Danieli 8:11 - Baibuli Ekibono kya Katonda 2014

¹¹ Keekudumbaza inho, kaatuuka n'okwesonsa ku Mulangira akulira amagye ag'omu igulu. Kaalekera agho okumugha ebigheebwayo ebyokebwa ebya buli lunaku, kaayonoona n'eisinzizo lye.

Danieli 8:11 Iomraidhean Croise

Isaia 37:23

Olowooza oti naani y'ovumye era y'onhoomye? Naani y'okaabukiire era y'oziimwire? Ninze Omutukuvu wa Isiraeli!

Isaia 37:29

Mmaze okuwulira nga bw'oneedundeekezaaku, era nga bw'oneekuluntalizaaku. Mpegaano nja kukutunga eirobo lyange mu nhindo yo, nkusibe n'olukoba lwange mu kanwa mwo, nkwiririzeeyo mu ngira yeene ye wabitamu ng'oidha.’ ”

Yeremia 48:26

Musengwa Katonda yaakoba ati: “Mutamiize Moabu, etuuke n'okwegalangula mu biseseme byayo, kuba yandheemera. Olwo efuuke enseko dh'abalamu.

Yeremia 48:42

Moabu baligizikiriza, yaalekera agho okuba eighanga, olw'okuba yandheemera.

Ezekieli 46:14

Okwo mwidha kuleeterangaku buli lunaku, kilo ibiri edh'obuwunga ni lita ndala ey'omuzigo ogw'ebibala eby'emiti emyoliva ogw'okutabula mu buwunga obwo ekyo kibe ekigheebwayo eky'emere ey'empeke. Eiteeka erigema ku kigheebwayo kino liidha kubangagho byanda na byanda.

Danieli 11:22

Alyeyaagho yaazikiriza kiisi muntu yeenayeena aligezaaku okumulwanisa, ni bw'aliba Omukulu wa Bakabona ba Katonda.

Danieli 11:31

Abaisirukale be balija baayonoona eisinzizo n'ebifo byalyo eby'okwewogomamu, baalireetera okuba nga ti irongoofu. Balirekeza abantu okughaayo ebigheebwayo ebyokebwa ebya buli lunaku, baataagho Ekyenhinhalwa Ekizikiriza.

Danieli 12:11

“Okuva abantu lwe balirekera okughaayo ebigheebwayo ebyokebwa ebya buli lunaku, ng'Ekyenhinhalwa Ekizikiriza kimaze okuteebwagho, ghalibaagho enaku lukumi na bibiri na kyenda (1,290).

Danieli 5:23

Weekuluntaliiza ku Musengwa ow'eigulu. Waalagira baaleeta ebikopo ebyatoolebwa mu isinzizo lye, olwo iwe mwene n'abakungu bo, ni bakazi bo ab'omu ndhu n'ab'embali, mwabinhweramu omwenge ogw'emizabbibu. Era mwasaaka ebisinzibwa ebitali Katonda, ebitabona, waire okuwulira, oba okutegeera, bye baakola obw'omu zaabu, ni mu feeza, ni mu kyuma eky'ekikomo, ni mu kyuma ekigumu einho, ni mu miti, ni mu mabaale. Aye mwaloba kuta kitiisa mu Katonda oyo agemereire obulamu bwaimwe era abalabirira mu buli nsambo.

Danieli 7:25

Alyogera bubi ku oyo Ali Ghaigulu Yeene, era yaadaazadaaza abatukuvu b'oyo Ali Ghaigulu Yeene. Aligezaaku okukyusa ebibinuko ebyabalagirwa n'amateeka agaabagheebwa. Era abantu ba Katonda abo baliba mu buyinza bwe okumala emyaka esatu n'ekitundu.

Danieli 8:12

Kaatoolagho ensinza entuufu, kaataagho ensinza etakania okughaayo ebigheebwayo ebyokebwa ebya buli lunaku. Olwo kaakolanga buli kye kaayendanga, era ebintu byakajiiranga bukalamu.

Danieli 8:24

Aliba wa buyinza inho, aye ng'obuyinza obwo ti bubwe ku bubwe. Alireetagho okuzikirira okutiisa einho era byonabyona by'alikola birimujiira bukalamu. Alizikiriza abantu ab'amaani, n'abantu ba Katonda abatukuvu.

Danieli 8:25

Alikozesa olugezigezi lwe yaatuukiriza enkwe dh'ayenda okukola. Alyekudumbazanga era yaazinduukirizanga abantu kamaala nga tibeetegeike yaabazikiriza. Alituuka n'okulwanisa Kyabazinga asinga mu bakyabazinga boonaboona. Aye mwene talizikirizibwa na maani ga bantu buntu.

Danieli 9:25

Agho ni kimanhe era okitegeere ng'okuva ku kiseera ekiragiro eky'okuzimba Yerusalemu obuyaaka lwe kirigheebwa, okutuuka ku kwidha kw'omukulembeze omulonde wa Katonda, ghaja kubitagho emyaka nsanvu emikuzi musanvu. Olwo ghabeegho emyaka nkaaga n'ebiri emikuzi musanvu, egy'okuzimbiramu Yerusalemu obuyaaka, n'enguudo dhaakyo, n'ekimante ekigumu okukyezunguluza. Aye ekiseera ekyo kiriba kya bizibu.

Okubala 28:3

Era bakobe oti, kino n'ekigheebwayo ekyokebwa kye munaaghangayo ye Musengwa: entaama enume ibiri edh'omwaka omulala omulala edhiziraku kikyamu kyonakyona dhibenga ekigheebwayo ekya buli lunaku.

Luka 21:24

Abandi balibaita n'empiima, abandi balitwalibwa mu maghanga goonagoona nga banhage, era Yerusalemu kiriniinirirwa abamaghanga agandi okutuusa enaku edh'abamaghanga agandi lwe dhiriwaaku.

2 Ab'e Thessalonika 2:4

Oyo n'atakania era ni yeegungumaza okusinga kiisi kyetebwa katonda, oba ekintu kyonakyona ekisinzibwa. Aja ni mu isinzizo lya Katonda yeetyebeka omwo nga yeeyeta mwene okuba Katonda.

Abaheburayi 2:10

Kuba kyali kituufu Katonda eyatonda ebintu byonabyona era n'abibeesaagho, okuleeta abaana be kamaala mu kitiisa. Kye yava n'abona nga kigwaine oyo abakulembera okubatuusa ku bulokozi okumufuula atuukiriire, ng'amubisa mu kudaazibwadaazibwa.

Okwolekebwa 17:14

Balirwanisa Entaama Ento aye eribaghangula ng'eri ghalala n'abo abaginonereza be yayeta, be yalondamu era abeesigwa; kuba Entaama Ento eyo ni Musengwa w'abasengwa era ni Kyabazinga wa bakyabazinga.”