Danieli 6:26 - Baibuli Ekibono kya Katonda 2014

²⁶ Ndi kugha ekiragiro nti mu biketezo byonabyona ebiri mu bwakyabazinga bwange, abantu boonaboona batyenga Katonda wa Danieli, bamutengamu ekitiisa. Kuba oyo ni Katonda omulamu, aligho ebyanda n'ebyanda. Obwakyabazinga bwe ghazira asobola kubuzikiriza, n'obukumu bwe tibuliwaagho.

Danieli 6:26 Iomraidhean Croise

Ezera 1:3

Nsaba Katonda abe n'imwe mwenamwena abantu be. Mwidha kuja e Yerusalemu ekiri mu Buyudaaya, muzimbe buyaaka eisinzizo lya Musengwa Katonda, Katonda wa Isiraeli, oyo ni Katonda ali mu Yerusalemu.

Ezera 7:21

“Era nze kyabazinga Arutazerizesi ndi kugha ekiragiro abaghanika ab'ebiketezo Siria ni Foenikia, nti Ezera kabona eyasoma n'akuguka mu Mateeka ga Katonda ow'eigulu, bamughenga buli kintu kyonakyona ky'anaasabanga bakimukolerenga, aghazira kwegemya nsonga yoonayoona.

Zabbuli 119:120

Zeenazeena ndhugumira olw'okukutya; ensala yo ngitya inho.

Zabbuli 146:10

Musengwa Katonda ni kyabazinga ebyanda n'ebyanda. Iwe Sioni, Katonda wo aja kufuga abantu ab'ense n'ense. Mwenamwena musaake Musengwa Katonda!

Zabbuli 2:11

Mugheereze Musengwa Katonda nga mumutya,

Zabbuli 29:10

Musengwa Katonda n'afuga omwidhuzo gw'amaadhi; afuga nga ni kyabazinga ebyanda n'ebyanda.

Zabbuli 42:2

Ng'omuntu ali n'endiwo bw'aba, zeena ntyo bwe nhenda einho okuba iwe Katonda wange gh'oli, Katonda iwe omulamu. Ndituukaku li mu maiso go ni nkubona?

Isaia 66:2

Ebintu byonabyona ninze nabikola n'engalo dhange. Kale byonabyona byange. Aye omuntu ye nsangaalira n'oyo omuwombeefu era eyeeneniiza, antaamu ekitiisa era n'akola bye ndagira.”

Isaia 9:7

Obufuzi bwe bwidha kweyongeranga aghazira kukoma emiraala mu bwakyabazinga bwe gyeyongerenga aghazira kusalaku. Alifuga ng'omusika wa Daudi, obuyinza bwe nga bujiira ku kukola mazima na butuufu, okuva mpegaano n'okutuusa ebyanda n'ebyanda. Musengwa Katonda Afuga Amagye aidha kutuukiriza ekyo.

Yeremia 10:10

Aye iwe Musengwa Katonda, niiwe Katonda mwenemwene, niiwe Katonda omulamu era kyabazinga ow'ebyanda n'ebyanda. Bw'osungughala ensi etengeeta, era amaghanga goonagoona tigasobola kugumira kiruyi kyo.

Danieli 2:44

Mu biseera eby'abafuzi abo, Katonda ow'eigulu alitaagho obwakyabazinga nga ghazira kisobola kubuzikiriza, era ng'ezira ighanga lisobola kubaghangula. Aye bulimaniangula obwakyabazinga obundi bwonabwona bwabusaaniagho, bwene bwabaagho ebyanda n'ebyanda.

Danieli 3:29

“Kale ni mpegaano ndi kugha ekiragiro nti: abantu boonaboona, abava mu maghanga goonagoona, era aboogera enimi dhoonadhoona, bwebanaayogera ekibi kyonakyona ku Katonda wa Shaduraka, ni Meshaki, ni Abedinego, ndidha kulagira babatemeteme, emigulu gigwe ghaagyo n'emikono gigwe ghaagyo. Era endhu dhaimwe baidha kudhizikiriza dhifuuke bifulukwa byereere; kuba ezirayo katonda asobola kuwonia bantu be mu nsambo ng'oti n'eyo.”

Danieli 4:3

Obumanhiso bwe nga bukologho! Ebyewuunhio bye nga bya maani! Obwakyabazinga bwe bwa kubaagho byanda na byanda, era aja kufuganga abantu ense n'ense.

Danieli 4:34

Agho kyabazinga Nebukadinezzari yaakoba ati: “Ekiseera ekyo nga kiwoireku, nze Nebukadinezzari nalinga ghaigulu ku igulu, nairamu okutegeera obukalamu. Agho neebaza oyo Ali Ghaigulu Yeene, naamusaaka era naamugha ekitiisa, oyo omulamu ebyanda n'ebyanda. Kuba obwakyabazinga bwe bwa byanda na byanda, era obufuzi bwe bulibaagho ense n'ense.

