Danieli 7:2 - Baibuli Ekibono kya Katonda 2014

² Yakoba ati: Mu kubonekerwa kwange kwe nafuna obwire, naja okulinga nti nga mbona empewo ng'eri kuva ghaigulu ku ndhuyi dhoonadhoona, yaasiikuula enhandha enkologho.

Danieli 7:2 Iomraidhean Croise

Isaia 17:12

Ha, wulira abantu abangi nga bwe bali kuwolomboka! Bali kuwolomboka ng'oti nhandha! Ha, wulira empiriito y'amaghanga! Gali kuyoolooka ng'oti n'enhandha eri kwefuukuula!

Yeremia 49:36

Ndireeta kiwunga yaakunta mu nsi Elamu ng'ava ku ndhuyi dhoonadhoona. Olwo naasansaaniza abantu baayo ku ndhuyi dhoonadhoona, okutuusa nga mu buli nsi mulimu abalumukiireyo.

Yeremia 51:42

Enhandha etaalaaliire ku kibuga Babiloni, yaakimira n'amaadhi gaayo agawolomboka nga geefuukuula.

Danieli 11:4

Aye oyo bw'alimala okwenhweza mu buyinza, obwakyabazinga bwe balibumenhagho era baabwawulamu mu ndhuyi eina edhiri ghansi gh'eigulu. Tibalibugha ba izaire lye, waire okubufuga n'obuyinza nga bwe yali nabwo; kuba obwakyabazinga bwe balibusalasalamu bwatwalibwa abantu abandi abatali ba izaire lye.

Danieli 2:19

Obwire obwo Katonda yaayoleka Danieli ekyama ekyo mu kubonekerwa. Era Danieli oyo yaasaaka Katonda ow'eigulu,

Danieli 7:13

Mu kubonekerwa okw'omu bwire obwo, naja okulinga nti nga mbona afaanana ng'oti mwana wa muntu, ng'ali kwidhira mu bire. Era yaaja y'Oyo eyaligho okuva eira n'eira, baamwandhulayo.

Danieli 7:7

Ebyo nga biwoire, kabiri naja okulinga nti nga mbona ekisolo ekyokuna, nga kitiisa inho kyagemya n'entete, era nga kiri n'amaani amabitirivu. Kyali n'amaino amakologho nga ga kyuma ekigumu einho. Nga kikaavuula bye kyagaaniriiza, kyabimenhamenha, era kyatyankirira ebifiiseegho n'ebigere byakyo. Kyali nga kyawukana inho ku bisolo bire ebisatu ebyasooka, nga kiri n'amayiga ikumi.

Danieli 8:2

Mu kubonekerwa kuno naja okulinga nti, nga mbona ndi mu Susa ekibuga ekyezungulwirwa ebimante ebigumu, ekyali mu kiketezo ky'e Elamu. Nali nga nhemereire ku mbali okw'omwiga Ulai.

Danieli 8:8

Embuzi enume eyo yeeyongera okwekudumbaza ekibitiriire. Aye bwe yali ekeeragalaga nga bw'eri n'amaani amangi, eiyiga lyayo eikologho lyamenheka. Mu kifo kyalyo ghaakukunukagho amayiga agandi agaboneekerera ana, nga gasonse mu ibbanga ku ndhuyi eina edh'ensi.

Zekaria 6:5

Yandhiramu ati: “Ebyo biri kuja ku ndhuyi eina edhiri ghansi gh'eigulu, era byakamala okuva ghale mu maiso ga Musengwa Katonda ow'ensi yoonayoona.”

Matayo 24:31

Eigwala ery'amaani bwe lirifuuwa, alituma bamalaika be baasoloza abalonde be okuva mu mpewo eina, okuva eigulu ye liva okutuusa ye likoma.

Okwolekebwa 17:15

Malaika era yankoba ati: “Amaadhi g'oboine malaaya g'atyaimeku, n'abo enkunkumuli edh'abantu, aba kiisi kika, kiisi lulimi, na kiisi ighanga.

Okwolekebwa 7:1

Ebyo bwe byawa, naabona bamalaika bana, nga beemereire ku nsonda eina edh'ensi, nga bagemereire empewo eina edh'ensi dhirobe kufuuwa ku nsi, ni ku nhandha, waire ku muti gwonagwona.