Danieli 7:6 - Baibuli Ekibono kya Katonda 2014

⁶ Nali nkaalingirira ekyo, okuja okubona ng'eri kuvaayo ekisolo ekindi ekifaanana ng'oti mpala. Kyali n'amaghagha ana agali ng'oti ga nhonhi ku mugongo gwakyo, era nga kiri n'emitwe ena. Ekisolo ekyo baakigha obuyinza okufuga.

Danieli 7:6 Iomraidhean Croise

Ezekieli 17:3

bamanhe nga nze Musengwa Katonda ndi kukoba nti: Ghaaligho enkookooma enene, ng'eri n'amaghagha amanene era amaleeyi. Era yali ng'eriku amooya ag'erangi kamaala. Enkookooma eyo yaaguluka yaaja ku nsozi edh'e Lebanoni, ku muti omuvule ghaigulu ku busanso bw'ensaga dhaagwo.

Danieli 10:20

Yambuuza ati: “Oidhi lwaki ndidhie y'oli? Mperaano ndidha kwirayo okulwanisa malaika omukuumi w'obwakyabazinga bw'e Perusia. Bwendimala okumughangula, olwo malaika omukuumi w'ensi Bugureki aliidha.

Danieli 2:39

Iwe bw'olivaagho ghalisitukagho obwakyabazinga obundi, aye nga tibwa maani ng'obubwo buno. Era kabiri ghalisitukagho obwakyabazinga obwokusatu obw'ekyuma eky'ekikomo bwafuga ensi yoonayoona.

Danieli 7:4

Ekyasooka nga kiri ng'oti mpologoma, aye nga kiri n'amaghagha ng'oti ga nkookooma. Bwe nali nga nkaalingiriire, baakimaanhuulaku amaghagha. Baamala baakisitusa, baakyemereza ku magulu abiri ng'oti muntu, era baakigha okulowooza ng'oti kwa muntu.

Danieli 7:5

Kabiri naja okulinga nti nga mbona ekisolo ekyokubiri ekikambwe. Kyali kisitwikeku oluuyi olundi aye ng'olundi luli ku itaka. Era nga kiri n'embavu isatu mukanwa dhe kigemereire n'amaino gaakyo. Baakikoba bati: “Situka olye emamba nhingi.”

Hosea 13:7

Kale ndibalumba ng'oti mpologoma, era naabwama ku mbali kw'engira ng'oti mpala, naabeeteega.

Okwolekebwa 13:2

Ekisolo ekyo kye nabona kyali kiboneka ng'oti mpala. Ebigere byakyo nga biri ng'oti n'eby'ekisolo ekikambwe, ate omunwa gwakyo nga guli ng'oti gwa mpologoma. Ogusota gwagha ekisolo ekyo amaani gaagwo, n'ekityamo kyagwo ky'obwakyabazinga, n'obuyinza bungi.