaibwe eyo nga bali mu miraala.

Danieli 10:14

Ndidhie okukuyamba otegeere ebirituuka ku bantu bo ye bwidha kuba bye wabona mu kubonekerwa, byakubaagho mu biseera eby'oluvainhuma.”

Danieli 11:21

Agho malaika yaayongera okwinhonhola ati: “Kyabazinga wa Siria aliiragho mu kifo ky'oyo, aliba muntu anhoomebwa era atagwanira kuba kyabazinga naire. Alirebereza abantu, yaabalimbalimba, yaabaikirizisa nga tibaidhi, baaja okweidhuukiriza ng'afuuse kyabazinga.

Danieli 11:24

Alirumba abantu b'omu biketezo ebisingamu kuba na bukombe, nga tibeetegeike naire. Era alikola ebintu ba ise ni badhaadha be bye bataakola. Yaagabania mu bantu be abamwikiririzaamu, omunhago ogw'ebintu n'ogw'abantu gw'alinhaga mu ntalo. Alikola entegeka okulumba ebifo eby'okwewogomamu, aye ekiseera kye kiriwaaku mangu.

Danieli 7:11

Bwe nali nga nkaalingiriire, naawulira ng'akayiga kali kwogera eby'okwesuutasuuta. Naja okubona ng'ekisolo ekyokuna bakiise, omulambo gwakyo gwagheebwayo okwokebwa omuliro.

Danieli 7:20

Era naayenda okumanha ebigema ku mayiga eikumi agaali ku mutwe gwakyo. Mmanhe n'ebigema ku iyiga lire erindi eryamera, ni ligwisa ghansi amayiga asatu ku ago eikumi. Eiyiga eryo lyaliku amaiso, era lyabaaku n'omunwa nga guli kwogera eby'okwesuutasuuta. Era eiyiga eryo nga libonekera okuba eigumu okusinga gale agandi.

Danieli 7:25

Alyogera bubi ku oyo Ali Ghaigulu Yeene, era yaadaazadaaza abatukuvu b'oyo Ali Ghaigulu Yeene. Aligezaaku okukyusa ebibinuko ebyabalagirwa n'amateeka agaabagheebwa. Era abantu ba Katonda abo baliba mu buyinza bwe okumala emyaka esatu n'ekitundu.

Danieli 7:8

Nali nkeerolera amayiga ago, okuja okulinga nti nga mbona akayiga akatono nga kali kukukunuka okuva mu ago eikumi. Era kaamala kaighagho amayiga asatu ku ago eikumi agaasookagho. Akayiga ako kaaliku amaiso ng'oti ga muntu, era kaabaaku n'omunwa nga guli kwogera eby'okwesuutasuuta.

Danieli 8:22

Amayiga ana agaameze mu kifo kya lire eirala eryamenheike, gategeeza obwakyabazinga obuna obuliidhagho nga bule obwa Bugureki bugabaniziibwamu. Aye obwakyabazinga obwo obuna tibuliba bwa maani ng'oti ni bule obwasooka.

Danieli 8:24

Aliba wa buyinza inho, aye ng'obuyinza obwo ti bubwe ku bubwe. Alireetagho okuzikirira okutiisa einho era byonabyona by'alikola birimujiira bukalamu. Alizikiriza abantu ab'amaani, n'abantu ba Katonda abatukuvu.

Danieli 8:25

Alikozesa olugezigezi lwe yaatuukiriza enkwe dh'ayenda okukola. Alyekudumbazanga era yaazinduukirizanga abantu kamaala nga tibeetegeike yaabazikiriza. Alituuka n'okulwanisa Kyabazinga asinga mu bakyabazinga boonaboona. Aye mwene talizikirizibwa na maani ga bantu buntu.

Okubala 24:24

Abalwani baliidhira mu maato okuva e Kittimu, baalumba Abasshuri n'Abaeberi, aye era boona balizikirizibwa.”

Matayo 23:32

Kale ni mumalirize badhaadha baimwe kye batoolera.

Amateeka Agokubiri 28:50

Balimoga bukambwe bwereere, nga tibafa ku bakaire, waire okusaasira abaana abato.

1 Ab'e Thessalonika 2:16

nga batwekiika emberi tulobe kukobera abamaghanga agandi ebibono eby'okubalokola. Ekyo buliidho kyaidhuuliriza ebibi bye bakola. Aye ekiviire mu ebyo ni Katonda okubamaliraku ekiruyi kye.

1 Timotheo 4:1

Mwoyo akoba busimbalaala ati mu biseera ebija okwiririra abantu abandi baliva ku ndhikiriza ey'Ekikurisito, baajiira ku by'emizimu egiguya n'ebyo emizimu emibi bye gyegeresa.

Okwolekebwa 19:20

Ekisolo kyagemebwa ghalala n'omulanzi omuguya eyakola ebyewuunhio mu maiso gaakyo. Ebyewuunhio ebyo bye yakozesa okuguya abo abaaganha okuteebwaku akamanhiso k'ekisolo era n'okusinza ekifaananie kyakyo. Ekisolo ekyo ghalala n'omulanzi omuguya, bombi baasuulibwa mu nhandha ey'omuliro n'obunhota bwa salufa nga balamu.