Danieli 5:5 - Baibuli Ekibono kya Katonda 2014

⁵ Baaja okulinga bati nga babona omukono ogw'omuntu oguli kughandiika ku seminti ye baakuba ku kimante eky'ekisaagaati kya kyabazinga. Omukono ogwo gwali guli kughandiika gha mberi gh'ekikondo eky'entaala, era kyabazinga yaabona bukalamu nga guli kughandiika.

Danieli 5:5 Iomraidhean Croise

Yobu 20:5

eisanhu ly'omubi likoma mangu; omuntu atatya Katonda asangaalaku kaseera buseera.

Ensambo 29:1

Omuntu ye banenia emikuzi kamaala ng'ayongera bwa kukalambalira mu nsobi, mu kaseera buseera balimutentena nga takairayo kuwona.

Yeremia 50:43

Kyabazinga w'ensi Babilonia aliwulira ebiri kwidha, n'emikono gyamuwaamu amaani; yaawulira obulumi ng'oti bwa mukazi ali kulumwa okuzaala.

Danieli 4:31

Aye yali akaayogera, amamiro gaawulikika nga gava mu igulu gaakoba gati: “Kyabazinga Nebukadinezzari ndi kukukobera nti obwakyabazinga bukutooleibwaku.

Danieli 4:33

Mu kaseera keene ako ebibono ebyo byatuukirira ku Nebukadinezzari. Baamubinga baamutoola mu bantu, yaalyanga isubi ng'oti nte, n'omusulo oguva ku igulu gwamukubanga yaabola. Era enviiri dhe dhaakula dhaaleegha ng'oti mooya ga nkookooma, n'enkumu dhe dhaaleegha ng'oti dha nhonhi.

Danieli 5:15

Mpegaano mbaire naakamala okwetesa abagezigezi n'abasamize, era baabandeetera ghano basome ekighandiiko ekyo, bankobere n'amakulu gaakyo, aye tibasoboire kuzuula makulu ago.

Danieli 5:4

Baanhwa omwenge era baasaaka ebisinzibwa ebitali Katonda abyakolebwa mu zaabu, ni mu feeza, ni mu kyuma eky'ekikomo, ni mu kyuma ekigumu einho, ni mu miti, ni mu mabaale.

Danieli 5:6

Agho kyabazinga amaiso gaamumyuka, yaatya inho, amagulu gaamudhugumira, n'ebikiryaivu byakontagana.

Danieli 5:8

Agho abagezigezi abo boonaboona aba kyabazinga baaseeta, aye baaloba kusobola kusoma kighandiiko ekyo waire okukobera kyabazinga amakulu gaakyo.

Ab'e Kolosai 2:14

Ng'amaze okusazaamu endagaano ey'ebitubandhibwa, ni byonabyona ebyali bitusiba mu ndagaano eyo eyali etuli obubi, yaagitoolagho yaagikomerera ku musalaba.