Danieli 7:10 - Baibuli Ekibono kya Katonda 2014

¹⁰ Ghamberi ghe nga ghali kuvaagho omuliro ogw'amaani ng'oti n'amaadhi bwe gawolomboka mu mwiga. Abantu enkumi n'enkumi nga bali kumugheereza, n'abantu emitwalo n'emitwalo baayemerera agho mu maiso ge. Okusala emisango kwatoolera, n'ebitabo byawumbululwa.

Danieli 7:10 Iomraidhean Croise

1 Bakyabazinga 22:19

Mikaia yeeyongera okukoba ati: “Kale ni wulira Musengwa Katonda by'akoba: Mboine Musengwa Katonda oyo ng'atyaime ku kityamo kye eky'obwakyabazinga, ng'eigye lyonalyona ery'omu igulu lyemereire ku luuyi lwe olw'omukono omusaadha ni ku lw'omugooda.

2 Ebyomubyanda 18:18

Mikaia yeeyongera okukoba ati: “Kale ni wulira Musengwa Katonda by'akoba: Mboine Musengwa Katonda oyo ng'atyaime ku kityamo kye eky'obwakyabazinga, ng'eigye lyonalyona ery'omu igulu lyemereire ku luuyi lwe olw'omukono omusaadha ni ku lw'omugooda.

Yobu 25:3

Amagye g'ali nago tigabalika. Obutangaavu bwe bwakira buli ghantu.

Zabbuli 103:21

Musaake Musengwa Katonda imwe ab'omu igulu ab'amaani mwenamwena, imwe abagheereza be abakola by'ayenda.

Zabbuli 18:8

Omwosi gwamuva mu nhindo, ate enimi edh'omuliro n'amanda agaaka, byamuva mu kanwa.

Zabbuli 50:3

Katonda waife aidha, aye taidha kisiriikiriza; omuliro ogwaka einho gumukulemberamu nga kiwunga ow'amaani amwezungulwire.

Zabbuli 68:17

Musengwa Katonda yaidha ku lusozi Sinai mu kifo ekitukuvu, ng'ali n'ebigaali bye eby'amaani eby'omu lutalo enkumi n'enkumi.

Isaia 30:27

Bona ere, obuyinza n'ekitiisa kya Musengwa Katonda biri kwidha, waire nga bikaali ghalaku. Omwosi ghalala n'omuliro, byoleka obusungu bwe obubitirivu. Bw'ayogera, ebyo by'ayogeire byokya ng'oti bwa muliro gwene oguzikiriza.

Isaia 30:33

Ekifo eky'okwokeramu kyabazinga w'e Assiria kyategekebwa ira. Ekifo ekyo kinene era kirimu olwina oluleeyi, olwidhwire enku. Musengwa Katonda alifuuwa omuuka oguli ng'oti buganga bwa salufa, gwakikunaaniaku omuliro.

Danieli 12:1

Malaika yaayongera okukoba ati: “Mu kiseera ekyo, Mikaeli, malaika oyo omukologho omukuumi w'abantu bo, aliboneka. Olwo ghalibaagho ekiseera ekizibu ekitabangaghooku kasookanga nsi dhibaagho. Era ekiseera ekyo bwe kirituuka, abantu bo abo beene maina agaliba nga gaaghandiikibwa mu kitabo kya Katonda, n'abalirokolebwa.

Danieli 7:22

Agho Oyo eyaligho okuva eira n'eira yaidha, yaasala omusango, era abatukuvu b'oyo Ali Ghaigulu Yeene baagusinga. Era ekiseera kyamala kyatuuka abatukuvu abo baagheebwa obwakyabazinga.

Danieli 7:26

Aye ghalibaagho okutyama mu igulu okumusalira omusango, obufuzi bwe baabumutoolaku era baamuzikiriza okumumaliragho irala.

Zekaria 14:5

Muliwona nga mubitira mu kiiko ekyo ekirigabaniamu olusozi aghabiri. Mulirumuka nga badhaadha baimwe bwe baakola ku lule musisi lwe yabita mu biseera bya kyabazinga Uzzia ow'e Buyudaaya. Agho Musengwa Katonda waife aliidha ng'ali ghalala n'abatukuvu boonaboona.

Matayo 25:31

“Omwana w'Omuntu bw'aliidha mu kitiisa kye eky'Obwakyabazinga ng'ali ni bamalaika boonaboona, alityama ku kityamo kye eky'ekitiisa.

Amateeka Agokubiri 33:2

Yakoba ati: “Musengwa Katonda yava ku lusozi Sinai, yaavaayo ng'oti ndhuba ku Edomu yaatwakira, yaayaka ng'ava ku lusozi Parani, ng'ali ghalala n'omutwalo mulala ogwa bamalaika, ng'ali n'omuliro ogwaka ku luuyi lwe olw'omukono omusaadha.

Abaheburayi 1:14

Kale bamalaika ti n'emyoyo egigheereza Katonda, gy'atuma olw'abo ab'okulokolebwa?

Abaheburayi 12:22

Aye imwe mwidhie ku lusozi Sioni era mu kibuga kya Katonda omulamu, Yerusalemu eky'omu igulu, eyeesololeiza bamalaika olukunkumuli.

Yuda 1:14

Abantu bano Enoka ow'omu luse olwomusanvu okuva ku Adamu, be yayogeraku ng'alanga ati: “Bona, Musengwa aliidha n'olukunkumuli olw'abatuukirivu,

Okwolekebwa 11:18

Abantu abataikiriza baidhula inho, aye obusungu obubwo bwaidha, ekiseera kyatuuka eky'okusalira abafu omusango, n'eky'okugheeramu empeera abagheereza bo abalanzi, n'abatuukirivu, n'abantu bo boonaboona abakutya, abakulu n'abato; era ekiseera eky'okuzikiririzaamu abo abazikiriza ensi.”

Okwolekebwa 5:11

Agho naabona era naawulira amamiro ga bamalaika, enkumi n'enkumi, obukaire n'obukaire, nga beezungulwire ekityamo eky'obwakyabazinga n'ebitonde ebiramu, n'abakulembeze.