Danieli 5:8 - Baibuli Ekibono kya Katonda 2014

⁸ Agho abagezigezi abo boonaboona aba kyabazinga baaseeta, aye baaloba kusobola kusoma kighandiiko ekyo waire okukobera kyabazinga amakulu gaakyo.

Danieli 5:8 Iomraidhean Croise

Amainhama 41:8

Enkyo yeeraliikirira, kale yaayetesa abalaguzi boonaboona n'abakugu mu kuvuunula ebirooto boonaboona ab'omu Misiri, yaabakobera ebirooto bye. Aye ghaabulagho omuntu waire omulala ati, eyali asobola okumuvuunulira amakulu gaabyo.

Isaia 47:9

Aye ebyo byombi birikwidhira mu kaseera buseera era ku lunaku lulala luti, waafiirwa abaana era wafuuka namwandu. Era waire eirogo lyo n'okulagula kwo, by'okozesa tibirikuwonia naire.

Yeremia 50:35

Musengwa Katonda akoba ati: “Abantu b'omu kibuga Babiloni ka bafe, n'abantu b'omu nsi Babilonia yoonayoona ka bafe, ghalala n'abakungu baibwe, n'abantu baibwe abagezi.

Danieli 2:27

Danieli yairamu ati: “Isebantu kyabazinga, ekyo ekyama ky'oli kubuuza, ghazira bagezigezi basobola kukikukobera, waire abasamize, oba abalaguzi, oba abo abeetegereza ebiri ku igulu.

Danieli 4:18

“Ekyo n'ekirooto nze kyabazinga Nebukadinezzari kye naloota. Buti iwe Beluteshazzari, nkobera amakulu gaakyo, kuba abantu abagezigezi ab'omu bwakyabazinga bwange, amakulu gaakyo gaabalemye okunkobera. Aye iwe osobola, kuba omwoyo gwa bakatonda abatukuvu gukuliku.”

Danieli 4:4

“Nze Nebukadinezzari nali ndi mu miraala mu ndhu yange, ng'ebintu binjiira bukalamu mu kisaagaati kyange eky'obwakyabazinga.

Danieli 4:7

Agho abalaguzi, n'abasamize, n'ab'amaghembe, n'abo abeetegereza ebiri ku igulu, baidha. Nze naabakobera ekirooto kyange, aye amakulu gaakyo gaabalema okunkobera.

Danieli 5:15

Mpegaano mbaire naakamala okwetesa abagezigezi n'abasamize, era baabandeetera ghano basome ekighandiiko ekyo, bankobere n'amakulu gaakyo, aye tibasoboire kuzuula makulu ago.