Danieli 7:13 - Baibuli Ekibono kya Katonda 2014

¹³ Mu kubonekerwa okw'omu bwire obwo, naja okulinga nti nga mbona afaanana ng'oti mwana wa muntu, ng'ali kwidhira mu bire. Era yaaja y'Oyo eyaligho okuva eira n'eira, baamwandhulayo.

Danieli 7:13 Iomraidhean Croise

Zabbuli 110:2

Musengwa Katonda era abunisa obufuzi bwo woonawoona ng'aviira mu Sioni. Fuga abazigu bo abakwezungulwire.

Zabbuli 2:8

Bw'onsaba eky'okufuga amaghanga goonagoona ndidha kukikugha, era nkughe ensi yoonayoona ebe yiyo.

Zabbuli 47:5

Katonda ajiire ghaigulu, abantu baakuba emizira era baafuuwa endeka.

Yeremia 49:19

Ng'empologoma bw'evaayo mu kibira ekizibirivu ekiri ku mbali kw'omwiga Yorudani n'eja n'erumba ebyayiro by'ensolo ebirungi, zeena ntyo bwendiidha okuzindula Abaedomu, balumuke bave mu nsi yaibwe. Olwo omuntu ye ndirondagho n'alifuga eighanga eryo. Naani asobola okwegeza ku nze? Naani asobola okuneesonsaaku? Era mufuzi ki asobola okuntakania?

Ezekieli 1:26

Ghaigulu agh'emitwe egy'ebitonde ebiramu ebyo, mu ibbanga eryali ghaigulu ku ngulu, ghaaligho ekyaboneka ng'oti kityamo kya bwakyabazinga, nga kifaanana ng'oti n'eibaale ery'omughendo eryetebwa saffiro. Ku kityamo ekyo ekyaboneka ng'oti kya bwakyabazinga kwali kutyaimeku eyaboneka ng'oti muntu.

Danieli 2:44

Mu biseera eby'abafuzi abo, Katonda ow'eigulu alitaagho obwakyabazinga nga ghazira kisobola kubuzikiriza, era ng'ezira ighanga lisobola kubaghangula. Aye bulimaniangula obwakyabazinga obundi bwonabwona bwabusaaniagho, bwene bwabaagho ebyanda n'ebyanda.

Danieli 7:12

Ebisolo bire ebindi baabitoolaku obukumu bwabyo obw'okufuga, aye baabireka byasigala nga bikaali biramu okumala ekiseera ekigere.

Danieli 7:2

Yakoba ati: Mu kubonekerwa kwange kwe nafuna obwire, naja okulinga nti nga mbona empewo ng'eri kuva ghaigulu ku ndhuyi dhoonadhoona, yaasiikuula enhandha enkologho.

Danieli 7:22

Agho Oyo eyaligho okuva eira n'eira yaidha, yaasala omusango, era abatukuvu b'oyo Ali Ghaigulu Yeene baagusinga. Era ekiseera kyamala kyatuuka abatukuvu abo baagheebwa obwakyabazinga.

Danieli 7:9

Nali nkaalingirira ebyo, baataagho ebityamo eby'obwakyabazinga. Oyo eyaligho okuva eira n'eira yaatyama ku kindi ku bityamo ebyo. Ebivaalo bye byali byeru ng'oti mugozi, n'enviiri dhe dhaaba ndheru ng'oti buviiri bwa ntaama. Ekityamo kye ekyo nga kiriku enkede edhivaaku omuliro, n'ekityamo kyene kyavaaku enimi edh'omuliro.

Danieli 8:15

Nze Danieli, bwe namala okubona ebyali mu kubonekerwa okwo, naagezaaku okutegeera amakulu gaabyo. Naja okulinga nti nga mbona agho emberi wange ekyemereire ng'oti muntu.

Matayo 13:41

Omwana w'Omuntu alituma bamalaika be baasunsula mu Bwakyabazinga bwe ebyo byonabyona ebireetera abantu okwonoona, era n'abakola ebibi

Matayo 24:30

Agho akamanhiso ak'Omwana w'Omuntu kaliboneka mu igulu era abantu boonaboona ab'oku nsi balikuba empungu, nga babona Omwana w'Omuntu aidhira mu bire eby'omu igulu n'amaani, n'ekitiisa ekinene.

Matayo 25:31

“Omwana w'Omuntu bw'aliidha mu kitiisa kye eky'Obwakyabazinga ng'ali ni bamalaika boonaboona, alityama ku kityamo kye eky'ekitiisa.

