Danieli 7:21 - Baibuli Ekibono kya Katonda 2014

²¹ Nali nkeerolera eiyiga eryo, lyatanula olutalo ku batukuvu ba Katonda era lyabaghangula.

Danieli 7:21 Iomraidhean Croise

Danieli 11:31

Abaisirukale be balija baayonoona eisinzizo n'ebifo byalyo eby'okwewogomamu, baalireetera okuba nga ti irongoofu. Balirekeza abantu okughaayo ebigheebwayo ebyokebwa ebya buli lunaku, baataagho Ekyenhinhalwa Ekizikiriza.

Danieli 12:7

Agho Malaika oyo eyali avaire ebivaalo ebighegheevu era eyali ere omwiga ye gwali guli kuviira, yaagololera emikono gye gyombi y'eigulu. Era naamuwulira ng'ali kulayira Katonda omulamu ebyanda n'ebyanda, ng'akoba ati: “Giriba emyaka esatu n'ekitundu. Abazigu bwebalikiriga abantu ba Katonda okutuusa okubamala amaani, ebintu ebyo byonabyona birituukirizibwa.”

Danieli 7:20

Era naayenda okumanha ebigema ku mayiga eikumi agaali ku mutwe gwakyo. Mmanhe n'ebigema ku iyiga lire erindi eryamera, ni ligwisa ghansi amayiga asatu ku ago eikumi. Eiyiga eryo lyaliku amaiso, era lyabaaku n'omunwa nga guli kwogera eby'okwesuutasuuta. Era eiyiga eryo nga libonekera okuba eigumu okusinga gale agandi.

Danieli 8:12

Kaatoolagho ensinza entuufu, kaataagho ensinza etakania okughaayo ebigheebwayo ebyokebwa ebya buli lunaku. Olwo kaakolanga buli kye kaayendanga, era ebintu byakajiiranga bukalamu.

Danieli 8:24

Aliba wa buyinza inho, aye ng'obuyinza obwo ti bubwe ku bubwe. Alireetagho okuzikirira okutiisa einho era byonabyona by'alikola birimujiira bukalamu. Alizikiriza abantu ab'amaani, n'abantu ba Katonda abatukuvu.

Danieli 8:9

Ghaabaagho akayiga akatono akaakukunuka okuva mu lindi ku mayiga ago ana, kaakula kaaba ka maani inho era obuyinza bwako bwamaamira mu buvandhuba, ni ku luuyi olw'omukono omusaadha olw'e buvandhuba, ni ku luuyi olw'ensi ey'ekitiisa.

Okwolekebwa 17:14

Balirwanisa Entaama Ento aye eribaghangula ng'eri ghalala n'abo abaginonereza be yayeta, be yalondamu era abeesigwa; kuba Entaama Ento eyo ni Musengwa w'abasengwa era ni Kyabazinga wa bakyabazinga.”

Okwolekebwa 17:6

Naabona ng'omukazi atamiire omusaayi gw'abatuukirivu, n'ogw'abo abaitibwa olw'okudhulira Yesu. Bwe namubona, neewuunhia inho!

Okwolekebwa 19:19

Agho naabona ekisolo ni bakyabazinga ab'oku nsi n'amagye gaibwe, nga bakungaine okulwanisa oyo atyaime ku mbalaasi n'eigye lye.