Danieli 6:10 - Baibuli Ekibono kya Katonda 2014

¹⁰ Danieli bwe yamanha ng'ekighandiiko eky'ekiragiro ekyo kiteirebwaku ekinkumu, yairayo eka ewuwe mu ndhu ye. Amadinisa ag'endhu eyo ag'omu kisenge ekya ghaigulu, gaali nti bwe gaigulwanga nga galingirira okwolekera Yerusalemu. Kale bwe yatuuka eyo yaakuba amakiryaivu, yaasaba era yeebaza Katonda we nga bwe yakolanga okuva eira, emikuzi esatu buli lunaku.

Danieli 6:10 Iomraidhean Croise

1 Bakyabazinga 8:30

Wulirisanga bye nnaakusabanga nze omugheereza wo, era n'abantu bo Abaisiraeli bye banaakusabanga nga balingiriire ekifo kino. Bwenebwene tuwulirisenga ng'oli mu igulu eyo y'oba, era otusonighenga ng'otuwuliire.

1 Bakyabazinga 8:38

memale abantu bo Abaisiraeli ni bakusaba nga bakweghemba nga bayandhululiza emikono okugyolekeza eisinzizo lino, omuntu omulala ku lulwe yenka oba boonaboona aghalala, olw'enaku ebaluma ku mwoyo,

1 Bakyabazinga 8:44

“Abantu bo bwe banaajanga y'onaabanga ng'obatumye okulwanisa abazigu baibwe, memale ni bakusaba nga balingiriire ekibuga kino kye walonda, era nga balingiriire eisinzizo lino lye nkuzimbiire,

1 Bakyabazinga 8:54

Solomoni bwe yamala okusaba Musengwa Katonda ebyo byonabyona ng'amweghemba, yaasituka gh'alutaari ya Musengwa Katonda, ghe yali akubye amakiryaivu ng'ayandhululiiza emikono gye y'eigulu.

2 Ebyomubyanda 6:13

Solomoni oyo yali amaze okukola ekituuti mu kyuma eky'ekikomo, ng'endhuyi dhaakyo dhoonadhoona eina dhaagayaga, buli lulala lwa mita ibiri n'obutundu bubiri. Ate obugungumavu bw'ekituuti ekyo nga bwa mita ndala n'obutundu busatu. Era ng'amaze n'okukita ghagati mu luya. Agho yaaniina ghaigulu ku kituuti ekyo, yaakuba amakiryaivu ng'Abaisiraeli boonaboona abeesoloiza bali agho, era yaayandhululiza emikono gye eri eigulu.

2 Ebyomubyanda 6:38

bawulirenga bwe baneenenianga n'omwoyo gwaibwe gwonagwona nga bali eyo mu nsi y'abazigu baibwe abaabatwala nga banhage. Era obawulirenga bwe banaakusabanga nga balingiriire ensi yaibwe ye wagha badhaadha baibwe, era nga balingiriire ekibuga kye walonda, era n'eisinzizo lino lye nkuzimbiire.

Ezera 9:5

Ekiseera eky'okughaayo omusengo ogw'eigulo bwe kyatuuka, naasituka ghe nali ntyaime nga ndi kusiiba era nga nkaali mu bivaalo byange ebikanufu. Naakuba amakiryaivu era naayandhululiza eri Musengwa Katonda wange emikono nga nkoba nti:

Nehemia 6:11

Aye nze naamwiramu nti: “Omuntu ng'oti ninze nsobola ntya okulumukagho ni neegisa? Era nsobola ntya okuja mu isinzizo olw'okuwonia obulamu bwange? Busa, ekyo tiidha kukikola.”

Zabbuli 34:1

Ndidha kusiimanga Musengwa Katonda ebiseera byonabyona, tija kulekera kumusaakanga.

Zabbuli 5:7

Aye nze, olw'okungonza einho, ndidha kwingira mu isinzizo lyo nkusinze mu kifo kyo ekitukuvu, nga nkukubira amakiryaivu okwoleka nga bwe nkutya.

Zabbuli 55:17

Enkyo, n'omusana, n'eigulo, mmukobera ebiinuma, n'ebindeetera okusinda era aidha kumpulira.

Zabbuli 86:3

Wo Musengwa Katonda, nkusaba ondhune kuba niiwe ye ndirira omusana n'obwire.

Zabbuli 95:6

Mwidhe tumusinze nga twewombeese, tumukubire amakiryaivu oyo Musengwa Katonda, Omutonzi waife.

Danieli 6:13

Agho baakoba kyabazinga bati: “Danieli oyo, omulala ku bantu abaanhagibwa e Buyudaaya, takutaamu kitiisa iwe Isebantu waire okugondera ekiragiro kye wataaku ekinkumu. Era asaba Katonda we emikuzi esatu buli lunaku.”

Danieli 9:4

Naasaba Musengwa Katonda wange oyo nga ndhatula ebibi eby'abantu bange. Naakoba nti: “Musengwa Katonda wange, oli mukologho era ow'entiisa. Iwe okuuma endagaano yo era waagonza obutalekera abo abakugonza ni bagema ebiragiro byo.

Yona 2:4

Nali nkoba nti onswire ere nve gh'oli, era nga tiriirayo kabiri kubona ku isinzizo eitukuvu.