Matayo 26:64

Yesu yaamukoba ati: “Niiwe okyogeire. Aye ka mbakobere: okuva ni buti, mwidha kubona Omwana w'Omuntu ng'atyaime ku luuyi olw'omukono omusaadha ogw'ow'obukumu, era ng'aidhira mu bire eby'eigulu.”

Matayo 28:18

Yesu yaaseeta yaayogera nabo ati: “Nagheebwa obuyinza bwonabwona mu igulu ni mu nsi.

Matayo 8:20

Yesu yaamukoba ati: “Ebibe biri n'ebiina, n'enhonhi edh'omu ibbanga dhiri n'ebisu, aye Omwana ow'Omuntu azira gh'aisa mutwe.”

Mariko 13:26

ng'olwo ni babona Omwana ow'Omuntu ng'aidhira mu bire n'amaani amangi n'ekitiisa.

Luka 21:27

Agho ng'abantu babona Omwana ow'Omuntu ng'aidhira mu kire n'amaani n'ekitiisa ekingi.

Luka 21:36

Mulingirire inho ebirigho era musabe, musobole okuwona ebyo ebija okubaagho era n'okwemerera mu maiso g'Omwana w'Omuntu.”

Luka 24:27

Agho yaatoolera okubainhonhola Ebyaghandiikibwa, ebyo byonabyona ebimugemaku, eby'abalanzi boonaboona okuviira irala ku Musa.

Yoanne 12:34

Eikuukuubira lyamukoba liti: “Amateeka gatukoba gati Kurisito aja kuba mulamu ebyanda n'ebyanda. Aye iwe otukoba otya oti Omwana w'Omuntu ali n'okughanikibwa? Omwana w'Omuntu ono naani?”

Yoanne 3:13

Ghazira yaali aniinieku mu igulu okutoolaku Omwana w'Omuntu eyaika okuva mu igulu.”

Yoanne 5:27

Era yaamugha obukumu obw'okusala emisango, kuba n'Omwana w'Omuntu.

Ebikolwa by'Abatume 7:56

Sitefano yaakoba ati: “Bona ndi kubona eigulu nga libwikwike n'Omwana w'Omuntu nga ayemereire ku luuyi olw'omukono omusaadha ogwa Katonda.”

1 Ab'e Thessalonika 4:17

memale ife abalamu, abaliba bakaasigairegho twatwalibwa ghalala nabo mu bire okwagaanana ni Musengwa mu ibbanga. Era olwo tubenga eyo ni Musengwa buliidho.

1 Timotheo 6:16

Ni yenka atafa era aba mu butangaavu obutaseetekaku, ghazira yaali amuboine, era ghazira aghanga kumubona. Aisibwengamu ekitiisa era afugenga ebyanda n'ebyanda. Amiina.

Abaheburayi 2:14

Kale, ng'abo Yesu b'ayeta abaana bwe bali abantu obuntu, yeena mwene yafuuka omuntu nga beene. Yakola atyo asobole okufa, era ng'abita mu kufa kwe azikirize Sitaani, ali n'obukumu ku kufa.

Abaheburayi 9:24

Kurisito tiyangira mu kifo kitukuvu ekyakolebwa abantu, ekifaananaku obufaanane ni kire kyene, aye yangira mu igulu lyene, y'ali mperaano mu maiso ga Katonda ku lwaife.

Okwolekebwa 1:13

Ghagati mu bikondo ebyo, nabonamu afaanana ng'oti mwana wa muntu ng'avaire ekivaalo ekituuka ku bigere, era nga yeesibye mu kifuba olusibiro olwa zaabu.

Okwolekebwa 1:18

ate era omulamu. Nali nfiire, aye mperaano ndi mulamu ebyanda n'ebyanda, era nfuga okufa n'amagombe.

Okwolekebwa 1:7

Bona, wuuyo aliidhira ku bireri! Abantu boonaboona balimubona, era n'abo abaamufumita balimubona. Abantu boonaboona ku nsi baligegenga ku lulwe. N'ekyo. Amiina.

Okwolekebwa 14:14

Agho naabona ekire ekyeru, era nga ku kire okwo kutyaimeku afaanana ng'oti mwana wa muntu. Ng'ali n'engule ya zaabu ku mutwe, n'omuwolo omwogi mu ngalo.