Danieli 6:20

Ng'ali kumpi okutuuka ku kiina ekyo Danieli mwe yali, yaayeta mu mamiro ag'enaku ati: “Wo Danieli, iwe omugheereza wa Katonda omulamu, Katonda wo y'ogheereza n'obwesigwa yasoboire okukuwonia empologoma?”

Danieli 7:14

Era baamugha obukumu, ekitiisa, n'obwakyabazinga. Olwo abantu boonaboona abava mu maghanga goonagoona, era aboogera enimi dhoonadhoona, basobole okumugheerezanga. Obufuzi bwe tibukoma, bubaagho byanda na byanda, era obwakyabazinga bwe tibalibuzikiriza.

Danieli 7:27

Olwo obwakyabazinga, n'obukumu, n'ekitiisa, ebiri ghansi gh'eigulu, balibigha abatukuvu b'oyo Ali Ghaigulu Yeene. Obwakyabazinga bwaibwe buliba bwa byanda na byanda, era abafuzi boonaboona ab'ensi balibagonderanga baabagheereza.”

Hosea 1:10

Abaisiraeli baliba bangi inho ng'oti musenho gwa ku nhandha ogutasoboka kubalibwa oba okupimwa. Mperaano Katonda abakoba ati: “Timuli bantu bange,” aye ekiseera kirituuka yaabakoba ati: “Muli baana ba Katonda omulamu.”

Malaki 3:6

“Nze Musengwa Katonda tikyukangaku, era n'imwe mwena baidhukulu ba Yakobo timumalibwangagho.

Matayo 6:13

Totutwala mu kulebwa, aye tulokole mu bubi.’

Luka 1:33

Alifuga ekika kya Yakobo ebyanda n'ebyanda, era Obwakyabazinga bwe tibulikoma.”

Luka 12:5

Aye ka mbalabuleku: Mutye oyo ali n'obukumu obw'okwita n'okusuula mu geyeena. Bwenebwene mbakobera oyo ye mube mutye!

Ebikolwa by'Abatume 17:25

Era oyo ghazira kye yeetaaga bantu kumukolera, kuba oyo n'abagha obulamu na buli kintu.

Ab'e Roma 9:26

Mu kifo gheene ghe bayeterwa ‘Abatali bange’, agho gheene ghe balyeterwa abaana ba Katonda omulamu.”

Amateeka Agokubiri 5:26

Naani mu bantu boonaboona, eyaali awuliireku amamiro ga Katonda omulamu ng'ali kwogera mu muliro ghagati, nga ife bwe tuwuliire, aye omuntu oyo n'asigala ng'akaali mulamu?

1 Ab'e Thessalonika 1:9

kuba abantu abo beene bwe baba batughayaku bakoba nga bwe mwatusangaalira einho bwe twali mu imwe. Era nga bwe mwakyuka okuva ku bisinzibwa ebitali Katonda ni mwira ku kugheereza Katonda mwene omulamu.

Abaheburayi 12:29

kuba Katonda waife muliro gwene oguzikiriza.

Yakobo 1:17

Kiisi kirabo kikalamu era ekituukiriire, kiva mu igulu ye Lata eyatonda ebyaka ku igulu. Oyo tafuukafuuka, oba okuleeta enzikiiza ng'akyukakyuka.

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”

Okwolekebwa 4:10

ng'abakulembeze amakumi abiri n'abana (24) beeyala mu maiso g'oyo atyaime ku kityamo eky'obwakyabazinga, baamusinza oyo omulamu ebyanda n'ebyanda. Era engule dhaibwe baadhiisa gha mberi gh'ekityamo nga bakoba bati:

Okwolekebwa 5:14

Ebitonde ebiramu ebina (4) byakoba biti: “Amiina.” Era abakulembeze beeyala baasinza.

1 Samueli 17:26

Daudi yaabuuza abantu abaali beemereire okumpi naye, ati: “Kiki kye baja okukolera omuntu anaita Omufilisiti oyo, n'atoola ku Isiraeli ekyobeera ekyo? Obwo katyo Omufilisiti oyo atali mukekete naani, yeena okunhooma eigye lya Katonda omulamu?”

1 Samueli 17:36

Nze omugheereza wo, nga bwembairenga nga ndhita empologoma n'ensolo enkambwe, era ntyo bwe ndidha okwita n'Omufilisiti oyo atali mukekete, anhoomye amagye ga Katonda omulamu.”