Danieli 7:1 - Baibuli Ekibono kya Katonda 2014

¹ Mu mwaka ogusooka nga kyabazinga Beleshazzari n'afuga Babilonia, Danieli bwe yali ng'alambaire mu buliri bwe yaabonekerwa mu kirooto. Bwe yamala yaaghandiika ekirooto ekyo ng'akoba byonabyona nga bwe byali.

Danieli 7:1 Iomraidhean Croise

Amainhama 15:1

Ebyo nga bimaze okubaagho, Aburamu yaawulira Musengwa Katonda mu kirooto, ng'amukoba ati: “Aburamu, otatya. Nze ndidha kubanga ngabo yo nkuwonie ebizibu, era ndidha kukugha empeera nnene.”

Amainhama 46:2

Katonda yaayogera ni Isiraeli oyo, nga amubonekeire obwire, yaakoba ati: “Yakobo, Yakobo!” Yakobo yaavugira ati: “Ndi ghano!”

Yobu 4:13

Nali mu kulogootana obwire, endoolo enhingi einho nga dhingemye.

Isaia 30:8

“Ebyo ja obighandiike ku kipande nga babona, era obighandiike mu kitabo, bibenga obudhulizi obw'olubeerera obukakasa obubi bw'abantu bano.

Isaia 8:1

Musengwa Katonda yankoba ati: “Toola ekipande ekinene okighandiikeku mu nhuguta enene, oti: OMUNHAGO OGW'AMANGU, OKUSWANKULA BYE BANHAGULWIRE

Yeremia 23:28

Omulanzi aloose ekirooto agwaine akobe ati ekyo kirooto bulooto. Ate omulanzi afunie obukwenda okuva ye ndi agwaine alangirire obukwenda obwo n'obwesigwa. Omusiisi guba mulungi ng'engaano yeene?

Yeremia 27:7

Amaghanga goonagoona galimugheereza era gaagheereza ni mutabane we ni mwidhukulu we, okutuusa ekiseera bwe kirituuka eighanga lye ni ligwa. Olwo eighanga lye lyona lyafuuka mugheereza wa amaghanga kamaala ag'amaani, agafugibwa bakyabazinga abakologho.

Yeremia 36:32

Agho naatoola enzingo y'ekitabo eyindi, naagigha omughandiisi wange Baruku. Yaaghandiika bire byonabyona, bye nayogeranga eno nga bw'abighandiika, ebyali mu nzingo y'ekitabo kyabazinga Yehoiakimu ye yayokya. Era ku ebyo yaayongeraku n'obukwenda obundi obufaanana n'obwo.

Yeremia 36:4

Kale naayeta Baruku mutabane wa Neria. Naayogeranga, eno nga bw'aghandiika mu nzingo y'ekitabo bye ndhogera, ebyo byonabyona Musengwa Katonda bye yankoba.

Ezekieli 1:1

Ku lunaku olwokutaanu mu mwezi ogwokuna, mu mwaka ogwamakumi asatu (30), nze Ezekieli kabona mutabane wa Buzi, mu biseera ebyo nali mba ghalala ni banhage banange agho kumpi n'omwiga ogwetebwa Kebari mu Babilonia. Agho eigulu lyaghembuka era naabonekerwa Katonda.

Ezekieli 40:2

Era nga ndi mu kubonekerwa, Katonda yambeeda yantwala mu nsi Isiraeli, yandhisa ku lusozi oluleeyi, olwaliku ekyaboneka ng'oti kibuga, nga kiri agho emberi wange.

Danieli 1:17

Katonda yaagha abaisuka abo abana okwega n'okukuguka mu mpandiika edha buli nsambo, ni mu magezi aga buli nsambo. Ate Danieli yaamwongeraku okutegeera ebibaagho mu kubonekerwa, n'okuvuunula ebirooto.

Danieli 2:1

Nebukadinezzari bwe yali nga ni kyabazinga, mu mwaka gwe ogwokubiri, yaloota ekirooto kyamweraliikiriza, n'endoolo dhaamubula.