Mariko 3:3

Yesu yaakoba ole eyali n'omukono ogwaniala ati:

Luka 14:26

“Omuntu yeenayeena bw'aidha ye ndi memale n'atakyagha ise, n'inhina, ni mukazi we, n'abaana be, ni baganda be, ni baanhina ate era n'obulamu bwe mwene, taghanga kuba mwegeresebwa wange.

Luka 22:41

Yaabaleka agho yeeyongerayooku akata nga gh'otuusa okusuula eibaale,

Ebikolwa by'Abatume 10:9

Ku lunaku olwairirira, bwe baali nga bakaali mu ngira era nga banaatera okutuuka mu kibuga, ku saawa nga mukaaga edh'omusana, Petero yaaniina ghaigulu ku nhumba okusaba Katonda.

Ebikolwa by'Abatume 2:15

Bano ti batamiivu nga bwe mudhuuba, kuba dhiri bwa saawa isatu edh'enkyo.

Ebikolwa by'Abatume 20:24

Aye titwala bulamu bwange ng'ekintu eky'omughendo ye ndi. Ekikulu n'okutuukiriza olugendo lwange n'omulimo Yesu gwe yangemya ogw'okukobera abantu Amawulire Amalungi ag'ekisa kya Katonda.

Ebikolwa by'Abatume 20:36

Paulo bwe yamala okwogera ebyo yaakuba amakiryaivu nabo, yaasaba nabo boonaboona.

Ebikolwa by'Abatume 21:5

Bwe twamalayo enaku edho, twavaayo twaja ku lugendo lwaife. Boonaboona ghalala n'abakazi baibwe, n'abaana baatugherekeraku baatufulumya mu kibuga. Twenatwena twakuba amakiryaivu ku mbali kw'enhandha twasaba.

Ebikolwa by'Abatume 3:1

Agho olwatuuka Petero ni Yoanne baaniinaniina okuja mu isinzizo ku saawa omwenda, esaawa ey'okusaba.

Ebikolwa by'Abatume 4:29

Mperaano ni, Musengwa, bona okutiisatiisa kwaibwe, era gha abagheereza bo okwogera ekibono kyo n'obugumu bwonabwona.

Ebikolwa by'Abatume 5:20

“Muje mugheereze mu isinzizo mukobere abantu ebibono byonabyona eby'Obulamu buno.”

Ebikolwa by'Abatume 5:29

Petero n'Abatume bairamu bati: “Tuli na kuwulira Katonda, ti bantu.

Ebikolwa by'Abatume 7:60

Yaakuba amakiryaivu, yaaleekaana ati: “Musengwa ekibi kino tokibavunaana.” Bwe yamala okwogera atyo yaafa.

Ebikolwa by'Abatume 9:40

Petero yaabafulumya ku luya boonaboona, yaakuba amakiryaivu yaasaba era yaakyukira omulambo yaakoba ati: “Tabitha, situka.” Agho Tabitha yaazibula amaiso, era bwe yabona Petero, yaatyama.

Ab'Efeso 3:14

Kyenva ni nkuba amakiryaivu mu maiso ga Lata,

Ab'e Filippi 1:14

Era aboluganda kamaala bongeire okwekakasa mu Katonda olw'okusibwa kwange, era beeyongera okuguma okwogera ekibono kya Musengwa nga tibatya.

Ab'e Filippi 1:20

Kye nandyenze einho era kye nsuubira n'ekyo nti ndobe kuswala naire, aye mpeesenga Kurisito ekitiisa mu bulamu bwange nga ndi mugumu inho, mperaano ni buliidho, ni bwe mba omulamu, oba ni bwe nfa.

Ab'e Filippi 4:6

Muteeraliikiriranga olw'ekintu kyonakyona, aye buli lwe musabanga mumanhise Katonda ebyetaago byaimwe byonabyona, era buli kiseera mumusabenga n'emyoyo egisiima.

Ab'e Kolosai 3:17

Era kiisi kye mukolanga, ka kibe mu bibono oba mu bikolwa, mu kikole mu liina lya Musengwa Yesu, era nga mubita mu oyo okweyanza Katonda Lata nga musiimye.

Abaheburayi 13:15

Kale buliidho tughenga Katonda omusengo ogw'okumusaaka nga tubita mu Yesu, nga twatula eriina lye n'eminwa gyaife.

Abaheburayi 4:16

Kale ni tuseete kumpi n'ekityamo eky'ekisa kya Katonda nga tuli bagumu, memale atusaasire era atugemerwe ekisa kiisi lwe tuba nga twetaaga okubeerwa.

Okwolekebwa 2:10

Otatya ebyo ebizibu ebiri okumpi okukutuukaku. Bona, Sitaani aidha kusuula abandi ku imwe mu ikomera okubaleba, era mulidaagadaaga okumala enaku ikumi. Weekalangulire mu kwikiriza okutuusa okufa, ndikugha obulamu ng'ekirabo eky'obughanguzi.

Okwolekebwa 2:13

Ndidhi y'oba eyo eri ekityamo kya Sitaani. Weekalanguliire ku nze. Era waasigala ng'ondhikiriza ni mu kiseera Antipa omudhulizi wange omwesigwa mwe yaitirwa eyo ewaimwe Sitaani y'aba.