Danieli 5:20 - Baibuli Ekibono kya Katonda 2014

²⁰ Aye bwe yatoolera okwekuluntaza, n'akalangusa omwoyo gwe nga takaagondera biragiro, Katonda oyo yaamutoola ku kityamo kye eky'obwakyabazinga, era yaamutoolaku n'ekitiisa kye yali nakyo.

Danieli 5:20 Iomraidhean Croise

2 Bakyabazinga 17:14

Aye baaloba kuwulira, baaba ba mpwitu nga badhaadha baibwe bwe baakola, abaaloba okwesiga Musengwa Katonda waibwe.

2 Ebyomubyanda 32:25

Aye Hezekia yaamala yeekuluntaza bwekuluntaze, yaaloba kusiima Musengwa Katonda nga bwe kyali kigwaniire, olw'ekirungi kye yamukolera. Kale Musengwa Katonda yaamusungughalira, era yaasungughalira n'abantu b'omu Buyudaaya, n'ab'omu Yerusalemu.

2 Ebyomubyanda 36:13

Zedekia era yaadheemera ni kyabazinga Nebukadinezzari, eyali amaze okumulayiza mu Katonda, ng'ali n'okuwuliranga ebiragiro bya Nebukadinezzari oyo. Aye Zedekia oyo yaakola bwa mpwitu era yaakalangusa omwoyo gwe, yaaloba kwenenia kwira eri Musengwa Katonda, Katonda wa Isiraeli.

Okuvaayo 18:11

Buti ntegeire nga Musengwa Katonda wa maani okusinga bakatonda boonaboona, kuba yatoola abantu be mu ngalo edh'Abamisiri abaabeeyagalirangaku nga tibababonamu ka buntu.”

Okuvaayo 9:17

Weetwala ng'owa ghaigulu einho, waaloba kuleka bantu be ni baja.

Okuvaayo 9:7

Kyabazinga yaatuma okubuuliriza, era baamukobera nga ku nsolo edh'Abaisiraeli bwe kutaafaaku naire ndala. Aye era omwoyo gwa kyabazinga gwasigala nga mukalangufu yaaloba kutya, era yaaloba kuleka Baisiraeli kuja.

Ensambo 16:18

Okwekuluntaza kuleeta okuzikirira, n'okwegulumiza kwavaamu okugwa.

Ensambo 16:5

Musengwa Katonda yeenhinhata kiisi eyeekuluntaza, era ekikakafu kiri nti taliroba kumubonereza.

Isaia 47:1

Musengwa Katonda akoba ati: “Iwe Babiloni, va ku kityamo eky'obwakyabazinga oike ghansi otyame mu nkungu. Ng'okaali kughangulwa waliku ng'oti n'omughala omwegha. Aye mpegaano tibakaakwegomba, kuba obulungi n'obunhirivu bye wali nabyo tibikaaligho.

Yeremia 13:18

Musengwa Katonda yankoba ati: “Koba kyabazinga n'inhina oti, ‘Muve ku bityamo byaimwe eby'obwakyabazinga, kuba engule dhaimwe edhiboneka obulungi dhibaviire ku mitwe gyaimwe dhaagwa.’

Yeremia 19:15

“Musengwa Katonda Afuga Amagye era Katonda wa Isiraeli akoba ati, ‘Ndidha kutuukiriza akabi ke nakoba okuleeta ku kibuga kino ni ku bubuga obutono obukiriiraine, kuba mwakalangusa emyoyo gyaimwe, mwaloba kuwulirisa bye mbakoba.’ ”

Yeremia 48:18

Imwe ababa mu Diboni, muveeyo mu kifo kyaimwe eky'ekitiisa, mwike mutyame ghansi mu nkungu; kuba oyo ow'okuzikiriza Moabu abaidhiire, azikiriiza ebifo byaimwe eby'okwewogomamu, byafuuka bifulukwa byereere.

Ezekieli 30:6

Musengwa Katonda era akoba ati: “Abo abayamba ensi Misiri baligwa. Era eigye lyayo ery'amaani erigireetera okwekudumbaza lirizikirizibwa. Era abantu baliitirwa mu lutalo, okuva e Migidoli okutuuka e Siyene. Nze Musengwa Katonda ninze nkobye.

Ezekieli 31:10

“Agho ni, nze Musengwa Katonda kyenva ndi kukoba nti: Ng'omuti ogwo bwe gwaleegherera, obusanso bw'ensaga dhaagwo butuuka ni mu bire, era ni gwekuluntaza olw'obuleeyi obwo,

Danieli 11:36

“Kyabazinga wa Siria oyo alikola nga bw'ayenda, yeegulumiza era yeekudumbaza ng'alowooza ati n'asinga bakatonda boonaboona. Alyogera ebintu ebitiisa einho ku Katonda asinga bakatonda boonaboona. Era ebintu birimujiira bukalamu okutuusa Katonda lw'alimumaliraku obusungu bwe kuba Katonda oyo kye yategeka kiri n'okutuukirira.

Danieli 4:26

Era nga malaika bwe yalagira okulekagho ekikolo eky'omuti ogwo mu itaka, obwakyabazinga bwo baliiramu okubukugha, bw'olimala okwatula oti Katonda n'afuga ensi.

Danieli 4:28

Ebyo byonabyona byatuuka ku kyabazinga Nebukadinezzari.

Danieli 4:37

“Era mperaano, nze Nebukadinezzari nsaaka Katonda ow'eigulu, naamugulumiza era naamutaamu ekitiisa kuba by'akola byonabyona bituufu era tasaliriza nsonga. Abo abeetwala okuba aba ghaigulu abaisa.”

Danieli 8:8

Embuzi enume eyo yeeyongera okwekudumbaza ekibitiriire. Aye bwe yali ekeeragalaga nga bw'eri n'amaani amangi, eiyiga lyayo eikologho lyamenheka. Mu kifo kyalyo ghaakukunukagho amayiga agandi agaboneekerera ana, nga gasonse mu ibbanga ku ndhuyi eina edh'ensi.

Luka 18:14

Ka mbakobere: Omughooza w'omusolo ono yairayo ewuwe nga mutukuvu mu maiso ga Katonda okusinga ole kuba buli eyeetwala ati wa ghaigulu aja kwisibwa era buli eyeetwala nga wa ghansi aja kutwalibwa nga wa ghaigulu.”

Abaheburayi 3:13

Aye mulambaganenga buli lunaku, kasita luba nga lwetebwa “Olwaleero”, ghalobe kubaagho naire omulala ku imwe obuguya obw'ekibi ye bukalangusa omwoyo.

1 Samueli 6:6

Lwaki mwenda okukalangusa emyoyo gyaimwe ng'Abamisiri ni kyabazinga waibwe bwe baakola? Katonda bwe yababonereza n'abamalamu, tibaalwa eira ni baleka Baisiraeli kuva mu Misiri ni baja?