Danieli 2:26

Kyabazinga yaabuuza Danieli, era ye baatuuma eriina Beluteshazzari, ati: “Osobola okunkobera ekirooto kye naloota n'amakulu gaakyo?”

Danieli 4:13

“Bwe nali nga nkaatendwike mu buliri, naabona ni bino mu kirooto: naja okulinga nti nga mbona malaika omukuumi omutukuvu, ng'ali kwika okuva mu igulu.

Danieli 4:5

Aye lwali lulala naaloota ekirooto ekyantiisa, ebifaananie byaidha byambonekera byamalamu omwoyo.

Danieli 5:1

Lwali lulala, kyabazinga Beleshazzari yaafumbira abakungu be abaghera olukumi (1,000) embaga enene, era yaanhwa nabo omwenge ogw'emizabbibu.

Danieli 5:22

“Aye iwe Beleshazzari, mutabane we, weena tiweewombeeseeku naire, waire ng'ebyo byonabyona wabimanha.

Danieli 5:30

Obwire bwene obwo Beleshazzari oyo, kyabazinga Omubabilonia, yaitibwa.

Danieli 7:13

Mu kubonekerwa okw'omu bwire obwo, naja okulinga nti nga mbona afaanana ng'oti mwana wa muntu, ng'ali kwidhira mu bire. Era yaaja y'Oyo eyaligho okuva eira n'eira, baamwandhulayo.

Danieli 7:15

Nze Danieli neeraliikirira era naatya olw'okubonekerwa okwo.

Danieli 7:7

Ebyo nga biwoire, kabiri naja okulinga nti nga mbona ekisolo ekyokuna, nga kitiisa inho kyagemya n'entete, era nga kiri n'amaani amabitirivu. Kyali n'amaino amakologho nga ga kyuma ekigumu einho. Nga kikaavuula bye kyagaaniriiza, kyabimenhamenha, era kyatyankirira ebifiiseegho n'ebigere byakyo. Kyali nga kyawukana inho ku bisolo bire ebisatu ebyasooka, nga kiri n'amayiga ikumi.

Danieli 8:1

Mu mwaka ogwokusatu ogw'obufuzi bwa kyabazinga Beleshazzari, nze Danieli nafuna okubonekerwa okwairirira kule okwasooka.

Yoeli 2:28

“Ebyo nga biwoire, ekiseera kirituuka naayugha omwoyo gwange ku bantu boonaboona. Batabane baimwe ni baghala baimwe baliranga ebiribaagho, abakaire mu imwe baaloota ebirooto, n'abaisuka baimwe baabonekerwa.

Amosi 3:7

Mu butuufu bwene, ghazira Musengwa Katonda ky'akola mu kyama nga takyoleike bagheereza be abalanzi.

Habakkuku 2:2

Agho Musengwa Katonda yandhiramu ati: “Ghandiika bino bye ndi kukwoleka. Obisengeke bukalamu ku kipande nga byangu okubisoma.

Okubala 12:6

Yaakoba ati: “Muwulire kye nkoba, bweghabaagho omulanzi mu imwe, nze Musengwa Katonda mwene mmweyoleka mu kubonekerwa, era naayogera naye mu kirooto.

Ab'e Roma 15:4

Byonabyona Ebyaghandiikibwa eira, byaghandiikibwa olw'okutwegeresa tusobole okubanga n'eisuubi olw'okuguminkiriza n'olw'amaani, ebiva mu Byaghandiikibwa.

2 Ab'e Korintho 12:1

Nteekwa okwesaaka, waire ng'okwesaaka kuziramu muganhulo. Aye mperaano ka ndhogere ku kubonekerwa n'okwolekebwa Musengwa.

Okwolekebwa 1:19

Mperaano ghandiika by'obona ebirigho, n'ebiribaagho ye bwidha.

Okwolekebwa 10:4

Enkuba bwe dhaatyabuka nali nja kughandiika, aye naawulira amamiro agava mu igulu nga gakoba gati: “Ebyo enkuba omusanvu edhityabwike bye dhikobye bigise nga bya kyama era tobighandiika.”