Danieli 6:23 - Baibuli Ekibono kya Katonda 2014

²³ Agho kyabazinga yaasangaala ebitaloodheka era yaalagira batoole Danieli mu kiina omwali empologoma. Kale baamutoolayo mu kiina ekyo nga ghazira kabi koonakoona kamutuuseeku, kuba yeesiga Katonda we.

Danieli 6:23 Iomraidhean Croise

1 Bakyabazinga 5:7

Hiramu bwe yafuna obukwenda bwa Solomoni, yaasagamba inho, era yaakoba ati: “Musengwa Katonda olwaleero asaakibwe, eyagha Daudi omwana ow'amagezi okufuga eighanga lino eikologho.”

1 Ebyomubyanda 5:20

Baata obwesige mu Musengwa Katonda nga bamusaba ababeere, era yaababeera yaabaleetera okughangula Abahagari ghalala ni boonaboona abaali nabo.

2 Ebyomubyanda 20:20

Bwe bwakya, baasituka ku nkyo okuja mu irungu ly'e Tekoa. Bwe baali bali kuja, Yehoshafati yaayemerera, yaakoba ati: “Imwe abantu ab'omu Buyudaaya n'ab'omu Yerusalemu, mumpulirise. Mwikirize Musengwa Katonda waimwe, olwo mwidha kuba bagumu. Mwikirize eby'abalanzi be, olwo mwidha kughangula.”

Zabbuli 18:21

Nze njiira ku biragiro bya Musengwa Katonda, era tigwangaku mu kibi kya kudaaliima kuva ku Katonda wange.

Zabbuli 37:40

Ababeera era yaabawonia ng'abatoola mu ngalo dh'ababi, kuba bamwesiga.

Okuvaayo 18:9

Yethuro yaasagamba olw'ebirungi byonabyona Musengwa Katonda bye yakolera Abaisiraeli okubatoola mu ngalo edh'Abamisiri.

Ensambo 18:10

Musengwa Katonda ali ng'oti n'ekisenge ekigumu, abakola ebituufu mwe balumukira okuwona ebizibu.

Isaia 26:3

Wo Musengwa Katonda, abo abagumira ku iwe, obaleetera okuba mu miraala gyenegyene, kuba bakwesiga.

Danieli 3:17

Bwe kunaaba okutusuula mu muliro, Katonda waife ye tugheereza asobola bukalamu okutuwonia yaatutoola mu kikoomi ekiri kugeigera omuliro, era yaatutoola ni mu buyinza bwo.

Danieli 3:25

Yaakoba ati: “Aye lwaki ndi kubona abasaadha bana abali kutambulira ghagati mu muliro nga ti basibe, era nga baziraku kabi kabatuuseeku naire? Ate owokuna afaanana ng'oti malaika!”

Danieli 6:14

Kyabazinga bwe yawulira ebyo enaku yaamugema inho. Yaasala amagezi goonagoona okuwonia Danieli, okutuusa endhuba bwe yagwa.

Danieli 6:18

Agho kyabazinga yairayo mu kisaagaati kye. Yaamala obwire obwo nga taliire ku mere, waire okuganha bamuleetere ebisanhusa n'endoolo dhaamubula.

Mariko 9:23

Yesu yaamukoba ati: “Waakoba oti oba nsobola! Byonabyona bisoboka y'oyo aikiriza.”

Abaheburayi 11:33

Okwikiriza n'okwabasobozesa okughangula bakyabazinga, baakola ekituufu era baafuna ebyo Katonda bye yabasuubiza. Baalobera empologoma okwasama,