Danieli 8:2 - Baibuli Ekibono kya Katonda 2014

² Mu kubonekerwa kuno naja okulinga nti, nga mbona ndi mu Susa ekibuga ekyezungulwirwa ebimante ebigumu, ekyali mu kiketezo ky'e Elamu. Nali nga nhemereire ku mbali okw'omwiga Ulai.

Danieli 8:2 Iomraidhean Croise

Amainhama 10:22

bano: Elamu, Assihuri, Aripakishadi, Ludi ni Aramu.

Amainhama 14:1

Bakyabazinga bano: Amurafeli ow'e Shinari, Arioki ow'Ellasari, Kedorilaomeri ow'Elamu, ni Tidali ow'e Goiimu

Nehemia 1:1

Bino n'ebibono bya Nehemia mutabane wa Hakalia: Mu mwezi ogwetebwa Kisilevu, mu mwaka ogwamakumi abiri (20) ogwa kyabazinga Arutazerizesi nga n'afuga Perusia, nali ndi e Susa mu kibuga ekikulu eky'ensi eyo Perusia.

Isaia 11:11

Olunaku olwo bwe lulituuka, Musengwa Katonda aliiramu okukozesa obuyinza bwe, yaiza abantu be abaliba bawoniegho, yaabatoola mu Assiria, ni mu Misiri, ni mu Pathirosi, ni mu Ethiopia, ni mu Elamu, ni mu Shinari, ni mu Hamathi, ni mu biketezo eby'oku nhandha.

Isaia 21:2

Mbonekeirwa akabi akaja okugwagho; mboine anhagulula ng'ali kunhagulula, naabona azikiriza ng'ali kuzikiriza. Iwe eigye ly'omu Elamu, ja olumbe, n'iwe eigye ly'e Media, ja ozingize omuzigu. Katonda aidha kumalagho okudaazibwadaazibwa kwonakwona Babiloni kw'aleeta.

Yeremia 25:25

bakyabazinga boonaboona ab'e Zimuri, n'e Elamu, n'e Media

Ezekieli 1:1

Ku lunaku olwokutaanu mu mwezi ogwokuna, mu mwaka ogwamakumi asatu (30), nze Ezekieli kabona mutabane wa Buzi, mu biseera ebyo nali mba ghalala ni banhage banange agho kumpi n'omwiga ogwetebwa Kebari mu Babilonia. Agho eigulu lyaghembuka era naabonekerwa Katonda.

Ezekieli 32:24

“Ensi Elamu eri eyo, n'abaisirukale baayo boonaboona bali eyo mu magombe gaibwe okugyezunguluza. Boonaboona baitirwa mu lutalo, baika ghansi mu nsi ey'abafu nga ti bakekete. Buti bali eyo mu kuswala kwaibwe ghalala n'abo abaika eyo ghansi mu lwina. Ate nga bwe baali bakaali balamu baaleeteranga abantu okutya einho mu nsi.

Danieli 10:4

Ku lunaku olwabiri n'eina olw'omwezi ogusooka mu mwaka, nali nhemereire ku mbali okw'omwiga omukologho Tiguri.

Danieli 7:15

Nze Danieli neeraliikirira era naatya olw'okubonekerwa okwo.

Danieli 7:2

Yakoba ati: Mu kubonekerwa kwange kwe nafuna obwire, naja okulinga nti nga mbona empewo ng'eri kuva ghaigulu ku ndhuyi dhoonadhoona, yaasiikuula enhandha enkologho.

Danieli 8:1

Mu mwaka ogwokusatu ogw'obufuzi bwa kyabazinga Beleshazzari, nze Danieli nafuna okubonekerwa okwairirira kule okwasooka.

Danieli 8:3

Okuja okulinga nti, nga mbona entaama enume eyemereire ku mbali okw'omwiga. Yaliku amayiga abiri nga gombi maleeyi, aye nga erindi ireeyi ku okusingaku liinaalyo. Era eryo eireeyi okusingaku liinaalyo n'eryasembayo okumera.

Okubala 12:6

Yaakoba ati: “Muwulire kye nkoba, bweghabaagho omulanzi mu imwe, nze Musengwa Katonda mwene mmweyoleka mu kubonekerwa, era naayogera naye mu kirooto.

Abaheburayi 1:1

Eira Katonda yayogeranga ni badhaadha baife emikuzi kamaala era mu nsambo kamaala ng'abita mu balanzi.

Okwolekebwa 9:17

Era nti bwe nabona embalaasi mu kubonekerwa kwange: abavuzi baadho baali bavaire ebivaalo eby'omu bifuba eby'ekyuma ebyali ebimyufu ng'oti muliro, ebya bbululu ng'oti ibaale lya saffiro, n'ebya kyenvu ng'oti bunhota bwa salufa. Emitwe gy'embalaasi edho gyali ng'oti gya mpologoma, mu kanwa mwadho nga muvaamu omuliro, n'omwosi, n'obunhota bwa salufa