Danieli 5:13 - Baibuli Ekibono kya Katonda 2014

¹³ Agho baaleeta Danieli mu maiso ga kyabazinga. Kyabazinga yaamubuuza ati: “Niiwe Danieli, owundi ku bantu lata wange kyabazinga be yanhaga e Buyudaaya n'abaleeta eno?

Danieli 5:13 Iomraidhean Croise

Ezera 10:16

Kale abaava mu bunhage baikiriza entegeka eyo. Ezera yaalonda abandi ku baakuliranga enda dha baiseibwe, ng'ajiira ku nda dhe basimukamu era amaina gaibwe gaaghandiikibwa. Ku lunaku olusooka mu mwezi ogweikumi, baatyama baatoolera okunoonereza ku nsonga eyo.

Ezera 10:7

Agho baalangirira mu Buyudaaya mwonamwona ni mu Yerusalemu, bati abo boonaboona abaira okuva mu bunhage beesololeze e Yerusalemu.

Ezera 4:1

Agho abazigu ab'abantu b'ekika kya Yuda n'ekya Benjamini baawulira ng'abantu abaava mu bunhage bwe baali bali kuzimba obuyaaka eisinzizo lya Musengwa Katonda, Katonda wa Isiraeli.

Ezera 6:16

Agho Abaisiraeli, ni bakabona, n'Abalevi, n'abantu abandi abaira okuva mu bunhage, baasagamba inho nga batukuza eisinzizo lya Katonda eryo.

Danieli 1:1

Mu mwaka ogwokusatu nga kyabazinga Yehoiakimu n'afuga Buyudaaya, kyabazinga Nebukadinezzari ow'e Babilonia yaalumba ekibuga Yerusalemu n'eigye lye, yaakizingiza okukyezunguluza.

Danieli 1:2

Musengwa yaaghaayo kyabazinga Yehoiakimu owa Buyudaaya mu buyinza bwa Nebukadinezzari ghalala n'ebindi ku bintu ebyakozesebwanga mu isinzizo lya Katonda. Nebukadinezzari yaabitwala mu nsi Shinari mu isabo lya katonda we, yaabita mu iterekero ery'eisabo eryo.

Danieli 1:21

Danieli yaasigala ng'akaagheereza kyabazinga okutuukiza irala mu mwaka ogusooka ogwa kyabazinga Kuro.

Danieli 1:6

Mu baisuka abaalondebwa n'omwali Danieli, Hanania, Mishaeli ni Azaria, ab'omu kika kya Yuda.

Danieli 2:25

Agho amangu geene ago, Arioki yaatwala Danieli mu maiso ga kyabazinga. Era yaakoba kyabazinga ati: “Isebantu kyabazinga, nzwire nga mu bantu abaanhagibwa e Buyudaaya mulimu omusaadha asobola okuvuunula ekirooto kyo.”

Danieli 2:48

Agho kyabazinga yaafuula Danieli omuntu omukologho era yaamugha ebirabo ebirungi einho kamaala. Yaamugha okufuga ekiketezo kyonakyona eky'e Babiloni, era yaamufuula omukulu ow'abagezigezi boonaboona ab'omu Babilonia.

Danieli 5:11

Mu bwakyabazinga bwo mulimu omusaadha aliku omwoyo ogwa bakatonda abatukuvu. Mu biseera bya lata wo kyabazinga Nebukadinezzari, omusaadha oyo yeeyoleka okuba omuntu alengera eghala, ng'ali n'okutegeera, era ng'ali n'amagezi agali ng'oti n'aga bakatonda. Era kyabazinga Nebukadinezzari oyo lata wo, yaamufuula okuba omukulu ow'abalaguzi, abasamize, ab'amaghembe, n'abo abeetegereza ebiri ku igulu.

Danieli 5:14

Nawulira nga bakwogeraku bati oliku omwoyo gwa bakatonda abatukuvu, era bati weeyoleka okuba omuntu alengera eghala, ng'ali n'okutegeera, era ng'ali n'amagezi agabitiriire.

Danieli 5:18

“Kale ni Isebantu kyabazinga, wulira: oyo Ali Ghaigulu Yeene yagha lata wo Nebukadinezzari okuba kyabazinga omukologho, ow'ekitiisa, era ow'amaani.

Danieli 5:2

Beleshazzari bwe yanhwa omwenge n'aghezaamu, yaalagira baje baleete ebikopo bya zaabu n'ebya feeza, lata we Nebukadinezzari bye yatoola mu isinzizo e Yerusalemu olwo nga Beleshazzari oyo ayenda, mwene, n'abakungu be, ni bakazi be ab'omu ndhu n'ab'embali, babinhweremu.

Danieli 6:13

Agho baakoba kyabazinga bati: “Danieli oyo, omulala ku bantu abaanhagibwa e Buyudaaya, takutaamu kitiisa iwe Isebantu waire okugondera ekiragiro kye wataaku ekinkumu. Era asaba Katonda we emikuzi esatu buli lunaku.”

Danieli 8:1

Mu mwaka ogwokusatu ogw'obufuzi bwa kyabazinga Beleshazzari, nze Danieli nafuna okubonekerwa okwairirira kule okwasooka.

Danieli 8:27

Nze Danieli amaani gampwamu, era naabeera irala mulwaire okumala enaku. Oluvainhuma naamala naasituka, naaja ku mirimo kyabazinga gye yampa. Aye okubonekerwa okwo kwasigala nga kukantabwire, nga tisobola kukutegeera naire.

Yoanne 7:1

Ebyo bwe byawa Yesu yaasigala mu Galilaaya nga tayenda kutambulira mu Buyudaaya, kuba Abayudaaya baali banoonia kumwita.

Yoanne 7:3

Baganda be baamukoba bati: “Va ghano oje e Buyudaaya, Abeegeresebwa bo babone ku bino by'okola.