Danieli 6:22 - Baibuli Ekibono kya Katonda 2014

²² Katonda wange yatumye malaika we, yaaziba eminwa egy'empologoma dhaaloba kunkolaku kabi koonakoona, kuba mu maiso ga Katonda oyo nze nziraku musango gwonagwona. Era ni mu maiso go, iwe Isebantu kyabazinga, ghazira kibi kye nakola.”

Danieli 6:22 Iomraidhean Croise

Amainhama 40:15

Kuba bwenebwene bampuuya buwuuye okuva mu nsi y'Abaheburayi, era ni ghano tikolangaghooku kintu kyonakyona ekyandinsibiisa mu ikomera.”

2 Samueli 22:7

Bwenali ndi mu buzibu, nasaba Musengwa Katonda, naalirira Katonda wange ambeere; yaawulira amamiro gange ng'ali mu isinzizo lye, era okulira kwange kwamutuuka mu kutu.

1 Bakyabazinga 13:28

Yaavuga endogoyi, yaaja yaayagaana omulambo gw'omulanzi nga gugwire agho mu ngira. Era ng'endogoyi n'empologoma byemereire kumpi nagwo empologoma nga teguliire era nga teyuziizayuziiza ndogoyi.

2 Ebyomubyanda 32:21

Musengwa Katonda yaatuma malaika, yaita okumaliragho irala abaisirukale boonaboona ab'amaani abaziramu ntete, n'abaduumizi, n'abakulu b'eigye, abaali mu kifo kyabazinga w'e Assiria mwe yasimba weema dhe. Agho kyabazinga w'e Assiria yairayo mu nsi ye nga yeenayeena ensoni dhimugemye. Lwali lulala ng'ali mu isabo lya katonda ye yasinzanga, abandi ku batabane be baamufumita empiima yaafa.

Zabbuli 118:28

Niiwe Katonda wange, era ndidha kukusiimanga iwe Katonda wange, ndidha kukoberanga abantu nga bw'oli omukologho.

Zabbuli 26:6

Wo Musengwa Katonda, okumanha nga nziraku musango, nnaabye mu ngalo, era naatambula okwezungulula alutaari nga nkusinza.

Zabbuli 31:14

Aye nze neesiga iwe Musengwa Katonda. Era nkyogera nti: “Niiwe Katonda wange.”

Zabbuli 34:7

Malaika wa Musengwa Katonda akuuma abo abatya Musengwa Katonda, yaabawonia ebizibu.

Zabbuli 38:21

Wo Musengwa Katonda, otandekulira agho! Niiwe Katonda wange, otamba ghala!

Zabbuli 84:11

kuba Musengwa Katonda oyo n'endhuba etumuliikirira ye tuja era n'atuwonia ng'oti ngabo. Atusaasira era yaatugha ekitiisa. Abo abakola by'ayenda ghazira kirungi ky'abaima.

Isaia 3:10

Mukobere abatuufu muti ebyaibwe birungi, kuba baidha kuganhulwanga mu biva mu kukola kwaibwe.

Isaia 63:9

Yaabalumirwa mu kudaazibwadaazibwa kwaibwe kwonakwona, era yaabawonia mwene, se ti malaika we. Era olw'okugonza kwe n'okusaasira kwe by'ali nabyo, yaabanunula era yaabalabiriranga okuva eira n'eira.

Yeremia 37:18

Agho naamubuuza nti: “Musango ki gwe naiza ku iwe, oba ku bakungu bo, oba ku bantu bano, memale ove okwo onsibe mu ikomera?

Danieli 3:28

Agho Nebukadinezzari yaakoba ati: “Katonda wa Shaduraka, ni Meshaki, ni Abedinego asaakibwe. Oyo n'atumye malaika we yaawonia abagheereza be bano abaamwesize, ni badheemera ekiragiro kyange nze kyabazinga. Bataire obulamu bwaibwe mu kabi, mu kifo ky'okugheereza n'okusinza katonda yeenayeena okutoolaku Katonda owaibwe.

Danieli 6:20

Ng'ali kumpi okutuuka ku kiina ekyo Danieli mwe yali, yaayeta mu mamiro ag'enaku ati: “Wo Danieli, iwe omugheereza wa Katonda omulamu, Katonda wo y'ogheereza n'obwesigwa yasoboire okukuwonia empologoma?”

