Danieli 8:19 - Baibuli Ekibono kya Katonda 2014

¹⁹ Yankoba ati: “Bona, nja kukwoleka ebiribaagho Katonda ng'asungughaire. Okubonekerwa okwo kw'oboine kugema ku biseera ebyategekebwa okuba eby'enkomerero y'ensi.

Danieli 8:19 Iomraidhean Croise

Zabbuli 102:13

Olisitukiramu, waidha waagemerwa Sioni ekivunika; ekiseera kituuse eky'okulinga ku Sioni n'ekisa; eno n'esaawa entuufu.

Danieli 11:27

Mu birowoozo bya bakyabazinga abo bombi, mulibaamu kintu kirala kya kukolaganaku bulabe kyonka. Buli muntu aliguya mwine, ate nga batyaime ku kiiwulo kirala. Aye bye benda tibalibifuna, kuba ekiseera Katonda kye yategeka okubituukirizaamu kiriba kikaali.

Danieli 12:4

Agho yankoba ati: “Mperaano ni, iwe Danieli, wumbaku ekitabo ekyo okisibeku n'akamanhiso, okutuusa ku kiseera eky'enkomerero. Abantu kamaala balizungira eno n'ere nga benda okwongera ku bumanhi bwaibwe.”

Danieli 8:23

“Enkomerero y'obwakyabazinga obwo bw'eriba ng'eri kumpi okutuuka, era nga n'abantu babitiriiza inho okukola ebibi, ghaliidhagho kyabazinga amoga obukambwe era omukuyikuyi einho.

Habakkuku 2:3

Bighandiike kuba ekiseera kyabyo eky'okutuukirizibwa kikaali. Aye nga kiri kwidha mangu, era bye ndi kukwoleka biri n'okubaagho. Ni bwebiboneka okuba ng'oti biidha mpola, era biteegerere. Tibiriroba kubaagho, era biryangughaku.

Luka 21:23

Nga bakagwireku abaliba enda, n'abaliba bonsa mu nnaku edho kuba okudaagadaaga okw'amaani kuja kuba ku nsi eno n'obusungu bwa Katonda bwike ku bantu bano.

Okwolekebwa 1:1

Bino n'ebintu Yesu Kurisito bye yayoleka abagheereza be. Ebintu bino nga biri n'okubaagho amangu. Kurisito yatuma malaika we yaabimanhisa omugheereza we Yoanne.

Okwolekebwa 10:7

Aye mu nnaku edho malaika owomusanvu mw'alifuuyira eigwala lye, olwo Katonda alituukiriza ekyama kye nga bwe yakobera abagheereza be abalanzi.”

Okwolekebwa 11:18

Abantu abataikiriza baidhula inho, aye obusungu obubwo bwaidha, ekiseera kyatuuka eky'okusalira abafu omusango, n'eky'okugheeramu empeera abagheereza bo abalanzi, n'abatuukirivu, n'abantu bo boonaboona abakutya, abakulu n'abato; era ekiseera eky'okuzikiririzaamu abo abazikiriza ensi.”

Okwolekebwa 15:1

Kabiri naabona ekirikoliko ekindi mu igulu, nga kikologho era nga kyewuunhisa. Ghaaligho bamalaika musanvu nga bali n'ebibamba musanvu nga n'ebisembayo, kuba ng'ebyo n'ebimaliriza obusungu bwa Katonda.

Okwolekebwa 17:17

kuba Katonda yabaleetera mu myoyo gyaibwe, okukola kye yategeka nga baisa kirala, baagha ekisolo obukumu bwaibwe n'okufuga kwaibwe, okutuusa ebibono bya Katonda lwe birituukirira.