Danieli 6:24 - Baibuli Ekibono kya Katonda 2014

²⁴ Kyabazinga yaalagira baaleeta abasaadha bale abaaghaayiriza Danieli, baabasuula mu kiina ekyo omwali empologoma, ghalala ni bakazi baibwe, n'abaana baibwe. Era baabanga bakaali na kutuuka ku ntobo ya kiina ekyo, ng'empologoma dhaabamemeine ira amagumba goonagoona.

Danieli 6:24 Iomraidhean Croise

2 Bakyabazinga 14:6

Aye tiyaita baana baibwe, kuba yajiira ku kyaghandiikibwa mu Kitabo eky'Amateeka ga Musa, nga Musengwa Katonda bwe yalagira ati: “Abazaire mutabaitanga lwa misango baana baibwe gye baiziiza, n'abaana mutabaitanga lwa misango gya bazaire baibwe gye baiziiza. Omuntu aidha kwitibwanga lwa musango gw'anaabanga ng'aiziiza mwene.”

Zabbuli 54:5

Aidha kwiriza abazigu bange ebibi byaibwe byene bibabonereze; aidha kubazikiriza kuba mwesigwa.

Ensambo 11:8

Katonda akuuma omutuufu yaaloba kugwa mu bizibu, aye omubi yaabigwamu.

Ensambo 19:9

Omuntu agha obudhulizi obw'obuguya aja kubonerezebwa, era oyo ayogera eby'obulimba wa kuzikirira.

Isaia 38:13

Nasulanga nga nsinda businde obwire okukya, ng'oti n'ole empologoma y'eri kumemena amagumba. Omusana gwonagwona n'obwire bwonabwona naalowoozanga nti Katonda aja kumalagho obulamu bwange.

Yeremia 34:17

Nze Musengwa Katonda nkoba nti mwandheemera mwaloba kugha Baisiraeli banaimwe idembe lyaibwe. Kale ni mubone eno, nze ndidha kubagha imwe eidembe ery'okufiira mu lutalo, n'ery'okufa endwaire ya kawumpuli, n'ery'okufa endhala. Ndidha kubafuula ekintu ekitiisa einho abantu boonaboona ku nsi.

Danieli 3:22

Olw'okuba kyabazinga yalagira bakume ekikoomi kigeigere inho omuliro, enimi edh'omuliro dhaakomba dhaita abasaadha abaatwala Shaduraka, ni Meshaki, ni Abedinego, okubasuula mu kikoomi ekyo.

Amateeka Agokubiri 24:16

“Abazaire mutabaitanga lwa misango baana baibwe gye baiziiza, n'abaana mutabaitanga lwa misango bazaire baibwe gye baiziiza. Omuntu aidha kwitibwanga lwa musango gw'anaabanga ng'aiziiza mwene.