Danieli 6:4 - Baibuli Ekibono kya Katonda 2014

⁴ Bakungu baine bale ab'oku ntwiko ababiri, ghalala n'abafuzi ab'amasaza, baanoonia bazuuleyo ekintu eky'okwemuluguunhia ku Danieli ku bigemagana n'obwakyabazinga. Aye baalemwa okufuna kye banaavaaku okumwemuluguunhiaku, kuba yali mwesigwa, ng'azira nsobi y'akola waire okuba n'ekikyamu ky'akola.

Danieli 6:4 Iomraidhean Croise

Amainhama 41:38

Kyabazinga yaakoba abakungu be ati: “Tusobola okuzuulayo omusaadha ali ng'oti n'ono, omusaadha aidhwire omwoyo gwa Katonda.”

Amainhama 43:18

Aboluganda baatya olw'okuba baatwalibwa mu ndhu ya Yosefu. Baakoba bati: “Batuleese muno olw'empiiya edhaizibwa mu nsawo dhaife ku mukuzi ogwasooka, olwo aghange okutuvunaana, era atuzinduukirize atunhageku endogoyi dhaife, era atufuule abairu be.”

Ensambo 29:27

Ababi bakyagha abatuufu, n'abatuufu baakyagha ababi.

Omulangirizi 4:4

Agho naabona ng'ekireetera abantu okukola einho ni bakuguka mu mirimo, kuba kwegomba kufuna ebirungi banaibwe bye baba nabyo. Ekyo kyona muzira muganhulo, era kiri ng'oti kubinga mpewo ogigeme.

Yeremia 18:18

Agho abantu beeteesa bati: “Mwidhe tubeeku ni kye tukola Yeremia ono. Ni bwetunaamutoolagho, tituja kubula bakabona ba kutugalagiranga, era tituja kubula bagezi ba kwebuuzangaku, waire okubulwa abalanzi abatukobera obukwenda bwa Katonda. Ka tumuteeku emisango, era tulekere okuwulirisanga by'akoba.”

Yeremia 18:23

Aye iwe Musengwa Katonda oidhi enkwe dhaibwe dhoonadhoona edh'okwenda okundhita. Otabasonigha kwonoona kwaibwe, waire okusasaagho ebibi byaibwe n'obyerabira. Batandigire ekigwo ghansi obaghangule, obakoleku n'obusungu bwo.”

Yeremia 20:10

Mpulira nga boonaboona boogera obwama bati: “Entiisa egemye buli ghantu. Ka tumwogereku bubi, tumuseeghe mu b'obuyinza!” Bakagwa bange beene n'abakoba batyo, nga baguniriire okubona bwe ngwa. Era nga bakoba bati: “Oba katyo tunaamusalira amagezi twamugemya, olwo twamwesasulizaaku.”

Yeremia 29:7

Mukolerere obulungi obw'ebibuga ye nabasindika mu bunhage. Mubisabirenga ye ndi, ebintu bisobole okubijiiranga obukalamu, olwo mwena ebintu biidha kubajiiranga bukalamu.

Danieli 3:8

Mu kiseera ekyo ghaabaagho Abababilonia, baidha baaseegha Abayudaaya aye nga bali kubaghaayiriza bughaayirize.

Danieli 5:12

Omusaadha oyo akola ebintu n'obusobozi obubitirivu, ali n'amagezi, n'obukugu mu kuvuunula ebirooto, n'okwinhonhola amakulu ag'ebintu ebizibu ebyagisibwa. Kale ni ka beete Danieli oyo kyabazinga ye yatuuma eriina Beluteshazzari, oyo n'aidha okukukobera amakulu g'ekighandiiko ekyo.”

Danieli 6:22

Katonda wange yatumye malaika we, yaaziba eminwa egy'empologoma dhaaloba kunkolaku kabi koonakoona, kuba mu maiso ga Katonda oyo nze nziraku musango gwonagwona. Era ni mu maiso go, iwe Isebantu kyabazinga, ghazira kibi kye nakola.”

Matayo 26:4

baasala olukwe olw'okugema Yesu mu ngiso bamwite.

Matayo 27:18

Kuba yali aidhi nga baamughaayo lwa nsaalwa.

Luka 20:20

Kale baagunirira baasasula abantu empiiya ab'okumuleba, abeefuula abeesimbu ate nga baayenda kumugemekeza mu by'ayogera, basobole okumughaayo mu mikono egy'ab'obuyinza.

Luka 20:26

Era tibaaghanga kumugema mu bibono bye yayogera ng'abantu baligho, kale baasirika busirike nga beewuunhia kye yabairamu.

Luka 22:2

Bakabona Abakulu n'Abanamateeka baali bali kwagala engeri ey'okuzikiriza Yesu, kuba baali batya abantu.

Yoanne 19:4

Kabiri Pilato yaafuluma ku luya yaabakoba ati: “Wuuno mmubaleeteire ku luya, mubonere irala nga nze tibona musango gw'aiziiza.”

2 Ab'e Korintho 11:12

Kye nkola buti ndidha kweyongera okukikola, nsobole okulemya abo abeesaaka nga bakoba mbu bye bakola n'ife bye tukola biri ku musingi mulala.

Ab'e Filippi 2:15

olwo mubuleku omusango oba ekintu kyonakyona ekiboogezaaku obubi. Mube abaana ba Katonda abatuukiriire nga muli mu bantu ab'oluse luno ababi era abaayonooneka. Mubaakiremu ng'oti mataala mu nsi muno.

1 Timotheo 5:14

Kyenva nhenda banamwandu abato babayirenga bazaale abaana, era balabirirenga amaka gaibwe. Olwo lwe bataaleetere muzigu kuba na kaghagaanhia ka kutwogeraku bubi.

Tito 2:8

Kozesanga ebibono ebituufu byene omuntu by'atasobola kubisaamu maiso olwo, abazigu bo baswale olw'okubula ekibi kye basobola okutwogeraku.

1 Petero 2:12

Mwebisenga bukalamu nga muli mu bamaghanga agandi. Olwo balobe kuboogeraku bati muli bakozi ba bibi, aye babone nga bye mukola bikalamu era basaake Katonda ku lunaku lw'aliidha.

1 Petero 3:16

Mubenga baamufu mu myoyo gyaimwe, olwo muswazenga abo ababavuma n'ababoogeraku obubi ku mpisa dhaimwe enkalamu edh'Obukurisito.

Abalamuzi 14:4

Aye ise n'inhina baali tibaidhi nga Musengwa Katonda n'eyasindika Samusoni okukola ekyo kuba Musengwa Katonda oyo yali ali kunoonia ensonga ey'okuvaaku okulwanisa Abafilisiti. Mu biseera ebyo, Abafilisiti n'abaafuganga Isiraeli.

1 Samueli 12:4

Baamukoba bati: “Busa. Totukupankupaniangaku waire okututetenkereza, oba okutwala ekintu eky'omuntu yeenayeena.”

1 Samueli 18:14

Byonabyona Daudi bye yakolanga nga bimujiira bukalamu, kuba Musengwa Katonda yalinga ghalala naye.

1 Samueli 22:14

Ahimeleki yairamu kyabazinga ati: “Mu bagheereza bo boonaboona naani omwesigwa ng'oti ni Daudi? Daudi oyo, mukoirume wo era n'akulira ekikunsu eky'abakukuuma, era wa kitiibwa mu ndhu yo.