Danieli 5:22 - Baibuli Ekibono kya Katonda 2014

²² “Aye iwe Beleshazzari, mutabane we, weena tiweewombeeseeku naire, waire ng'ebyo byonabyona wabimanha.

Danieli 5:22 Iomraidhean Croise

2 Ebyomubyanda 33:23

Yaaloba kugonderanga Musengwa Katonda nga lata we Manasse bwe yakolanga, aye yeeyongeranga bweyongere kukola bibi.

2 Ebyomubyanda 36:12

Yaakolanga ebibi ebitaasiimya Musengwa Katonda we. Yaaloba n'okugondera Yeremia omulanzi, ng'aidhie okumukobera Musengwa Katonda oyo bye yamutuma.

Zabbuli 119:46

By'okoba byonabyona ndidha kubikoberanga bakyabazinga, nga ghazira kingemya nsoni.

Okuvaayo 10:3

Kale Musa ni Aaroni baaja bangira mu kisaagaati kya kyabazinga, baamukoba bati: “Musengwa Katonda, Katonda w'Abaheburayi akoba ati, ‘Olirekera li okuloba okumpulira? Leka abantu bange baje bansinze.

Isaia 13:11

Musengwa Katonda akoba ati: “Ndisindika ekibamba ku nsi, naabonereza abantu olw'ebibi byaibwe. Ndiisa ghansi abo abeetwala okuba aba ghaigulu, naabonereza abo abeekuluntaza n'abakola ebikolwa eby'obukambwe.

Isaia 14:13

Wakobanga mule oti, ‘Ndidha kuniina mu igulu nte eyo ekityamo kyange eky'obwakyabazinga ere ghaigulu gh'emuunienie dha Katonda. Ndidha kutyama ku lusozi emisambwa lwe gyesolokezaaku, eyo eghala ku luuyi olw'omukono omugooda olw'e buvandhuba.

Isaia 26:10

Ababi ni bw'obakolera ekisa, tibeega kukola bituufu. Ni mu nsi y'abantu abeesimbu mwona bakoleramu bwa bikyamu, baaloba kubona Musengwa Katonda nga bw'ali omukologho.

Danieli 5:18

“Kale ni Isebantu kyabazinga, wulira: oyo Ali Ghaigulu Yeene yagha lata wo Nebukadinezzari okuba kyabazinga omukologho, ow'ekitiisa, era ow'amaani.

Matayo 14:4

kuba Yoanne yamukoba ati: “Ti kituufu iwe okumubayiza.”

Matayo 21:32

kuba Yoanne yaidha ye muli ng'agemye engira entuufu mwaloba kumwikiriza, aye abaghooza ni bamalaaya baamwikiriza. Aye imwe waire nga mwabona ekyo, era timwenenia ni mu mwikiriza.

Luka 12:47

“Ate omugheereza amanha musengwa we by'ayenda n'atakola ntegeka, oba okukola nga musengwa we bw'ayenda, alikubwa emiigo kamaala.

Yoanne 13:17

Bino bwe muba mubiidhi, muli ba nkabi bwe mubikola.

Yakobo 4:17

Kale ni ole yeenayeena aidhi ekituufu eky'okukola aye n'atakikola aba agwire mu kibi.

Yakobo 4:6

Aye atwoleka ekisa kye okusingagho, ekyaghandiikibwa kye kiva ni kikoba kiti: “Katonda atakania abeekudumbaza, aye abeewooya abooleka ekisa kye.”