Danieli 6:23

Agho kyabazinga yaasangaala ebitaloodheka era yaalagira batoole Danieli mu kiina omwali empologoma. Kale baamutoolayo mu kiina ekyo nga ghazira kabi koonakoona kamutuuseeku, kuba yeesiga Katonda we.

Danieli 6:4

Bakungu baine bale ab'oku ntwiko ababiri, ghalala n'abafuzi ab'amasaza, baanoonia bazuuleyo ekintu eky'okwemuluguunhia ku Danieli ku bigemagana n'obwakyabazinga. Aye baalemwa okufuna kye banaavaaku okumwemuluguunhiaku, kuba yali mwesigwa, ng'azira nsobi y'akola waire okuba n'ekikyamu ky'akola.

Danieli 6:7

Ife abakungu ab'oku ntwiko mu bwakyabazinga bwo, n'ab'amasaza, n'abawi b'amagezi, n'ab'amagombolola, twisainia tuti oteegho ekiragiro era obone nga kiteebwa mu nkola. Kibe nti okumala enaku amakumi asatu, omuntu anaasaba katonda yeenayeena, oba n'asaba omuntu owundi yeenayeena atali iwe Isebantu kyabazinga, asuulibwe mu kiina omuli empologoma.

Mika 7:7

Aye nze, amaiso ndidha kugatanga ku Musengwa Katonda yenka. Katonda oyo ye ndidha okuteegereranga aidhe andokole. Katonda wange aidha kuwuliranga okusaba kwange.

Okubala 20:16

Bwe twalirira Musengwa Katonda, Musengwa Katonda oyo yawulira okulira kwaife, yaatutumira malaika yaatutoola mu Misiri. Mpegaano tuli ghano e Kadeshi, ekibuga ekiri ku nsalosalo n'ekiketezo kyo.

Matayo 27:46

Era nga ku saawa eyomwenda, Yesu yaaleekaana ati: “Eloi, Eloi, lama sabakitani?” Ekitegeeza kiti: “Katonda wange, Katonda wange, lwaki ondekuliire agho?”

Ebikolwa by'Abatume 12:11

Agho Petero bwe yamanha ebibairegho yaakoba ati: “Mperaano ntegeereire irala nga Musengwa n'atumye malaika we okuntoola mu mikono gya Herode n'amponia ebyo byonabyona Abayudaaya bye babaire beesumba.”

Ebikolwa by'Abatume 24:16

Kyenva nfuba buliidho okuba n'omwoyo omunaabuufu ye Katonda ni y'abantu.

Ebikolwa by'Abatume 27:23

kuba obwire obwabise malaika wa Katonda wange ye mpeereza yayemereire ghe ndi

2 Ab'e Korintho 1:12

Ensonga etwesiimisa n'eno nti munda mule twekakasa nga mu nsi muno, n'okusingira irala mu imwe, twebisiiza bukalamu mu mazima ni mu butuukirivu, ti lwa magezi ga bantu aye lwa kisa kya Katonda.

2 Timotheo 4:17

Aye Musengwa yali ninze, era yampa amaani naakobera mu bwidhuvu abamaghanga agandi ekibono kya Katonda, baakiwulira. Olwo yamponia okunsalira ogw'okufa.

Abaheburayi 1:14

Kale bamalaika ti n'emyoyo egigheereza Katonda, gy'atuma olw'abo ab'okulokolebwa?

Abaheburayi 11:33

Okwikiriza n'okwabasobozesa okughangula bakyabazinga, baakola ekituufu era baafuna ebyo Katonda bye yabasuubiza. Baalobera empologoma okwasama,

1 Samueli 17:37

Era Daudi yaakoba ati: “Eyantoola mu nkumu edh'empologoma n'edh'ensolo enkambwe, aidha kuntoola ni mu ngalo edh'Omufilisiti oyo.” Agho Saulo yaakoba Daudi ati: “Kale ja, Musengwa Katonda abe n'iwe.”

1 Samueli 26:18

Daudi era yaakoba ati: “Bwenebwene musengwa wange, lwaki oli kundhiigania nze omugheereza wo? Kiki kye nakukola? Musango ki gwe naiza?