Danieli 6:7 - Baibuli Ekibono kya Katonda 2014

⁷ Ife abakungu ab'oku ntwiko mu bwakyabazinga bwo, n'ab'amasaza, n'abawi b'amagezi, n'ab'amagombolola, twisainia tuti oteegho ekiragiro era obone nga kiteebwa mu nkola. Kibe nti okumala enaku amakumi asatu, omuntu anaasaba katonda yeenayeena, oba n'asaba omuntu owundi yeenayeena atali iwe Isebantu kyabazinga, asuulibwe mu kiina omuli empologoma.

Danieli 6:7 Iomraidhean Croise

Zabbuli 10:9

Yeegisa yaabeeteega ng'oti mpologoma eri mu ndungu. Yeegisa asobole okutuumira ku baavu n'okubagema, era yaabagemya mu lutuula lwe yaabakwekwebya.

Zabbuli 2:2

Bakyabazinga ab'oku nsi baafungiza, n'abafuzi baibwe beeteesa, badheemere Musengwa Katonda ni kyabazinga ye yasiiga omuzigo.

Zabbuli 59:3

Bona ere, baneeteeze benda kundhita; abantu abakambwe beesoloiza baanumbe. Ti lwa kuba nti ndaaliimye oba nti nkoze ekibi kyonakyona.

Zabbuli 59:5

Iwe Musengwa Katonda Afuga Amagye, niiwe Katonda wa Isiraeli. Situka obonereze abantu abatakutya; otasaasira waire mulala ku abo abakudheemera ni bakola ebibi.

Zabbuli 62:4

Kye mutegeka kyonka, n'okumusuula ave mu kitiibwa kye; mwenda inho okuguya. Ghano ku munwa mwogera ng'oti mumwendeza nkabi, ate nga munda mule muli kumukolimira.

Zabbuli 83:5

Bwenebwene beekobaana eky'okudheema, era beeyimba baakola endagaano ey'okukwesonsaaku.

Zabbuli 94:20

Iwe tosobola kuba ku luuyi lwa bafuzi babi, abafuulania amateeka, ekibi ni bakyeta ekirungi.

Danieli 2:4

Baamwiramu mu lulimi Oluaramaika bati: “Isebantu kyabazinga, ghangaala byanda na byanda. Ife abagheereza bo tuli kukusaba otukobere ekirooto ekyo, twidha kuvuunula amakulu gaakyo.”

Danieli 3:11

Era oti yeenayeena anaaloba okweyala ghansi okukisinza, baidha kumusuula mu kikoomi ekiri kugeigera omuliro.

Danieli 3:2

Agho yaalagira beete abakungu be boonaboona, babeegho ku mukolo ogwigulagho okusinza ekiwumbe ekyo. Bano n'abakungu abaayetebwa: ab'amasaza ni bakatuukiro baibwe, n'ab'amagombolola, n'abawi b'amagezi, n'abaghanika, n'abalamuzi, n'abanamateeka, n'abafuzi boonaboona ab'omu biketezo.

Danieli 3:27

Ab'amasaza ni bakatuukiro baibwe, n'ab'amagombolola, n'abakungu ba kyabazinga abandi boonaboona, beesololeza aghaali abasaadha abo bonsatule. Baabona ng'omuliro ghazira kye gwakola ku mibiri gya basaadha abo bonsatule. Enviiri dhaibwe ku mitwe nga tidhaayokebwaku naire, waire ebivaalo byaibwe okuyaaku. Era ni beene nga tibawunha mwosi naire.

Danieli 3:6

Era kiisi anaaloba okweyala ghansi okukisinza, baidha kumusuula mangu ago mu kikoomi ekiri kugeigera omuliro.”

Danieli 6:16

Kale kyabazinga yaalagira batoole Danieli bamusuule mu kiina omwali empologoma. Kyabazinga yaakoba Danieli ati: “Katonda wo oyo y'ogheereza n'obwesigwa akuwonie!”

Danieli 6:22

Katonda wange yatumye malaika we, yaaziba eminwa egy'empologoma dhaaloba kunkolaku kabi koonakoona, kuba mu maiso ga Katonda oyo nze nziraku musango gwonagwona. Era ni mu maiso go, iwe Isebantu kyabazinga, ghazira kibi kye nakola.”

Mika 6:5

Bantu bange, mwidhukire Balaki Kyabazinga w'e Moabu bye yali ategeike okubakola, era ni Balaamu mutabane wa Beora bye yamwiramu. Era mwidhukire ebyali mu ngira nga muva e Shittimu nga muja e Giligali. Bwe munaidhukira ebyo byonabyona munaategeera bye nkola okubalokola.”

Nahumu 2:12

Empologoma ensaadha yakankanulanga emamba emala abaana baayo, era yaayiigiranga enkazi dhaayo ensolo, yaidhuza mu mpuku dhaayo.

Matayo 12:14

Aye Abafarisaayo olwafuluma nga beekobaana kubona ngeri ya kumuzikirizaamu.

Matayo 26:4

baasala olukwe olw'okugema Yesu mu ngiso bamwite.

Mariko 15:1

Olwakya buti, nga Bakabona Abakulu, n'abakulu ab'ebika, n'Abanamateeka n'embuga yoonayoona, bateesa, nga basiba Yesu nga bamutwala, bamughaayo ewa Pilato.

Yoanne 12:10

Olwo Bakabona Abakulu baasala olukwe okwita ni Lazaro.