Danieli 6:2 - Baibuli Ekibono kya Katonda 2014

² Abafuzi abo yaabataaku abakungu basatu ab'oku ntwiko okubakuliranga, olwo kyabazinga alobe kufiirizibwanga mu mirimo egikolebwa mu bwakyabazinga bwe. Danieli yali mulala ku bakungu abasatu abo.

Danieli 6:2 Iomraidhean Croise

Ezera 4:22

Era mubone nti ekyo mukikola mangu, obwakyabazinga bulobe kwonoonekerwa na kufiirizibwa.”

Ensambo 26:6

Omuntu atuma omusiru okutwala obukwenda, aba ng'oti yeetemyeku mwene amagulu era yeereetera mwene ebizibu.

Ensambo 3:16

Amagezi galeetera omuntu okughangaala, gaamuleetera n'okuba omukombe era ow'ekitiisa.

Danieli 5:16

Aye mpuliire mbu iwe osobola okuvuunula amakulu ag'omunda einho n'okwinhonhola ebintu ebizibu ebyagisibwa. Kale bw'onaasobola okusoma ekighandiiko ekyo, n'onkobera amakulu gaakyo, baidha kukuvaaza engoye edh'erangi ya nakasooma, bakute n'omukuufu ogwa zaabu mu nkoto, era bakukuze obe omufuzi ow'eidaala eryokusatu mu bwakyabazinga bwange.”

Danieli 5:29

Agho Beleshazzari yaalagira baavaaza Danieli engoye edh'erangi ya nakasooma, baamuta n'omukuufu ogwa zaabu mu nkoto, era yaamukuza okuba omufuzi ow'eidaala eryokusatu mu bwakyabazinga.

Danieli 5:7

Yaayasiikana yaayetesa abalaguzi, abasamize, ab'amaghembe, n'abo abeetegereza ebiri ku igulu. Abagezigezi abo ab'omu Babiloni bwe baatuuka, kyabazinga yaabakoba ati: “Omuntu yeenayeena anaasoma ekighandiiko ekyo, n'ankobera amakulu gaakyo, baidha kumuvaaza engoye edh'erangi ya nakasooma, bamute n'omukuufu ogwa zaabu mu nkoto, era bamukuze abe omufuzi ow'eidaala eryokusatu mu bwakyabazinga bwange.”

Danieli 6:1

Agho Dario yaasalagho okutaagho abafuzi ab'amasaza kikumi n'abiri (120), bafugenga mu bwakyabazinga bwe bwonabwona.

Matayo 18:23

Obwakyabazinga obw'omu igulu kyebuva bufaananizibwa ku kyabazinga eyayenda okugondhoola n'abagheereza be ebigema ku bintu bye, bye baali nabyo.

Luka 16:2

Kyeyava n'amweta n'amukoba ati, ‘Biki bino bye nkuwuliraku? Kale inhonhola ebigema ku bughanika bwo, kuba tokaaghanga kuba mughanika.’

1 Ab'e Korintho 4:2

Ekintu ekyendebwa ku mugheereza oti n'oyo, n'okuba omwesigwa ye Musengwa we.

1 Samueli 2:30

Nze Musengwa Katonda wa Isiraeli kyenva ni nkoba nti, nasuubiza ng'ab'endhu yo n'ab'endhu ya dhaadha wo banampeerezanga ekiseera kyonakyona. Aye mpegaano nze Musengwa Katonda nkoba nti ekyo nkimenhiegho, kuba abo abantaamu ekitiisa, be ndidha okutangamu ekitiisa, ate abo abaanhooma, tibaateebwengamu kanhagansi.